Jaishankar ਵੱਲੋਂ Poland ’ਚ ਭਾਰਤੀ ਮਹਾਰਾਜਿਆਂ ਦੀਆਂ ਯਾਦਗਾਰਾਂ ਦਾ ਦੌਰਾ
ਮਹਾਰਾਜਾ ਦਿਗਵਿਜੈ ਸਿੰਘ ਨੂੰ ਯਾਦ ਕੀਤਾ
ਵਿਦੇਸ਼ ਮੰਤਰੀ ਐੱਸ ਜੈਸ਼ੰਕਰ ਨੇ ਅੱਜ ਇੱਥੇ ਉਨ੍ਹਾਂ ਦੋ ਇਤਿਹਾਸਕ ਯਾਦਗਾਰਾਂ ਦਾ ਦੌਰਾ ਕੀਤਾ ਜੋ ਦੂਜੀ ਸੰਸਾਰ ਜੰਗ ਦੌਰਾਨ ਪੋਲਿਸ਼ ਸ਼ਰਨਾਰਥੀਆਂ ਨੂੰ ਪਨਾਹ ਦੇਣ ਦੇ ਭਾਰਤੀ ਭੂਮਿਕਾ ਨੂੰ ਦਰਸਾਉਂਦੀਆਂ ਹਨ। ਬੀਤੇ ਦਿਨ ਉਨ੍ਹਾਂ ਪੋਲੈਂਡ ਦੇ ਉਪ ਪ੍ਰਧਾਨ ਮੰਤਰੀ ਰੈਦੋਸਲਾਵ ਸਿਕੋਰਸਕੀ ਨਾਲ ਵਿਆਪਕ ਗੱਲਬਾਤ ਕੀਤੀ ਸੀ।
ਉਨ੍ਹਾਂ ਗੁਜਰਾਤ ਦੇ ਜਾਮਨਗਰ (ਉਸ ਵੇਲੇ ਦੇ ਨਵਾਂਨਗਰ) ਦੇ ਮਹਾਰਾਜਾ ਦਿਗਵਿਜੈ ਸਿੰਘ ਜੀ ਰਣਜੀਤ ਸਿੰਘ ਜੀ ਜਡੇਜਾ ਦੀ ਯਾਦਗਾਰ ’ਤੇ ਸ਼ਰਧਾਂਜਲੀ ਭੇਟ ਕੀਤੀ। ਉਨ੍ਹਾਂ ਯਾਦ ਕਰਵਾਇਆ ਕਿ ਕਿਵੇਂ ਮਹਾਰਾਜੇ ਨੇ ਜੰਗ ਤੋਂ ਬਚ ਕੇ ਆਏ 1000 ਪੋਲਿਸ਼ ਬੱਚਿਆਂ ਨੂੰ ਬਾਲਾਚੜੀ ਵਿੱਚ ਪਨਾਹ ਦਿੱਤੀ ਸੀ। ਬੱਚੇ ਉਨ੍ਹਾਂ ਨੂੰ ਪਿਆਰ ਨਾਲ ‘ਬਾਪੂ’ ਜਾਂ ‘ਗੁੱਡ ਕਿੰਗ’ (ਚੰਗਾ ਮਹਾਰਾਜਾ) ਕਹਿੰਦੇ ਸਨ।
ਇਸ ਮਗਰੋਂ ਵਿਦੇਸ਼ ਮੰਤਰੀ ਨੇ ਕੋਲ੍ਹਾਪੁਰ ਮੈਮੋਰੀਅਲ ਦਾ ਦੌਰਾ ਕੀਤਾ, ਜੋ ਮਹਾਰਾਸ਼ਟਰ ਦੀ ਕੋਲ੍ਹਾਪੁਰ ਰਿਆਸਤ ਵੱਲੋਂ ਕਰੀਬ 5000 ਪੋਲਿਸ਼ ਸ਼ਰਨਾਰਥੀਆਂ ਨੂੰ ਦਿੱਤੀ ਗਈ ਪਨਾਹ ਦੀ ਯਾਦ ਵਿੱਚ ਬਣਿਆ ਹੈ। ਜੈਸ਼ੰਕਰ ਨੇ ਦੱਸਿਆ ਕਿ ਅਕਤੂਬਰ ਵਿੱਚ ਦੂਜਾ ਜਾਮ ਸਾਹਿਬ ਮੈਮੋਰੀਅਲ ਯੂਥ ਐਕਸਚੇਂਜ ਪ੍ਰੋਗਰਾਮ ਵੀ ਕਰਵਾਇਆ ਜਾਵੇਗਾ, ਜਿਸ ਰਾਹੀਂ ਪੋਲਿਸ਼ ਨੌਜਵਾਨ ਭਾਰਤ ਆ ਕੇ ਇਸ ਇਤਿਹਾਸ ਬਾਰੇ ਜਾਣ ਸਕਣਗੇ।
