ਸਰਬਜੀਤ ਸਿੰਘ ਭੱਟੀ
ਲਾਲੜੂ, 12 ਸਤੰਬਰ
ਹੰਡੇਸਰਾ ਵਿੱਚ ਹੋਈ ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਬਲਾਕ ਡੇਰਾਬਸੀ ਦੀ ਮੀਟਿੰਗ ਦੌਰਾਨ ਕਿਸਾਨ ਆਗੂ ਭਗਵੰਤ ਸਿੰਘ ਹੰਡੇਸਰਾ ਨੂੰ ਬਲਾਕ ਕਮੇਟੀ ਵਿੱਚ ਸ਼ਾਮਲ ਅਤੇ ਹੰਡੇਸਰਾ ਸਰਕਲ ਦੀ 15 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਗਿਆ। ਇਸ ਮੌਕੇ ਯੂਨੀਅਨ ਦੇ ਸੂਬਾਈ ਕਾਰਜਕਾਰਨੀ ਮੈਂਬਰ ਮਨਪ੍ਰੀਤ ਸਿੰਘ ਅਮਲਾਲਾ ਅਤੇ ਬਲਾਕ ਪ੍ਰਧਾਨ ਕਰਮ ਸਿੰਘ ਬਰੌਲੀ ਨੇ ਦੱਸਿਆ ਕਿ ਬਲਾਕ ਡੇਰਾਬਸੀ ਵੱਡਾ ਹੋਣ ਕਾਰਨ ਹਰਿਆਣਾ ਰਾਜ ਦੀ ਹੱਦ ’ਤੇ ਪੈਂਦੇ ਪਿੰਡ ਹੰਡੇਸਰਾ ਦੇ ਕਿਸਾਨਾਂ ਦੀ ਸਹੂਲਤ ਲਈ ਹੰਡੇਸਰਾ ਸਰਕਲ ਦੀ 15 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ। ਇਸ ਵਿੱਚ ਸੁਖਚੈਨ ਸਿੰਘ ਹੰਡੇਸਰਾ, ਅਵਤਾਰ ਸਿੰਘ ਤਸਿੰਬਲੀ, ਪਰਵਿੰਦਰ ਸਿੰਘ ਹਮਾਯੁੰਪੁਰ, ਪਰਵੀਨ ਸਿੰਘ ਨਗਲਾ, ਪ੍ਰਿਤਪਾਲ ਸਿੰਘ ਰਾਣੀਮਾਜਰਾ, ਜਸਵਿੰਦਰ ਸਿੰਘ ਮਾਲਣ, ਰਾਮ ਕਿਸਨ ਜੋਧਪੁਰ, ਸੁਰਜੀਤ ਸਿੰਘ ਬਡਾਣਾ, ਗੁਰਵਿੰਦਰ ਸਿੰਘ ਜੌਲਾ ਖੁਰਦ, ਗੁਰਜਿੰਦਰ ਸਿੰਘ ਸਾਰੰਗਪੁਰ, ਬੇਅੰਤ ਸਿੰਘ ਬਸੌਲੀ, ਦਲਬੀਰ ਸਿੰਘ ਅੰਟਾਲਾ, ਹਰਜੀਤ ਸਿੰਘ ਸੀਂਹਪੁਰ, ਗੁਰਦੀਪ ਸਿੰਘ ਬਲਟਾਣਾ ਅਤੇ ਅਵਤਾਰ ਸਿੰਘ ਖੇਲਣ ਸ਼ਾਮਲ ਹਨ। ਉਨ੍ਹਾਂ ਦੱਸਿਆ ਕਿ ਇਸ ਕਮੇਟੀ ਵੱਲੋਂ ਪਿੰਡ-ਪਿੰਡ ਜਾ ਕੇ ਕਿਸਾਨਾਂ ਨੂੰ ਜਾਗਰੂਕ ਕੀਤਾ ਜਾਵੇਗਾ।
