ਲਖਨਊ, 15 ਅਪਰੈਲ
ਉੱਤਰ ਪ੍ਰਦੇਸ਼ ’ਚ ਪੰਚਾਇਤੀ ਚੋਣਾਂ ਦੇ ਪਹਿਲੇ ਗੇੜ ਤਹਿਤ ਅੱਜ ਸ਼ਾਮ ਪੰਜ ਤੱਕ ਔਸਤਨ 61 ਫੀਸਦ ਵੋਟਾਂ ਪਈਆਂ ਹਨ। ਇਨ੍ਹਾਂ ਚੋਣਾਂ ਨੂੰ ਉੱਤਰ ਪ੍ਰਦੇਸ਼ ’ਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਦਾ ਸੈਮੀਫਾਈਨਲ ਮੰਨਿਆ ਜਾ ਰਿਹਾ ਹੈ। ਚੋਣ ਕਮਿਸ਼ਨ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਸੂਬੇ ਦੇ 18 ਜ਼ਿਲ੍ਹਿਆਂ ’ਚ ਦੋ ਲੱਖ 21 ਹਜ਼ਾਰ ਤੋਂ ਵੱਧ ਸੀਟਾਂ ਲਈ ਅੱਜ ਸਵੇਰੇ ਸੱਤ ਵਜੇ ਵੋਟਿੰਗ ਸ਼ੁਰੂ ਹੋਈ ਤੇ ਸ਼ਾਮ ਪੰਜ ਵਜੇ ਤੱਕ ਤਕਰੀਬਨ 61 ਫੀਸਦ ਵੋਟਾਂ ਦਰਜ ਕੀਤੀਆਂ ਗਈਆਂ। ਝਾਂਸੀ ’ਚ ਸਭ ਤੋਂ ਵੱਧ 69.75 ਫੀਸਦ ਜਦਕਿ ਸ਼੍ਰਾਵਸਤੀ ’ਚ ਸਭ ਤੋਂ ਘੱਟ 53 ਫੀਸਦ ਵੋਟਾਂ ਪਈਆਂ। -ਪੀਟੀਆਈ