EPFO ਮੈਂਬਰ ਅਪਰੈਲ ਤੋਂ ਯੂਪੀਆਈ ਜ਼ਰੀਏ ਕੱਢਾ ਸਕਣਗੇ ਪੀਐੱਫ ਦਾ ਪੈਸਾ
ਈਪੀਐੱਫਓ (EPFO) ਸਬਸਕ੍ਰਾਈਬਰ ਇਸ ਸਾਲ ਅਪਰੈਲ ਤੋਂ ਯੂਪੀਆਈ ਪੇਮੈਂਟ ਗੇਟਵੇਅ ਜ਼ਰੀਏ ਆਪਣੇ ਐਂਪਲਾਈਂਜ਼ ਪ੍ਰੋਵੀਡੈਂਟ ਫੰਡ (EPFO) ਵਿਚੋਂ ਰਾਸ਼ੀ ਕੱਢਵਾ ਕੇ ਸਿੱਧੇ ਆਪਣੇ ਬੈਂਕ ਖਾਤਿਆਂ ਵਿਚ ਤਬਦੀਲ ਕਰ ਸਕਣਗੇ। ਸਿਖਰਲੇ ਸੂਤਰਾਂ ਨੇ ਕਿਹਾ ਕਿ ਕਿਰਤ ਮੰਤਰਾਲਾ ਇਕ ਅਜਿਹੇ ਪ੍ਰਾਜੈਕਟ ’ਤੇ ਕੰਮ...
ਈਪੀਐੱਫਓ (EPFO) ਸਬਸਕ੍ਰਾਈਬਰ ਇਸ ਸਾਲ ਅਪਰੈਲ ਤੋਂ ਯੂਪੀਆਈ ਪੇਮੈਂਟ ਗੇਟਵੇਅ ਜ਼ਰੀਏ ਆਪਣੇ ਐਂਪਲਾਈਂਜ਼ ਪ੍ਰੋਵੀਡੈਂਟ ਫੰਡ (EPFO) ਵਿਚੋਂ ਰਾਸ਼ੀ ਕੱਢਵਾ ਕੇ ਸਿੱਧੇ ਆਪਣੇ ਬੈਂਕ ਖਾਤਿਆਂ ਵਿਚ ਤਬਦੀਲ ਕਰ ਸਕਣਗੇ।
ਸਿਖਰਲੇ ਸੂਤਰਾਂ ਨੇ ਕਿਹਾ ਕਿ ਕਿਰਤ ਮੰਤਰਾਲਾ ਇਕ ਅਜਿਹੇ ਪ੍ਰਾਜੈਕਟ ’ਤੇ ਕੰਮ ਕਰ ਰਿਹਾ ਹੈ ਜਿੱਥੇ ਈਪੀਐੱਫ ਦਾ ਇੱਕ ਨਿਸ਼ਚਿਤ ਅਨੁਪਾਤ ਫ੍ਰੀਜ਼ ਕੀਤਾ ਜਾਵੇਗਾ, ਅਤੇ ਇੱਕ ਵੱਡਾ ਹਿੱਸਾ ਯੂਨੀਫਾਈਡ ਪੇਮੈਂਟ ਇੰਟਰਫੇਸ (UPI) ਦੀ ਵਰਤੋਂ ਕਰਕੇ ਆਪਣੇ ਬੈਂਕ ਖਾਤੇ ਰਾਹੀਂ ਕਢਵਾਉਣ ਲਈ ਉਪਲਬਧ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ ਗਾਹਕ ਆਪਣੇ ਸਬੰਧਤ ਬੈਂਕ ਖਾਤਿਆਂ ਵਿੱਚ ਟ੍ਰਾਂਸਫਰ ਕਰਨ ਲਈ ਉਪਲਬਧ ਯੋਗ EPF ਬੈਲੇਂਸ ਦੇਖ ਸਕਣਗੇ। ਉਨ੍ਹਾਂ ਨੂੰ ਆਪਣੇ ਬੈਂਕ ਖਾਤਿਆਂ ਵਿੱਚ ਪੈਸੇ ਦੀ ਸੁਰੱਖਿਅਤ ਟ੍ਰਾਂਸਫਰ ਯਕੀਨੀ ਬਣਾਉਣ ਲਈ ਲੈਣ-ਦੇਣ ਨੂੰ ਪੂਰਾ ਕਰਨ ਲਈ ਆਪਣੇ ਲਿੰਕ ਕੀਤੇ UPI ਪਿੰਨ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਹੋਵੇਗੀ।
