ਲਾਹੌਰ, 30 ਨਵੰਬਰ
ਪਾਕਿਸਤਾਨ ਦੇ ਸੂਬਾ ਪੰਜਾਬ ਵਿੱਚ ਅੱਜ ਬੱਸ ਅਤੇ ਵੈਨ ਦੀ ਆਹਮੋ-ਸਾਹਮਣੀ ਟੱਕਰ ਮਗਰੋਂ ਵੈਨ ’ਚ ਅੱਗ ਲੱਗਣ ਕਰਕੇ 13 ਜਣਿਆਂ ਦੀ ਮੌਤ ਹੋ ਗਈ। ਹਾਦਸੇ ’ਚ 17 ਜਣੇ ਜ਼ਖ਼ਮੀ ਵੀ ਹੋਏ ਹਨ। ਇਹ ਦੁਰਘਟਨਾ ਇੱਥੋਂ ਲੱਗਪਗ 75 ਕਿਲੋਮੀਟਰ ਦੂਰ ਨਾਰੰਗ ਮੰਡੀ ਦੇ ਕਾਲਾਖਤਈ ਰੋਡ ’ਤੇ ਵਾਪਰੀ। ਬਚਾਅ ਅਧਿਕਾਰੀਆਂ ਨੇ ਦੱਸਿਆ ਇਹ ਘਟਨਾ ਸੰਘਣੀ ਧੁੰਦ ਕਰਕੇ ਕੁਝ ਵੀ ਨਾ ਦਿਖਾਈ ਦੇਣ ਕਾਰਨ ਵਾਪਰੀ। ਉਨ੍ਹਾਂ ਮੁਤਾਬਕ ਦੋਵੇਂ ਵਾਹਨਾਂ ਦੀ ਟੱਕਰ ਮਗਰੋਂ ਵੈਨ ਦਾ ਗੈਸ ਸਿਲੰਡਰ ਫਟਣ ਕਾਰਨ ਉਸ ਵਿੱਚ ਅੱਗ ਲੱਗ ਗਈ, ਜਿਸ ਨਾਲ ਝੁਲਸਣ ਕਾਰਨ 13 ਲੋਕਾਂ ਦੀ ਮੌਤ ਹੋ ਗਈ ਅਤੇ 17 ਹੋਰ ਜ਼ਖ਼ਮੀ ਹੋਏ ਹਨ। -ਪੀਟੀਆਈ