ਚੀਨੀ ਵਿਧਾਨਪਾਲਿਕਾ ਵੱਲੋਂ 9 ਫੌਜੀ ਅਧਿਕਾਰੀਆਂ ਸਣੇ 19 ਮੈਂਬਰ ਬਰਖ਼ਾਸਤ

ਚੀਨੀ ਵਿਧਾਨਪਾਲਿਕਾ ਨੇ ਅਗਲੇ ਹਫ਼ਤੇ ਸ਼ੁਰੂ ਹੋਣ ਵਾਲੀ ਆਪਣੀ ਸਾਲਾਨਾ ਬੈਠਕ ਤੋਂ ਪਹਿਲਾਂ 9 ਫੌਜੀ ਅਧਿਕਾਰੀਆਂ ਸਣੇ 19 ਮੈਂਬਰਾਂ ਨੂੰ ਬਰਖ਼ਾਸਤ ਕਰ ਦਿੱਤਾ ਹੈ। ਵੀਰਵਾਰ ਦੇਰ ਰਾਤ ਕੀਤੇ ਐਲਾਨ ਵਿੱਚ ਭਾਵੇਂ ਕੋਈ ਕਾਰਨ ਨਹੀਂ ਦੱਸਿਆ ਗਿਆ, ਪਰ ਅਜਿਹੀਆਂ ਬਰਖ਼ਾਸਤਗੀਆਂ ਨੂੰ...

AP

ਪੇਈਚਿੰਗ, 05:38 AM Feb 28, 2026 IST

ਚੀਨੀ ਵਿਧਾਨਪਾਲਿਕਾ ਨੇ ਅਗਲੇ ਹਫ਼ਤੇ ਸ਼ੁਰੂ ਹੋਣ ਵਾਲੀ ਆਪਣੀ ਸਾਲਾਨਾ ਬੈਠਕ ਤੋਂ ਪਹਿਲਾਂ 9 ਫੌਜੀ ਅਧਿਕਾਰੀਆਂ ਸਣੇ 19 ਮੈਂਬਰਾਂ ਨੂੰ ਬਰਖ਼ਾਸਤ ਕਰ ਦਿੱਤਾ ਹੈ। ਵੀਰਵਾਰ ਦੇਰ ਰਾਤ ਕੀਤੇ ਐਲਾਨ ਵਿੱਚ ਭਾਵੇਂ ਕੋਈ ਕਾਰਨ ਨਹੀਂ ਦੱਸਿਆ ਗਿਆ, ਪਰ ਅਜਿਹੀਆਂ ਬਰਖ਼ਾਸਤਗੀਆਂ ਨੂੰ ਆਮ ਕਰਕੇ ਭ੍ਰਿਸ਼ਟਾਚਾਰ ਦੀ ਜਾਂਚ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ।

ਚੀਨੀ ਆਗੂ ਸ਼ੀ ਜਿਨਪਿੰਗ ਵੱਲੋਂ ਦਹਾਕਾ ਪਹਿਲਾਂ ਭ੍ਰਿਸ਼ਟਾਚਾਰ ਖਿਲਾਫ਼ ਛੇੜੀ ਮੁਹਿੰਮ ’ਚ ਫ਼ਿਲਹਾਲ ਕੋਈ ਢਿੱਲ ਨਜ਼ਰ ਨਹੀਂ ਆ ਰਹੀ। ਹਾਲੀਆ ਸਾਲਾਂ ਵਿੱਚ ਇਸ ਮੁਹਿੰਮ ਤਹਿਤ ਫੌਜ ਨੂੰ ਨਿਸ਼ਾਨਾ ਬਣਾਉਂਦਿਆਂ ਕਈ ਸਿਖਰਲੇ ਜਰਨੈਲਾਂ ਨੂੰ ਹਟਾਇਆ ਗਿਆ ਹੈ ਕਿਉਂਕਿ ਸ਼ੀ ਹਥਿਆਰਬੰਦ ਬਲਾਂ ’ਚ ਸੁਧਾਰ ਤੇ ਇਸ ਦੇ ਆਧੁਨਿਕੀਕਰਨ ਦੇ ਵੱਡੇ ਹਾਮੀ ਹਨ। ਸਮੀਖਿਅਕਾਂ ਦਾ ਮੰਨਣਾ ਹੈ ਕਿ ਸ਼ੀ, ਜੋ ਪਿਛਲੇ 14 ਸਾਲਾਂ ਤੋਂ ਸੱਤਾ ਵਿੱਚ ਹਨ, ਦੀ ਇਸ ਮੁਹਿੰਮ ਦਾ ਮੁੱਖ ਮੰਤਵ ਆਪਣੇ ਰਵਾਇਤੀ ਵਿਰੋਧੀਆਂ ਨੂੰ ਲਾਂਭੇ ਕਰਨਾ ਤੇ ਆਪਣੇ ਅਧੀਨ ਅਧਿਕਾਰੀਆਂ ’ਚ ਵਫ਼ਾਦਾਰੀ ਯਕੀਨੀ ਬਣਾਉਣਾ ਹੈ। ਇਨ੍ਹਾਂ ਬਰਖ਼ਾਸਤਗੀਆਂ ਦਾ ਨੈਸ਼ਨਲ ਪੀਪਲਜ਼ ਕਾਂਗਰਸ ਦੀ ਮੀਟਿੰਗ ’ਤੇ ਕੋਈ ਵੱਡਾ ਅਸਰ ਪੈਣ ਦੀ ਸੰਭਾਵਨਾ ਨਹੀਂ ਹੈ।