ਕਿਸਾਨ ਦੀ ਖੇਤ ਵਿੱਚ ਤੇਂਦੁਏ ਨਾਲ ਸੈਲਫੀ ਦੀ ਫੋਟੋ ਵਾਇਰਲ

ਸੋਸ਼ਲ ਮੀਡੀਆ ’ਤੇ ਬਹੁਤ ਹੀ ਹੈਰਾਨ ਕਰ ਦੇਣ ਵਾਲੀ ਵੀਡੀਓ ਤੇ ਫੋਟੋਆਂ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ ਜਿਸ ਵਿੱਚ ਇੱਕ ਕਿਸਾਨ ਆਪਣੇ ਖੇਤ ਵਿੱਚ ਆਏ ਤੇਂਦੁਏ ਨਾਲ ਬੜੇ ਆਰਾਮ ਨਾਲ ਸੈਲਫੀ ਲੈਂਦਾ ਦਿਖਾਈ ਦੇ ਰਿਹਾ ਹੈ। ਆਮ ਤੌਰ ’ਤੇ ਜਦੋਂ ਕੋਈ ਜੰਗਲੀ ਜਾਨਵਰ ਸਾਹਮਣੇ ਆਉਂਦਾ ਹੈ ਤਾਂ ਲੋਕ ਆਪਣੀ ਜਾਨ ਬਚਾਉਣ ਲਈ ਭੱਜਦੇ ਹਨ ਪਰ ਇਸ ਕਿਸਾਨ ਨੇ ਡਰਨ ਦੀ ਬਜਾਏ ਆਪਣਾ ਮੋਬਾਈਲ ਕੱਢਿਆ ਅਤੇ ਚੀਤੇ ਦੇ ਬਿਲਕੁਲ ਕੋਲ ਜਾ ਕੇ ਫੋਟੋ ਖਿੱਚਣੀ ਸ਼ੁਰੂ ਕਰ ਦਿੱਤੀ। ਇਹ ਘਟਨਾ ਬਿਹਾਰ ਦੀ ਦੱਸੀ ਜਾ ਰਹੀ ਹੈ ਅਤੇ ਇਸ ਅਜੀਬੋ-ਗਰੀਬ ਹਰਕਤ ਨੇ ਇੰਟਰਨੈੱਟ ’ਤੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ ਹੈ।

ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਤੇਂਦੁਆ ਸ਼ਾਂਤ ਹੋ ਕੇ ਬੈਠਾ ਹੈ ਅਤੇ ਉਸ ਨੇ ਕਿਸਾਨ ’ਤੇ ਕੋਈ ਹਮਲਾ ਨਹੀਂ ਕੀਤਾ। ਹਾਲਾਂਕਿ ਇਸ ਵੀਡੀਓ ਵਿੱਚ ਕੋਈ ਖ਼ਤਰਾ ਨਜ਼ਰ ਨਹੀਂ ਆ ਰਿਹਾ ਪਰ ਮਾਹਰਾਂ ਅਤੇ ਲੋਕਾਂ ਦਾ ਕਹਿਣਾ ਹੈ ਕਿ ਅਜਿਹਾ ਕਰਨਾ ਬਹੁਤ ਹੀ ਜ਼ਿਆਦਾ ਖ਼ਤਰਨਾਕ ਹੋ ਸਕਦਾ ਸੀ। ਜੰਗਲੀ ਜਾਨਵਰ ਕਿਸੇ ਵੀ ਵੇਲੇ ਹਮਲਾਵਰ ਹੋ ਸਕਦੇ ਹਨ ਅਤੇ ਇੱਕ ਛੋਟੀ ਜਿਹੀ ਗਲਤੀ ਜਾਨਲੇਵਾ ਸਾਬਤ ਹੋ ਸਕਦੀ ਹੈ। ਵੀਡੀਓ ਦੇਖਣ ਵਾਲੇ ਕਈ ਲੋਕ ਕਿਸਾਨ ਦੀ ਹਿੰਮਤ ’ਤੇ ਹੈਰਾਨ ਹਨ, ਜਦਕਿ ਕਈ ਇਸ ਨੂੰ ਬੇਵਕੂਫੀ ਵਾਲਾ ਕੰਮ ਦੱਸ ਰਹੇ ਹਨ। ਪ੍ਰਸ਼ਾਸਨ ਅਤੇ ਜੰਗਲਾਤ ਵਿਭਾਗ ਹਮੇਸ਼ਾ ਲੋਕਾਂ ਨੂੰ ਸਲਾਹ ਦਿੰਦਾ ਹੈ ਕਿ ਜੰਗਲੀ ਜਾਨਵਰਾਂ ਤੋਂ ਦੂਰੀ ਬਣਾਈ ਰੱਖਣੀ ਚਾਹੀਦੀ ਹੈ।