ਇੱਕ ਵਾਰ ਜਦੋਂ ਪੈਸੇ ਬੈਂਕ ਖਾਤਿਆਂ ਵਿੱਚ ਟ੍ਰਾਂਸਫਰ ਹੋ ਜਾਂਦੇ ਹਨ, ਤਾਂ ਮੈਂਬਰ ਪੈਸੇ ਨੂੰ ਆਪਣੀ ਮਰਜ਼ੀ ਨਾਲ ਵਰਤ ਸਕਦੇ ਹਨ, ਜਿਵੇਂ ਕਿ ਇਲੈਕਟ੍ਰਾਨਿਕ ਤਰੀਕੇ ਨਾਲ ਭੁਗਤਾਨ ਕਰਨਾ ਜਾਂ ਡੈਬਿਟ ਕਾਰਡਾਂ ਦੀ ਵਰਤੋਂ ਕਰਕੇ ਬੈਂਕ ਏਟੀਐਮ ਰਾਹੀਂ ਕਢਵਾਉਣਾ। ਸੂਤਰ ਨੇ ਦੱਸਿਆ ਕਿ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਇਸ ਪ੍ਰਣਾਲੀ ਨੂੰ ਸੁਚਾਰੂ ਢੰਗ ਨਾਲ ਲਾਗੂ ਕਰਨ ਲਈ ਸਾਫਟਵੇਅਰ ਦੀਆਂ ਕਮੀਆਂ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਇਸ ਸਹੂਲਤ ਦਾ ਲਗਪਗ ਅੱਠ ਕਰੋੜ ਮੈਂਬਰਾਂ ਨੂੰ ਲਾਭ ਹੋਵੇਗਾ। ਮੌਜੂਦਾ ਸਮੇਂ EPFO ਮੈਂਬਰਾਂ ਨੂੰ ਆਪਣੇ EPF ’ਚੋਂ ਪੈਸੇ ਕਢਵਾਉਣ ਲਈ ਅਰਜ਼ੀ ਦੇਣੀ ਪੈਂਦੀ ਹੈ, ਜਿਸ ਵਿਚ ਕਾਫ਼ੀ ਸਮਾਂ ਲੱਗਦਾ ਹੈ।
ਆਟੋ-ਸੈਟਲਮੈਂਟ ਮੋਡ ਤਹਿਤ ਪੈਸੇ ਕਢਵਾਉਣ ਦੇ ਦਾਅਵਿਆਂ ਦਾ ਨਿਪਟਾਰਾ ਅਰਜ਼ੀ ਫਾਰਮ ਭਰਨ ਦੇ ਤਿੰਨ ਦਿਨਾਂ ਦੇ ਅੰਦਰ ਦਸਤੀ ਦਖਲ ਤੋਂ ਬਿਨਾਂ ਇਲੈਕਟ੍ਰਾਨਿਕ ਤੌਰ ’ਤੇ ਕੀਤਾ ਜਾਂਦਾ ਹੈ। ਇਸ ਆਟੋ-ਸੈਟਲਮੈਂਟ ਮੋਡ ਦੀ ਸੀਮਾ ਪਹਿਲਾਂ ਹੀ ਮੌਜੂਦਾ 1 ਲੱਖ ਰੁਪਏ ਤੋਂ ਵਧਾ ਕੇ 5 ਲੱਖ ਰੁਪਏ ਕਰ ਦਿੱਤੀ ਗਈ ਹੈ।
ਇਸ ਨਾਲ ਵੱਡੀ ਗਿਣਤੀ ਵਿੱਚ EPFO ਮੈਂਬਰਾਂ ਨੂੰ ਬਿਮਾਰੀ, ਸਿੱਖਿਆ, ਵਿਆਹ ਅਤੇ ਰਿਹਾਇਸ਼ ਦੇ ਉਦੇਸ਼ਾਂ ਲਈ ਤਿੰਨ ਦਿਨਾਂ ਦੇ ਅੰਦਰ ਆਪਣੇ EPF ਪੈਸੇ ਤੱਕ ਪਹੁੰਚ ਕਰਨ ਦੀ ਸਹੂਲਤ ਮਿਲੇਗੀ।
