Trump ਵੱਲੋਂ ਤਿੰਨ ਰਿਪਬਲਿਕਨ ਉਮੀਦਵਾਰਾਂ ਦੀ ਹਮਾਇਤ

ਸਾਊਥ ਕੈਰੋਲੀਨਾ ਵਿੱਚ ਪਾਮੇਲਾ ਐਵੇਟ ਨੂੰ ਮੌਜੂਦਾ ਗਵਰਨਰ ਹੈਨਰੀ ਮੈਕਮਾਸਟਰ ਦੀ ਵੀ ਹਮਾਇਤ ਹਾਸਲ ਹੈ। ਟਰੰਪ ਨੇ 2024 ਦੀਆਂ ਚੋਣਾਂ ਵਿੱਚ ਐਵੇਟ ਵੱਲੋਂ ਕੀਤੇ ਗਏ ਪ੍ਰਚਾਰ ਦੀ ਤਾਰੀਫ਼ ਕੀਤੀ ਅਤੇ ਕਿਹਾ ਕਿ ਗਵਰਨਰ ਦੇ ਪੁੱਤਰ ਹੈਨਰੀ ਮੈਕਮਾਸਟਰ ਜੂਨੀਅਰ ਦਾ ਉਨ੍ਹਾਂ ਦੇ ਨਾਲ ਚੋਣ ਮੈਦਾਨ ਵਿੱਚ ਉਤਰਨ ਦਾ ਵੱਡਾ ਫ਼ਾਇਦਾ ਹੋਵੇਗਾ। ਇੱਥੇ ਐਵੇਟ ਦਾ ਮੁਕਾਬਲਾ ਨੈਨਸੀ ਮੇਸ, ਰਾਲਫ਼ ਨੌਰਮਨ ਅਤੇ ਐਲਨ ਵਿਲਸਨ ਵਰਗੇ ਦਿੱਗਜਾਂ ਨਾਲ ਹੈ। ਦੂਜੇ ਪਾਸੇ ਆਇਓਵਾ ਵਿੱਚ ਟਰੰਪ ਨੇ ਰੈਂਡੀ ਫੀਨਸਟ੍ਰਾ ਦੀ ਹਮਾਇਤ ’ਚ ਕਿਹਾ ਕਿ ਉਹ ਸਰਹੱਦੀ ਸੁਰੱਖਿਆ ਅਤੇ ਆਰਥਿਕਤਾ ਲਈ ਅਣਥੱਕ ਲੜਾਈ ਲੜਨਗੇ। ਫੀਨਸਟ੍ਰਾ ਇੱਥੇ ਮੌਜੂਦਾ ਗਵਰਨਰ ਕਿਮ ਰੇਨੌਲਡਸ ਦੀ ਜਗ੍ਹਾ ਲੈਣ ਲਈ ਐਡੀ ਐਂਡਰਿਊਜ਼ ਅਤੇ ਜ਼ੈਕ ਲਾਹਨ ਸਮੇਤ ਚਾਰ ਹੋਰ ਉਮੀਦਵਾਰਾਂ ਨਾਲ ਮੁਕਾਬਲਾ ਕਰ ਰਹੇ ਹਨ।

ਓਕਲਾਹੋਮਾ ਵਿੱਚ ਕੇਵਿਨ ਸਟਿਟ ਦੀ ਜਗ੍ਹਾ ਲੈਣ ਲਈ ਮਾਈਕ ਮਾਜ਼ੇਈ ਮੈਦਾਨ ਵਿੱਚ ਹਨ, ਜਿਨ੍ਹਾਂ ਨੂੰ ਟਰੰਪ ਨੇ ਪੂਰਾ ਸਮਰਥਨ ਦਿੰਦਿਆਂ ਕਿਹਾ ਕਿ ਉਹ ਲੋਕਾਂ ਨੂੰ ਕਦੇ ਵੀ ਨਿਰਾਸ਼ ਨਹੀਂ ਕਰਨਗੇ। ਮਾਜ਼ੇਈ ਦਾ ਮੁਕਾਬਲਾ ਜੈਂਟਨਰ ਡਰੱਮੰਡ ਅਤੇ ਚਾਰਲਸ ਮੈਕਕਾਲ ਵਰਗੇ ਆਗੂਆਂ ਨਾਲ ਹੈ।