ਮਰਹੂਮ ਗਾਇਕ Sidhu Moosewala ਦੇ ਘਰ ਪਹੁੰਚੇ ਗੁਰਦਾਸ ਮਾਨ
ਛੋਟੇ ਮੂਸੇਵਾਲਾ ਵਿੱਚ ਪੈਂਦੀ ਹੈ ਵੱਡੇ ਮੂਸੇਵਾਲਾ ਦੀ ਝਲਕ: ਗੁਰਦਾਸ ਮਾਨ
ਮਕਬੂਲ ਪੰਜਾਬੀ ਗਾਇਕ ਗੁਰਦਾਸ ਮਾਨ ਨੇ ਅੱਜ ਐਤਵਾਰ ਸਵੇਰੇ ਮਰਹੂਮ ਗਾਇਕ ਸਿੱਧੂ ਮੂਸੇਵਾਲਾ ਦੇ ਜੱਦੀ ਘਰ ਪਹੁੰਚ ਕੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਮੁਲਾਕਾਤ ਕੀਤੀ। ਮਾਨ ਨੇ ਮੂਸੇਵਾਲਾ ਦੇ ਛੋਟੇ ਭਰਾ ਸ਼ੁਭਦੀਪ ਸਿੰਘ ਸਿੱਧੂ ਨਾਲ ਵੀ ਗੱਲਬਾਤ ਕੀਤੀ ਅਤੇ ਪਰਿਵਾਰ ਦਾ ਹਾਲ-ਚਾਲ ਜਾਣਿਆ।
ਇੱਕ ਵੀਡੀਓ ਵਿੱਚ, ਮਾਨ ਇਹ ਕਹਿੰਦੇ ਹੋਏ ਦਿਖਾਈ ਦੇ ਰਹੇ ਹਨ ਕਿ ਛੋਟਾ ਮੂਸੇਵਾਲਾ ਬਿਲਕੁੱਲ ਹੁਬਹੂ ਆਪਣੇ ਵੱਡੇ ਭਰਾ ਸ਼ੁੱਭਦੀਪ ਸਿੰਘ (ਸਿੱਧੂ ਮੂਸੇਵਾਲਾ) ਵਰਗਾ ਲੱਗ ਰਿਹਾ ਹੈ। ਉਨ੍ਹਾਂ ਨੇ ਮੂਸੇਵਾਲਾ ਦੀ ਮਾਤਾ ਦੇ ਪੈਰੀ ਹੱਥ ਲਗਾਏ ਅਤੇ ਬੱਚੇ ਦੇ ਵੀ। ਬਦਲੇ ਵਿੱਚ ਬੱਚੇ ਨੇ ਵੀ ਉਨ੍ਹਾਂ ਦੇ ਪੈਰ ਛੂਹੇ। ਗੁਰਦਾਸ ਮਾਨ ਨੇ ਘਰ ਵਿੱਚ ਲੱਗੀ ਮੂਸੇਵਾਲਾ ਦੀ ਤਸਵੀਰ ਨੂੰ ਵੀ ਨਮਨ ਕੀਤਾ।
ਗੁਰਦਾਸ ਮਾਨ ਸ਼ਨਿੱਚਰਵਾਰ ਸ਼ਾਮ ਨੂੰ ਮਾਨਸਾ ਵਿੱਚ ਇੱਕ ਨਿੱਜੀ ਸਮਾਗਮ ਲਈ ਆਏ ਹੋਏ ਸਨ, ਜਿੱਥੇ ਉਨ੍ਹਾਂ ਨੇ ਮੂਸੇਵਾਲਾ ਲਈ ਇੱਕ ਕਵਿਤਾ ਪੜ੍ਹੀ ਅਤੇ ਕਿਹਾ ਕਿ ਉਹ ਭਲਕੇ ਸਵੇਰੇ ਉਨ੍ਹਾਂ ਦੇ ਘਰ ਜਾਣਗੇ।
ਦੱਸ ਦਈਏ ਕਿ ਮੂਸੇਵਾਲਾ ਦੇ ਮਾਪਿਆਂ ਬਲਕੌਰ ਸਿੰਘ ਅਤੇ ਚਰਨ ਕੌਰ ਨੇ ਮਾਰਚ 2024 ਵਿੱਚ ਗਾਇਕ ਦੇ ਕਤਲ ਦੇ ਲਗਭਗ ਦੋ ਸਾਲ ਬਾਅਦ ਇੱਕ ਬੇਟੇ ਨੂੰ ਜਨਮ ਦਿੱਤਾ ਸੀ। ਗੁਰਦਾਸ ਮਾਨ ਨੇ ਉਸ ਸਮੇਂ ਵੀ ਪਰਿਵਾਰ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਇਸ ਨੂੰ "ਖੁਸ਼ੀਆਂ ਨਾਲ ਭਰਿਆ ਇੱਕ ਮਹੱਤਵਪੂਰਨ ਦਿਨ" ਦੱਸਿਆ ਸੀ।
