ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 2 ਜੁਲਾਈ
ਦੱਖਣੀ ਦਿੱਲੀ ਦੇ ਤਿਆਗਰਾਜ ਸਟੇਡੀਅਮ ਨੇੜੇ ਇੱਕ 38 ਸਾਲਾ ਵਿਅਕਤੀ ਨੇ ਅੱਜ ਖੁਦਕੁਸ਼ੀ ਕਰ ਲਈ। ਉਸ ਦੀ ਲਾਸ਼ ਸਥਾਨਕ ਨਿਵਾਸੀਆਂ ਨੂੰ ਸਟੇਡੀਅਮ ਦੇ ਸਾਹਮਣੇ ਪਾਰਕ ਅੰਦਰੋਂ ਮਿਲੀ ਹੈ। ਮ੍ਰਿਤਕ ਦੀ ਪਛਾਣ ਅਖਿਲੇਸ਼ਵਰ ਮਿਸ਼ਰਾ ਵਜੋਂ ਹੋਈ ਹੈ, ਜੋ ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਸੀ। ਪੁਲੀਸ ਮੁਤਾਬਕ ਅਖਿਲੇਸ਼ਵਰ ਦਿੱਲੀ ਦੇ ਰੇਸ ਕੋਰਸ ਏਅਰਫੋਰਸ ਸਟੇਸ਼ਨ ’ਤੇ ਕੰਮ ਕਰਦਾ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਅਖਿਲੇਸ਼ਵਰ ਸ਼ਨਿਚਰਵਾਰ ਦੇਰ ਰਾਤ ਇਕੱਲਾ ਪਾਰਕ ’ਚ ਆਇਆ ਸੀ। ਸਥਾਨਕ ਲੋਕਾਂ ਨੇ ਸਵੇਰੇ 5.41 ਵਜੇ ਦੇ ਕਰੀਬ ਲਾਸ਼ ਬਾਰੇ ਉਨ੍ਹਾਂ ਨੂੰ ਸੂਚਿਤ ਕੀਤਾ। ਇਸ ਦੌਰਾਨ ਮੌਕੇ ਤੋਂ ਇੱਕ ਸੁਸਾਈਡ ਨੋਟ ਬਰਾਮਦ ਕੀਤਾ ਗਿਆ। ਡੀਸੀਪੀ (ਦੱਖਣੀ) ਚੰਦਨ ਚੌਧਰੀ ਨੇ ਕਿਹਾ ਕਿ ਲਾਸ਼ ਤਿਆਗਰਾਜ ਸਟੇਡੀਅਮ ਦੇ ਗੇਟ-7 ਦੇ ਸਾਹਮਣੇ ਵਾਲੀ ਪਾਰਕ ਅੰਦਰੋਂ ਮਿਲੀ ਹੈ।