Nepal ’ਚ Equipments ਦੀ ਘਾਟ ਕਾਰਨ Rescue operations ’ਚ ਰੁਕਾਵਟ

ਬਿਦਰ ’ਚ ਤਾਇਨਾਤ ਪੁਲੀਸ ਮੁਲਾਜ਼ਮਾਂ ਨੇ ਰੁੱਖ ਅਤੇ ਹੋਰ ਵਸਤਾਂ ਕੱਟਣ ਵਾਲੇ ਸਾਜ਼ੋ-ਸਾਮਾਨ ਦੀ ਕਮੀ ਦੀ ਵੀ ਗੱਲ ਆਖੀ ਹੈ। ਇੱਕ ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਲਾਸ਼ਾਂ ਨੂੰ ਸਾਂਭਣ ਲਈ ਬੈਗਾਂ ਅਤੇ ਰੱਸਿਆਂ ਦੀ ਵੀ ਘਾਟ ਹੈ। ਕੌਮੀ ਆਫ਼ਤ ਕਟੌਤੀ ਪ੍ਰਬੰਧਨ ਅਥਾਰਿਟੀ ਦੇ ਸਾਬਕਾ ਮੁੱਖ ਕਾਰਜਕਾਰੀ ਅਧਿਕਾਰੀ ਅਨਿਲ ਪੋਖਰੇਲ ਨੇ ਕਿਹਾ ਕਿ ਵਿਸ਼ੇਸ਼ ਉਪਕਰਨਾਂ ਦੀ ਘਾਟ ਲੰਮੇ ਸਮੇਂ ਤੋਂ ਚੱਲੀ ਆ ਰਹੀ ਸਮੱਸਿਆ ਹੈ। ਉਨ੍ਹਾਂ ਮੁਸ਼ਕਲ ਹਾਲਾਤ ’ਚ ਵੀ ਜਾਨਾਂ ਬਚਾਉਣ ਲਈ ਡਟੇ ਹੋਏ ਸੁਰੱਖਿਆ ਕਰਮੀਆਂ ਦੀ ਪ੍ਰਸ਼ੰਸਾ ਕੀਤੀ ਹੈ।

ਕੈਨੇਡਾ ਦੇ 32 ਨਾਗਰਿਕ ਲਾਪਤਾ; ਇੱਕ ਪਰਤਿਆ

ਵੈਨਕੂਵਰ (ਗੁਰਮਲਕੀਅਤ ਸਿੰਘ ਕਾਹਲੋਂ): ਕੁਦਰਤੀ ਆਫ਼ਤ ਦਾ ਸਾਹਮਣਾ ਕਰ ਰਹੇ ਨੇਪਾਲ ਵਿੱਚ ਲਾਪਤਾ ਹੋਏ 32 ਕੈਨੇਡੀਅਨ ਨਾਗਰਿਕਾਂ ’ਚੋਂ ਇੱਕ ਸੁਰੱਖਿਅਤ ਆਪਣੇ ਘਰ ਪਹੁੰਚ ਗਿਆ ਹੈ ਪਰ ਉਸ ਦੇ ਪਰਿਵਾਰ ਦੇ ਬਾਕੀ ਮੈਂਬਰਾਂ ਦਾ ਹਾਲੇ ਕੋਈ ਥਹੁ-ਪਤਾ ਨਹੀਂ ਲੱਗ ਰਿਹਾ। ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਸ਼ਹਿਰ ਪੋਰਟ ਮੂਡੀ ਦਾ ਰਹਿਣ ਵਾਲਾ ਖੇਵਲ ਸ਼ਾਹ ਆਪਣੇ ਵੱਡੇ ਭਰਾ ਧਵਲ ਸ਼ਾਹ ਅਤੇ ਭਾਬੀ ਮੇਘਾ ਸ਼ਾਹ ਬਾਰੇ ਚਿੰਤਤ ਹੈ। ਉਸ ਦਾ ਪਰਿਵਾਰ ਕੈਲਾਸ਼ ਪਰਬਤ ਦੀ ਧਾਰਮਿਕ ਯਾਤਰਾ ’ਤੇ ਨੇਪਾਲ ਗਿਆ ਸੀ ਅਤੇ ਉੱਥੇ ਆਏ ਹੜ੍ਹਾਂ ਵਿੱਚ ਘਿਰ ਗਿਆ ਸੀ। ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਨੇ ਦੱਸਿਆ ਕਿ ਇਸ ਸਬੰਧੀ ਉਹ ਨੇਪਾਲ ਸਰਕਾਰ ਨਾਲ ਲਗਾਤਾਰ ਸੰਪਰਕ ਵਿੱਚ ਹਨ।