ਪੱਤਰ ਪ੍ਰੇਰਕ
ਮੁੱਲਾਂਪੁਰ ਗਰੀਬਦਾਸ, 28 ਮਾਰਚ
ਪਿੰਡ ਫਿਰੋਜ਼ਪੁਰ ਬੰਗਰ ਦੇ ਵਸਨੀਕਾਂ ਨੇ ਕੁੱਝ ਸ਼ੱਕੀ ਪਰਵਾਸੀ ਲੁਟੇਰਿਆਂ ਨੂੰ ਫੜ ਕੇ ਪੁਲੀਸ ਹਵਾਲੇ ਕੀਤਾ ਹੈ। ਥਾਣਾ ਮੁੱਲਾਂਪੁਰ ਗਰੀਬਦਾਸ ਦੇ ਐੱਸਐੱਚਓ ਸਿਮਰਨਜੀਤ ਸਿੰਘ ਤੇ ਜਾਂਚ ਅਫ਼ਸਰ ਗੁਰਨਾਮ ਸਿੰਘ ਨੇ ਦੱਸਿਆ ਕਿ ਅਮਨਦੀਪ ਸਿੰਘ ਦੇ ਬਿਆਨਾਂ ’ਤੇ ਕਥਿਤ ਮੁਲਜ਼ਮਾਂ ਵਿਜੈ ਕੁਮਾਰ ਪਿੰਡ ਜਨਸੱਠ ਜ਼ਿਲ੍ਹਾ ਮੁਜੱਫਰ ਨਗਰ ਯੂਪੀ ਹਾਲ ਵਾਸੀ ਭੜੌਜੀਆਂ, ਆਸੀਸ ਕੁਮਾਰ ਪਿੰਡ ਸ਼ਾਮਲੀ ਹਾਲ ਵਾਸੀ ਰਤਵਾੜਾ, ਰਾਹੁਲ ਪਿੰਡ ਬਰਵਾਲਾ ਜ਼ਿਲ੍ਹਾ ਬਾਗਪਤ ਯੂਪੀ ਹਾਲ ਵਾਸੀ ਪੈਂਤਪੁਰ, ਕਰਨ ਵਾਸੀ ਧਨਾਸ ਛੋਟਾ ਫਲੈਟ ਧਨਾਸ, ਰਾਹੁਲ ਗਿਰੀ ਵਾਸੀ ਭੜੌਜੀਆਂ ਤੇ ਤਿੰਨ-ਚਾਰ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ।