ਅਗਰਤਲਾ, 14 ਮਈ
ਤ੍ਰਿਪੁਰਾ ਦਾ ਨਵਾਂ ਮੁੱਖ ਮੰਤਰੀ ਤੈਅ ਕਰਨ ਲਈ ਅੱਜ ਹੋਈ ਮੀਟਿੰਗ ਵਿਚ ਖਾਸਾ ਹੰਗਾਮਾ ਹੋਇਆ। ਵਿਧਾਇਕ ਦਲ ਦੀ ਮੀਟਿੰਗ ਵਿਚ ਮੁੱਖ ਮੰਤਰੀ ਮਾਣਿਕ ਸਾਹਾ ਨੂੰ ਬਣਾਉਣ ’ਤੇ ਸਹਿਮਤੀ ਬਣੀ ਪਰ ਉਨ੍ਹਾਂ ਦਾ ਨਾਂ ਤੈਅ ਕਰਨ ਦੌਰਾਨ ਮੰਤਰੀ ਰਾਮ ਪ੍ਰਸਾਦ ਪੌਲ ਨੇ ਇਤਰਾਜ਼ ਜਤਾਇਆ। ਇਸ ਮੌਕੇ ਹੋਰ ਵਿਧਾਇਕਾਂ ਦੀ ਬਹਿਸ ਵੀ ਹੋਈ। ਮੰਤਰੀ ਪੌਲ ਨੇ ਇਸ ਦੌਰਾਨ ਕੁਰਸੀਆਂ ਵੀ ਤੋੜੀਆਂ। ਇਸ ਘਟਨਾ ਦਾ ਇਕ ਵੀਡੀਓ ਵਾਇਰਲ ਹੋਇਆ ਹੈ ਜਿਸ ਵਿਚ ਉਹ ਕਹਿੰਦੇ ਸੁਣ ਰਹੇ ਹਨ ਕਿ ਇਸ ਫੈਸਲੇ ਨਾਲ ਉਹ ਮਰ ਜਾਣਗੇ। ਇਸ ਤੋਂ ਬਾਅਦ ਮਾਣਿਕ ਸਾਹਾ ਵੱਲੋਂ ਹੋਰ ਵਿਧਾਇਕਾਂ ਨਾਲ ਰਾਜਪਾਲ ਨਾਲ ਮੁਲਾਕਾਤ ਕੀਤੀ ਗਈ।