ਟਰੰਪ ਦੇ ਵਿਰੋਧ ਕਾਰਨ Mark Carney ਨੂੰ Nobel Prize ਦੀ ਚਰਚਾ

ਕਾਰਨੀ ਕੁਝ ਸਮੇਂ ਲਈ 2026 ਦੇ ਨੋਬੇਲ ਸ਼ਾਂਤੀ ਪੁਰਸਕਾਰ ਦੇ ਸੰਭਾਵੀ ਜੇਤੂਆਂ ’ਚ ਅੱਗੇ ਰਹੇ। ਕਾਰੋਬਾਰੀਆਂ ਨੇ ਉਨ੍ਹਾਂ ਦੀ ਸੰਭਾਵਨਾ 14 ਫ਼ੀਸਦ ਪਰਗਟ ਕੀਤੀ ਪਰ ਬਾਅਦ ’ਚ ਇਹ ਘਟ ਗਈ। ਨੋਬੇਲ ਕਮੇਟੀ ਦੀ 9 ਅਕਤੂਬਰ ਨੂੰ ਓਸਲੋ ’ਚ ਐਲਾਨੇ ਜਾਣ ਵਾਲੀ ਸੂਚੀ ’ਚ ਕਾਰਨੀ ਦੇ ਸ਼ਾਮਲ ਹੋਣ ਦਾ ਕੋਈ ਜਨਤਕ ਸਬੂਤ ਨਹੀਂ ਹੈ। ਉਂਝ ਨੋਬੇਲ ਪੁਰਸਕਾਰ ਬਾਰੇ ਚਰਚਾ ਨਾਲ ਕਾਰਨੀ ਦੇ ਉਸ ਸੁਨੇਹੇ ਵੱਲ ਧਿਆਨ ਗਿਆ ਹੈ ਜਿਸ ਨੇ ਉਨ੍ਹਾਂ ਦੀ ਆਲਮੀ ਪਛਾਣ ਬਣਾਈ ਹੈ। ਉਨ੍ਹਾਂ ਆਖਿਆ ਸੀ, ‘‘ਦਰਮਿਆਨੀਆਂ ਤਾਕਤਾਂ ਵਾਲੇ ਮੁਲਕਾਂ ਨੂੰ ਆਪਣੀ ਖ਼ੁਦਮੁਖ਼ਤਾਰੀ ਦੀ ਰੱਖਿਆ ਲਈ ਇਕਜੁੱਟ ਹੋਣਾ ਚਾਹੀਦਾ ਹੈ ਕਿਉਂਕਿ ਵੱਡੀਆਂ ਤਾਕਤਾਂ ਆਰਥਿਕ ਅਤੇ ਫ਼ੌਜੀ ਦਬਾਅ ਦੀ ਵਰਤੋਂ ਵਧਾ ਰਹੀਆਂ ਹਨ।’’

ਉੱਧਰ, ‘ਟਾਈਮ’ ਨੇ ਕਾਰਨੀ ਨੂੰ 2026 ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਵਿਅਕਤੀਆਂ ’ਚ ਸ਼ਾਮਲ ਕੀਤਾ ਸੀ ਅਤੇ ਕਿਹਾ ਸੀ ਕਿ ਟਰੰਪ ਦੇ ਦਬਾਅ ਦਾ ਡਟ ਕੇ ਸਾਹਮਣਾ ਕਰਨ ਕਰ ਕੇ ਉਨ੍ਹਾਂ ਦੀ ਮਕਬੂਲੀਅਤ ਵਧੀ ਹੈ। ਬਾਜ਼ਾਰ ’ਚ ‘ਪਰਸਨ ਆਫ ਦਿ ਯੀਅਰ’ ਲਈ ਕਾਰਨੀ ਦੂਜੇ ਸਥਾਨ ’ਤੇ ਸਨ ਅਤੇ ਨਿਊਯਾਰਕ ਦੇ ਮੇਅਰ ਜ਼ੋਹਰਾਨ ਮਮਦਾਨੀ ਉਨ੍ਹਾਂ ਤੋਂ ਅੱਗੇ ਸਨ।