ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 3 ਜੁਲਾਈ
ਦਿੱਲੀ ਵਿੱਚ ਆਟੋ ਤੇ ਟੈਕਸੀਆਂ ਦੇ ਕਿਰਾਏ ਵਿੱਚ ਵਾਧਾ ਹੋਵੇਗਾ ਤੇ ਮਹਿੰਗਾਈ ਦਾ ਇੱਕ ਝਟਕਾ ਹੋਰ ਦਿੱਲੀ ਵਾਲਿਆਂ ਨੂੰ ਲੱਗੇਗਾ। ਸੀਐਨਜੀ ਤੇ ਪੈਟਰੋਲ ਦੀਆਂ ਕੀਮਤਾਂ ਵਿੱਚ ਬੀਤੇ ਮਹੀਨਿਆਂ ਦੌਰਾਨ ਹੋਏ ਵਾਧੇ ਮਗਰੋਂ ਆਟੋ ਤੇ ਟੈਕਸੀ ਚਾਲਕਾਂ ਨੇ ਦਿੱਲੀ ਸਰਕਾਰ ਤੋਂ ਇਨ੍ਹਾਂ ਸੇਵਾਵਾਂ ਦੇ ਕਿਰਾਏ ਵਧਾਉਣ ਦੀ ਮੰਗ ਕੀਤੀ ਸੀ। ਦਿੱਲੀ ਸਰਕਾਰ ਨੇ ਕਮੇਟੀ ਬਣਾ ਦਿੱਤੀ ਸੀ ਜਿਸ ਦੀ ਰਿਪੋਰਟ ਆਉਣ ਮਗਰੋਂ ਕਿਰਾਏ ਵਾਧੇ ਬਾਰੇ ਸਿਧਾਂਤਕ ਸਹਿਮਤੀ ਬਣ ਗਈ ਹੈ। ਦਿੱਲੀ ਦੇ ਟਰਾਂਸਪੋਰਟ ਮੰਤਰੀ ਕੈਲਾਸ਼ ਗਹਿਲੋਤ ਦੇ ਦਫ਼ਤਰ ਨੇ ਪੁਸ਼ਟੀ ਕੀਤੀ ਹੈ ਕਿ ਰਾਜ ਸਰਕਾਰ ‘ਸੀਐਨਜੀ’ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧੇ ਦੇ ਵਿਚਕਾਰ ਕਿਰਾਇਆ ਵਧਾਉਣ ਦਾ ਇਰਾਦਾ ਰੱਖਦੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਮੀਟਰ ਡਾਊਨ ਚਾਰਜ ਨੂੰ 9.50 ਦੀ ਬਜਾਏ 11 ਦੇ ਪਿਛਲੇ ਅਧਾਰ ਮੁੱਲ ਦੀ ਬਜਾਏ 30 ਤੱਕ ਵਧਾ ਦਿੱਤਾ ਜਾਵੇਗਾ। ਟੈਕਸੀਆਂ ਦੇ ਸਬੰਧ ਵਿੱਚ ਮੀਟਰ ਡਾਊਨ ਚਾਰਜ 25 ਰੁਪਏ ਦੀ ਬਜਾਏ 40 ਰੁਪਏ ਹੋ ਜਾਣਗੇ।
ਇਸ ਦੌਰਾਨ ਜਦੋਂ ਨਾਨ-ਏਸੀ ਟੈਕਸੀਆਂ ਦੀ ਗੱਲ ਆਉਂਦੀ ਹੈ ਤਾਂ ਟੈਕਸੀ ਵਿੱਚ ਕਿਰਾਇਆ 16 ਰੁਪਏ ਤੋਂ 20 ਰੁਪਏ ਪ੍ਰਤੀ ਕਿਲੋਮੀਟਰ ਤੱਕ ਸੋਧਿਆ ਜਾਵੇਗਾ। ਪਿਛਲੇ ਛੇ ਮਹੀਨਿਆਂ ਵਿੱਚ ਸੀਐਨਜੀ ਦੀ ਕੀਮਤ 75.61 ਪ੍ਰਤੀ ਕਿਲੋਗ੍ਰਾਮ ਹੋ ਗਈ ਹੈ, ਜਦੋਂ ਕਿ 1 ਜਨਵਰੀ ਨੂੰ ਇਹ ਲਗਭਗ 52.04 ਸੀ।