'ਤੁਹਾਨੂੰ ਅੰਗਰੇਜ਼ੀ ਵਿੱਚ ਬੋਲਣ ਲਈ ਕਿਸ ਨੇ ਕਿਹਾ?' ਪਾਕਿਸਤਾਨੀ ਫੌਜੀ ਬੁਲਾਰੇ ਨੇ ਭਾਰਤੀ ਅਫਸਰਾਂ 'ਤੇ ਸਵਾਲ ਚੁੱਕੇ, ਫਿਰ ਹੋਏ Troll

ਇੱਕ ਵਾਰ ਫਿਰ ਪਾਕਿਸਤਾਨੀ ਫੌਜ ਦੇ ਬੁਲਾਰੇ ਲੈਫਟੀਨੈਂਟ ਜਨਰਲ ਅਹਿਮਦ ਸ਼ਰੀਫ ਚੌਧਰੀ ਮੁਸ਼ਕਲਾਂ ਵਿੱਚ ਘਿਰ ਗਏ ਹਨ। ਉਨ੍ਹਾਂ ਨੇ 'ਅਪਰੇਸ਼ਨ ਸਿੰਧੂਰ' ਬਾਰੇ ਇੱਕ ਬ੍ਰੀਫਿੰਗ ਦੌਰਾਨ ਭਾਰਤੀ ਅਫਸਰਾਂ ਵੱਲੋਂ ਅੰਗਰੇਜ਼ੀ ਦੀ ਵਰਤੋਂ ਕਰਨ 'ਤੇ ਸਵਾਲ ਚੁੱਕ ਕੇ ਸੋਸ਼ਲ ਮੀਡੀਆ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ।

ਭਾਰਤੀ ਫੌਜ ਦੇ ਮੀਡੀਆ ਸੰਬੋਧਨ ਦਾ ਹਵਾਲਾ ਦਿੰਦੇ ਹੋਏ ਚੌਧਰੀ ਨੇ ਕਿਹਾ, “ਤੁਹਾਨੂੰ ਅੰਗਰੇਜ਼ੀ ਵਿੱਚ ਬੋਲਣ ਲਈ ਕਿਸ ਨੇ ਕਿਹਾ? ਕੀ ਇਹ ਇਸ ਲਈ ਹੈ ਕਿਉਂਕਿ ਤੁਸੀਂ ਦੁਨੀਆ ਨੂੰ ਘਟਨਾਵਾਂ ਦਾ ਆਪਣਾ ਪੱਖ ਦੱਸਣਾ ਚਾਹੁੰਦੇ ਹੋ?”

ਭਾਰਤੀ ਬ੍ਰੀਫਿੰਗ ਵਿੱਚ ਪਹਿਲਗਾਮ ਅਤਿਵਾਦੀ ਹਮਲੇ (ਜਿਸ ਵਿੱਚ 26 ਲੋਕ ਮਾਰੇ ਗਏ ਸਨ) ਤੋਂ ਬਾਅਦ ਸ਼ੁਰੂ ਕੀਤੇ ਗਏ 'ਅਪਰੇਸ਼ਨ ਸਿੰਧੂਰ' ਦੇ ਰਣਨੀਤਕ ਅਤੇ ਸੰਚਾਲਨ ਨਤੀਜਿਆਂ ਬਾਰੇ ਦੱਸਿਆ ਗਿਆ ਸੀ। ਚੌਧਰੀ ਦੀਆਂ ਟਿੱਪਣੀਆਂ 'ਤੇ ਭਾਰਤੀ ਅਤੇ ਪਾਕਿਸਤਾਨੀ ਦੋਵਾਂ ਪਾਸਿਆਂ ਦੇ ਯੂਜ਼ਰਸ ਨੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ।

Maj Adil Farooq Raja (Retd) @soldierspeaks just grilled @OfficialDGISPR’s “DJ Babu” Ahmed Sharif Chaudhary 😭

First he roasted the entire propaganda circus by saying DG-ISPR speaks in Urdu to sell forged stories to Pakistani citizens, but the moment a foreign journalist asked a… pic.twitter.com/v2PEs20j8y

