ਜੇ Trump ਦੀ ਹੱਤਿਆ ਹੋ ਜਾਂਦੀ ਤਾਂ ਦੇਸ਼ ’ਚ ਬਦਅਮਨੀ ਹੁੰਦੀ: Vance

ਉਪ ਰਾਸ਼ਰਟਰਪਤੀ, ਜਿਨ੍ਹਾਂ ਹਾਲ ਹੀ ਵਿੱਚ ਕੈਥੋਲਿਕ ਧਰਮ ਵੱਲ ਆਪਣੀ ਯਾਤਰਾ ਬਾਰੇ ਕਿਤਾਬ ਰਿਲੀਜ਼ ਕੀਤੀ ਹੈ, ਨੇ ਰਾਸ਼ਟਰਪਤੀ ਟਰੰਪ ਵੱਲੋਂ ਈਸਾ ਮਸੀਹ (ਯੀਸ਼ੂ) ਵਜੋਂ ਆਪਣੀ ਤਸਵੀਰ ਪੋਸਟ ਕਰਨ ਦਾ ਬਚਾਅ ਵੀ ਕੀਤਾ ਅਤੇ ਇਸ ਬਾਰੇ ਵੀ ਚਰਚਾ ਕੀਤੀ ਕਿ ਕੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅੰਤ ਦੇ ਸਮੇਂ ਦਾ ਸੰਕੇਤ ਹੈ। ਗੱਲਬਾਤ ਦੀ ਸ਼ੁਰੂਆਤ ਵਿਸ਼ਵਾਸ ਅਤੇ ਉਨ੍ਹਾਂ ਘਟਨਾਵਾਂ ਨੂੰ ਵਿਗਿਆਨਕ ਤੌਰ ’ਤੇ ਸਪੱਸ਼ਟ ਕਰਨ ਦੀ ਜਲਦਬਾਜ਼ੀ ਬਾਰੇ ਚਰਚਾ ਨਾਲ ਹੋਈ ਜੋ ਦੈਵੀ ਤੌਰ ’ਤੇ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਵੈਂਸ ਨੇ ਜੁਲਾਈ 2024 ਵਿੱਚ ਪੈਨਸਿਲਵੇਨੀਆ ਦੇ ਬਟਲਰ ’ਚ ਹੋਏ ਕਾਤਲਾਨਾ ਹਮਲੇ ਦਾ ਹਵਾਲਾ ਦਿੱਤਾ, ਜਿਸ ਦੌਰਾਨ ਗੋਲੀ ਟਰੰਪ ਦੇ ਕੰਨ ਨੂੰ ਛੂਹ ਕੇ ਨਿਕਲ ਗਈ ਸੀ ਅਤੇ ਉਨ੍ਹਾਂ ਦਾ ਹਮਾਇਤੀ ਮਾਰਿਆ ਗਿਆ ਸੀ।

ਟਰੰਪ ਲੰਬੇ ਸਮੇਂ ਤੋਂ ਆਪਣੇ ਬਚਣ ਦੀ ਘਟਨਾ ਨੂੰ ਦੈਵੀ ਕਿਰਪਾ ਦਸਦੇ ਰਹੇ ਹਨ ਅਤੇ ਇਸ ਵਿਸ਼ੇ ਨੂੰ ਵੈਂਸ ਨੇ ਵੀ ਅੱਗੇ ਵਧਾਇਆ ਹੈ। ਉਪ ਰਾਸ਼ਟਰਪਤੀ ਨੇ ਕਿਹਾ ਕਿ ਜੇ ਗੋਲੀ ਨਾਲ ਟਰੰਪ ਦੀ ਮੌਤ ਹੋ ਗਈ ਹੁੰਦੀ ਤਾਂ ਦੇਸ਼ ’ਚ ਅਜਿਹੀ ਬਦਅਮਨੀ ਹੁੰਦੀ ਜਿਸ ਤੋਂ ਸ਼ਾਇਦ ਨਿਕਲਿਆ ਨਹੀਂ ਜਾ ਸਕਦਾ ਸੀ। ਉਹ ਵੀ ਇਹ ਮੰਨ ਲੈਂਦੇ ਕਿ ਕੁਝ ਤਾਕਤਾਂ ਨੇ ਡੋਨਲਡ ਟਰੰਪ ਨੂੰ ਖ਼ਤਮ ਕਰ ਦਿੱਤਾ ਹੈ ਅਤੇ ਉਹ ਵੀ ਉਸ ਸਮੇਂ ਜਦੋਂ ਉਹ ਵ੍ਹਾਈਟ ਹਾਊਸ ਵਿੱਚ ਵਾਪਸ ਆਉਣ ਵਾਲੇ ਸਨ। ਤਕਰੀਬਨ ਇੱਕ ਘੰਟੇ ਦੇ ਪੋਡਕਾਸਟ ਦੌਰਾਨ ਉਪ ਰਾਸ਼ਟਰਪਤੀ ਨੇ ਜ਼ਿਆਦਾਤਰ ਵਿਸ਼ਵਾਸ, ਆਪਣੀ ਅਧਿਆਤਮਕ ਯਾਤਰਾ, ਪੋਪ ਫਰਾਂਸਿਸ ਨਾਲ ਉਨ੍ਹਾਂ ਦੀ ਈਸਟਰ ਮੁਲਾਕਾਤ ਅਤੇ ਮਨੁੱਖੀ ਕਮਜ਼ੋਰੀਆਂ ਤੇ ਗ਼ਲਤੀਆਂ ਬਾਰੇ ਗੱਲਬਾਤ ਕੀਤੀ।