ਨਵੀਂ ਦਿੱਲੀ, 15 ਜੁਲਾਈ
ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਮਾਰੂਤੀ ਸੁਜ਼ੂਕੀ ਇੰਡੀਆ (ਐੱਮਐੱਸਆਈ) ਨੇ ਬੁੱਧਵਾਰ ਨੂੰ ਕਿਹਾ ਹੈ ਕਿ ਉਸ ਨੇ ਖਰਾਬ ਇੰਜਣ ਪੰਪ ਨੂੰ ਚੈੱਕ ਕਰਨ ਅਤੇ ਉਸ ਨੂੰ ਬਦਲਣ ਲਈ 1,34,885 ਵੈਗਨ-ਆਰ ਅਤੇ ਬਲੇਨੋ ਮਾਡਲ ਕਾਰਾਂ ਵਾਪਸ ਮੰਗਵਾਈਆਂ ਹਨ। ਸਟਾਕ ਬਾਜ਼ਾਰ ਨੂੰ ਭੇਜੀ ਗਈ ਜਾਣਕਾਰੀ ਵਿਚ ਐੱਮਐੱਸਆਈ ਨੇ ਕਿਹਾ ਹੈ ਕਿ ਉਹ ਇਹ ਕੰਮ ਸਵੈਇੱਛਤ ਕਰ ਰਿਹਾ ਹੈ। ਕੰਪਨੀ ਨੇ 15 ਨਵੰਬਰ 2018 ਤੋਂ 15 ਅਕਤੂਬਰ 2019 ਦੇ ਵਿਚਕਾਰ ਬਣੀਆਂ ਵੈਗਨ-ਆਰ (ਇਕ ਲਿਟਰ) ਅਤੇ 8 ਜਨਵਰੀ 2019 ਤੋਂ 4 ਨਵੰਬਰ 2019 ਦੇ ਵਿਚਕਾਰ ਬਲੇਨੋ (ਪੈਟਰੋਲ) ਕਾਰਾਂ ਵਾਪਸ ਮੰਗਵਾਈਆਂ ਹਨ। ਕੰਪਨੀ ਨੇ ਕਿਹਾ, “ਕੰਪਨੀ ਦੀ ਇਸ ਵੈਗਨ-ਆਰ ਦੀਆਂ 56,663 ਇਕਾਈਆਂ ਅਤੇ ਬਾਲੇਨੋ ਦੀਆਂ 78,222 ਇਕਾਈਆਂ ਦੇ ਇੰਜਣ ਪੰਪ ਵਿੱਚ ਖਰਾਬੀ ਹੋ ਸਕਦੀ ਹੈ। ਇਨ੍ਹਾਂ ਨੂੰ ਮੁਫ਼ਤ ਬਦਲਿਆ ਜਾਵਗੇਾ।