ਇਸਲਾਮਾਬਾਦ, 25 ਜੂਨ
ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਅੱਜ ਸੰਸਦ ਵਿੱਚ ਸੰਬੋਧਨ ਮੌਕੇ ਅਲ-ਕਾਇਦਾ ਦੇ ਮਰਹੂਮ ਮੁਖੀ ਅਤੇ 9/11 ਦਹਿਸ਼ਤੀ ਹਮਲੇ ਦੇ ਮਾਸਟਰਮਾਈਂਡ ਓਸਾਮਾ ਬਿਨ ਲਾਦੇਨ ਨੂੰ ਸ਼ਹੀਦ ਆਖਿਆ। ਸੰਸਦ ਦੇ ਬਜਟ ਸੈਸ਼ਨ ਦੌਰਾਨ ਖਾਨ ਨੇ ਕਿਹਾ, ‘‘ਮੈਨੂੰ ਨਹੀਂ ਲੱਗਦਾ ਕੋਈ ਅਜਿਹਾ ਮੁਲਕ ਹੋਵੇਗਾ, ਜਿਸ ਨੇ ਦਹਿਸ਼ਤਗਰਦੀ ਖ਼ਿਲਾਫ਼ ਜੰਗ ਦਾ ਸਮਰਥਨ ਕੀਤਾ ਅਤੇ ਫਿਰ ਨਮੋਸ਼ੀ ਝੱਲੀ। ਦੁਨੀਆ ਭਰ ਦੇ ਪਾਕਿਤਸਾਨੀਆਂ ਲਈ ਊਹ ਨਮੋਸ਼ੀ ਭਰੇ ਪਲ ਸਨ ਜਦੋਂ ਅਮਰੀਕੀ ਫੌਜਾਂ ਨੇ ਐਬਟਾਬਾਦ ਵਿੱਚ ਦਾਖ਼ਲ ਹੋ ਕੇ ਓਸਾਮਾ ਬਿਨ ਲਾਦੇਨ ਦੀ ਹੱਤਿਆ ਕੀਤੀ….ਊਸ ਨੂੰ ਸ਼ਹੀਦ ਕੀਤਾ। ਊਸ ਮਗਰੋਂ ਪੂਰੀ ਦੁਨੀਆ ਨੇ ਸਾਨੂੰ ਗਾਲ੍ਹਾਂ ਕੱਢੀਆਂ। ਸਾਡਾ ਮਿੱਤਰ ਮੁਲਕ ਸਾਡੇ ਮੁਲਕ ਵਿੱਚ ਆਇਆ ਅਤੇ ਸਾਨੂੰ ਦੱਸੇ ਬਿਨਾਂ ਕਿਸੇ ਨੂੰ ਮਾਰ ਕੇ ਚਲਾ ਗਿਆ। -ਪੀਟੀਆਈ
