ਪੱਤਰ ਪ੍ਰੇਰਕ
ਪਟਿਆਲਾ, 6 ਅਗਸਤ
ਪੰਜਾਬ ਲੋਕ ਸੇਵਾ ਕਮਿਸ਼ਨ (ਪੀਪੀਐਸਸੀ) ਨੇ ਪੰਜਾਬ ਸੈਰ ਸਪਾਟਾ ਤੇ ਸਭਿਆਚਾਰ ਮਾਮਲੇ ਅਤੇ ਪੰਜਾਬ ਸਰਕਾਰ ਦੇ ਗ੍ਰਹਿ ਵਿਭਾਗ ਅਤੇ ਜਸਟਿਸ ਲਈ ਵੱਖ ਵੱਖ ਅਸਾਮੀਆਂ ਦੀ ਮੰਗ ਕੀਤੀ ਹੈ। ਜਾਣਕਾਰੀ ਅਨੁਸਾਰ ਪੀਪੀਐਸਸੀ ਨੇ ਪੰਜਾਬ ਸਰਕਾਰ ਦੇ ਵਿਭਾਗਾਂ ਵੱਲੋਂ ਮਿਲੀ ਮਨਜ਼ੂਰੀ ਤੋਂ ਬਾਅਦ ਪੰਜਾਬ ਸੈਰ ਸਪਾਟਾ ਤੇ ਸਭਿਆਚਾਰਕ ਮਾਮਲੇ ਵਿਭਾਗ ਲਈ ਅਸਿਸਟੈਂਟ ਐਡੀਟਰ ਕਮ ਕੰਪਾਈਲਰ ਦੀ ਇਕ ਅਸਾਮੀ, ਅਸਿਸਟੈਂਟ ਆਰਕਾਈਵਜ਼ ਦੀ ਇਕ ਅਸਾਮੀ, ਆਰਕੋਲੌਜੀਕਲ ਅਫ਼ਸਰ ਲਈ ਦੋ ਅਸਾਮੀਆਂ, ਡਿਪਟੀ ਕਿਓਰੇਟਰ ਲਈ ਦੋ ਅਸਾਮੀਆਂ, ਟੈਕਨੀਕਲ ਅਸਿਸਟੈਂਟ ਗਰੇਡ-1 ਲਈ ਇਕ ਅਸਾਮੀ, ਕੀਪਰ ਮਿਊਜ਼ੀਅਮ ਲਈ ਚਾਰ ਅਸਾਮੀਆਂ, ਡਿਪਟੀ ਡਾਇਰੈਕਟਰ ਲਈ ਇਕ ਅਸਾਮੀ, ਕਿਓਰੇਟਰ ਲਈ ਤਿੰਨ ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ, ਵਿਭਾਗੀ ਸੂਤਰਾਂ ਅਨੁਸਾਰ ਇਨ੍ਹਾਂ ਅਸਾਮੀਆਂ ਲਈ ਅਪਲਾਈ ਕਰਨ ਦੀ ਆਖ਼ਰੀ ਮਿਤੀ 22 ਅਗਸਤ ਰੱਖੀ ਗਈ ਹੈ, ਇਸੇ ਤਰ੍ਹਾਂ ਪੰਜਾਬ ਸਰਕਾਰ ਦੇ ਗ੍ਰਹਿ ਵਿਭਾਗ ਅਤੇ ਜਸਟਿਸ ਲਈ ਸਾਇੰਟਿਫਿਕ ਅਸਿਸਟੈਂਟ ਸੇਰੋਲੌਜੀ ਦੀ ਇਕ ਅਸਾਮੀ ਸਮੇਤ ਹੋਰਨਾਂ ਲਈ ਯੋਗ ਉਮੀਦਵਾਰਾਂ ਤੋਂ ਅਰਜ਼ੀਆਂ ਦੀ ਮੰਗ ਕੀਤੀ ਹੈ, ਗ੍ਰਹਿ ਵਿਭਾਗ ਤੇ ਜਸਟਿਸ ਦੀਆਂ ਉਕਤ ਅਸਾਮੀਆਂ ਲਈ ਅਪਲਾਈ ਕਰਨ ਦੀ ਆਖ਼ਰੀ ਮਿਤੀ 17 ਅਗਸਤ ਰੱਖੀ ਗਈ ਹੈ।