ਮੁੰਬਈ, 21 ਨਵੰਬਰ
ਮਹਾਰਾਸ਼ਟਰ ਦੇ ਨਾਸਿਕ ’ਚ ਰਹਿੰਦਾ ਓਮ ਮਹਾਜਨ ਅਗਲੇ ਮਹੀਨੇ ਅਠਾਰਾਂ ਸਾਲਾਂ ਦਾ ਹੋਵੇਗਾ, ਪਰ ਉਸ ਨੇ ਦੇਸ਼ ਵਿੱਚ ਸਾਈਕਲ ’ਤੇ ਸਭ ਤੋਂ ਤੇਜ਼ ਸਫ਼ਰ ਕਰਨ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਮਹਾਜਨ ਨੇ ਸ੍ਰੀਨਗਰ ਤੋਂ ਕੰਨਿਆਕੁਮਾਰੀ ਦਾ 3600 ਕਿਲੋਮੀਟਰ ਦਾ ਫ਼ਾਸਲਾ ਅੱਠ ਦਿਨਾਂ ਸੱਤ ਘੰਟਿਆਂ ਤੇ 38 ਮਿੰਟਾਂ ਵਿੱਚ ਪੂਰਾ ਕੀਤਾ ਹੈ। ਮਹਾਜਨ ਨੇ ਪਿਛਲੇ ਹਫ਼ਤੇ ਰਾਤ ਨੂੰ ਹੱਡ ਚੀਰਦੀ ਠੰਢ ਵਿੱਚ ਸ੍ਰੀਨਗਰ ਤੋਂ ਸਫ਼ਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਦੌਰਾਨ ਊਸ ਨੂੰ ਰਸਤੇ ਵਿੱਚ ਮੱਧ ਪ੍ਰਦੇਸ਼ ’ਚ ਭਾਰੀ ਬਰਸਾਤ ਤੇ ਦੱਖਣ ਵਿੱਚ ਪਿੰਢੇ ਨੂੰ ਲੂੰਹਦੀ ਗਰਮੀ ਨਾਲ ਵੀ ਦੋ ਚਾਰ ਹੋਣਾ ਪਿਆ। ਪੀਟੀਆਈ