— Shivank Mishra (@shivank_8mishra) May 7, 2026

ਪਰ, ਸਭ ਤੋਂ ਤਿੱਖਾ ਜਵਾਬ ਪਾਕਿਸਤਾਨੀ ਫੌਜ ਦੇ ਸਾਬਕਾ ਅਫਸਰ ਮੇਜਰ ਆਦਿਲ ਫਾਰੂਕ ਰਾਜਾ (ਰਿਟਾਇਰਡ) ਨੇ ਦਿੱਤਾ ਹੈ, ਜੋ ਅੱਜਕਲ੍ਹ ਪੱਤਰਕਾਰ ਹਨ ਅਤੇ ਫੌਜੀ ਸਥਾਪਨਾ (Military Establishment) ਦੇ ਵੱਡੇ ਆਲੋਚਕ ਮੰਨੇ ਜਾਂਦੇ ਹਨ। ਰਾਜਾ ਨੇ ਤਨਜ਼ ਕੱਸਦਿਆਂ ਕਿਹਾ, “ਜਦੋਂ ਤੁਸੀਂ ਖੁਦ ਸ਼ੀਸ਼ੇ ਦੇ ਘਰਾਂ ਵਿੱਚ ਰਹਿੰਦੇ ਹੋ, ਤਾਂ ਦੂਜਿਆਂ 'ਤੇ ਪੱਥਰ ਨਾ ਮਾਰੋ।”

ਉਨ੍ਹਾਂ ਨੇ ਪਾਕਿਸਤਾਨੀ ਫੌਜੀ ਲੀਡਰਸ਼ਿਪ 'ਤੇ ਦੋਹਰੇ ਮਾਪਦੰਡ ਅਪਣਾਉਣ ਦਾ ਦੋਸ਼ ਲਗਾਇਆ ਅਤੇ ਦਾਅਵਾ ਕੀਤਾ ਕਿ ਅੰਗਰੇਜ਼ੀ ਅਜੇ ਵੀ ਫੌਜ ਦੇ ਅੰਦਰ ਸੰਚਾਰ ਦੀ ਮੁੱਖ ਭਾਸ਼ਾ ਹੈ।

ਰਾਜਾ ਨੇ ਦੋਸ਼ ਲਗਾਇਆ ਕਿ ਜਿੱਥੇ ਘਰੇਲੂ ਸੰਦੇਸ਼ਾਂ ਅਤੇ ਜਨਤਕ ਮੁਹਿੰਮਾਂ ਲਈ ਉਰਦੂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਉੱਥੇ ਪਾਕਿਸਤਾਨ ਦਾ ਜ਼ਿਆਦਾਤਰ ਕੌਮਾਂਤਰੀ ਸੰਚਾਰ ਅਤੇ ਪ੍ਰਚਾਰ ਅਜੇ ਵੀ ਅੰਗਰੇਜ਼ੀ ਵਿੱਚ ਹੀ ਕੀਤਾ ਜਾਂਦਾ ਹੈ। ਉਨ੍ਹਾਂ ਕਿਹਾ, “ਤੁਸੀਂ ਆਪਣੇ ਨੁਕਸਾਨ ਨੂੰ ਕਿਉਂ ਨਹੀਂ ਮੰਨਦੇ? ਤੁਸੀਂ ਸਾਨੂੰ ਸਿਰਫ ਇੱਕ ਪਾਸੇ ਦੀ ਕਹਾਣੀ ਕਿਉਂ ਦੱਸ ਰਹੇ ਹੋ? ਤੁਸੀਂ ਸਾਨੂੰ ਦੋਵਾਂ ਪਾਸਿਆਂ ਦੀਆਂ ਕਹਾਣੀਆਂ ਕਿਉਂ ਨਹੀਂ ਦੱਸਦੇ ਤਾਂ ਜੋ ਸਾਨੂੰ ਪਤਾ ਲੱਗ ਸਕੇ ਕਿ ਸੱਚੀ ਕਹਾਣੀ ਕੀ ਹੈ।”