ਜੈਪੁਰ, 15 ਮਈ
ਹਿੰਦੁਸਤਾਨ ਕਾਪਰ ਲਿਮਟਿਡ ਦੇ ਇੱਕ ਸੀਨੀਅਰ ਵਿਜੀਲੈਂਸ ਅਧਿਕਾਰੀ ਦੀ ਰਾਜਸਥਾਨ ਦੇ ਨੀਮ ਕਾ ਥਾਣਾ ਜ਼ਿਲ੍ਹੇ ਵਿੱਚ ਕੋਲਿਹਾਨ ਖਾਣ ਵਿੱਚ ਲਿਫਟ ਡਿੱਗਣ ਕਾਰਨ ਮੌਤ ਹੋ ਗਈ, ਜਦ ਕਿ ਖਾਣ ’ਚ 14 ਫਸੇ ਮੁਲਾਜ਼ਮਾਂ ਨੂੰ ਬਚਾਅ ਲਿਆ ਗਿਆ ਹੈ। ਪਹਿਲੇ ਪੜਾਅ ਵਿੱਚ ਤਿੰਨ ਅਤੇ ਦੂਜੇ ਪੜਾਅ ਵਿੱਚ ਪੰਜ ਜਣਿਆਂ ਨੂੰ ਬਾਹਰ ਕੱਢਿਆ ਗਿਆ ਸੀ। ਮੰਗਲਵਾਰ ਰਾਤ ਝੁੰਝਨੂ ਦੇ ਖੇਤੜੀ ਵਿੱਚ ਹਿੰਦੁਸਤਾਨ ਕਾਪਰ ਲਿਮਟਿਡ ਦੀ ਕੋਲਿਹਾਨ ਖਾਨ ਵਿੱਚ ਲਿਫਟ ਡਿੱਗਣ ਕਾਰਨ 15 ਅਧਿਕਾਰੀ ਅਤੇ ਕਰਮਚਾਰੀ ਫਸ ਗਏ ਸਨ।