Diljit Dosanjh ਦੀ 'ਦ ਟੂਨਾਈਟ ਸ਼ੋਅ' ਵਿੱਚ ਸ਼ਾਨਦਾਰ ਵਾਪਸੀ: Jimmy Fallon ਨੂੰ ਸਿਖਾਇਆ ਭੰਗੜਾ

ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਇੱਕ ਵਾਰ ਫਿਰ ਜਿੰਮੀ ਫੈਲਨ ਦੇ ਮਸ਼ਹੂਰ ਸ਼ੋਅ 'The Tonight Show' ਵਿੱਚ ਨਜ਼ਰ ਆਉਣ ਵਾਲੇ ਹਨ। ਦੋ ਸਾਲ ਪਹਿਲਾਂ ਆਪਣੀ ਪਹਿਲੀ ਪੇਸ਼ਕਾਰੀ ਤੋਂ ਬਾਅਦ, ਦਿਲਜੀਤ ਹੁਣ ਦੁਬਾਰਾ ਇਸ ਮੰਚ 'ਤੇ ਧਮਾਲ ਪਾਉਣ ਲਈ ਤਿਆਰ ਹਨ।

ਦਿਲਜੀਤ ਨੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਸਟੂਡੀਓ ਦੇ ਦਰਵਾਜ਼ੇ 'ਤੇ ਖੜ੍ਹੇ ਕਹਿ ਰਹੇ ਹਨ, "ਕਿਹਾ ਸੀ ਨਾ ਕਿ ਇੱਕ ਵਾਰ ਪੰਜਾਬੀ ਆ ਜਾਣ ਤਾਂ ਛੇਤੀ ਨਹੀਂ ਜਾਂਦੇ...ਜਿੰਮੀ ਫੈਲਨ ਆ ਗਏ ਓਏ।" ਇਸ ਵੀਡੀਓ ਦੇ ਪਿੱਛੇ ਉਨ੍ਹਾਂ ਦਾ ਨਵਾਂ ਗੀਤ 'ਮੋਰਨੀ' ਚੱਲ ਰਿਹਾ ਹੈ।

ਸ਼ੋਅ ਦੇ ਅਧਿਕਾਰਤ ਪੇਜ ਵੱਲੋਂ ਸਾਂਝੀ ਕੀਤੀ ਵੀਡੀਓ ਵਿੱਚ ਦਿਲਜੀਤ ਮੇਜ਼ਬਾਨ ਜਿੰਮੀ ਫੈਲਨ ਨੂੰ ਭੰਗੜੇ ਦੇ ਸਟੈੱਪਸ ਸਿਖਾਉਂਦੇ ਨਜ਼ਰ ਆ ਰਹੇ ਹਨ। ਦੋਵੇਂ ਕਲਾਕਾਰ ਇਕੱਠੇ ਨੱਚਦੇ ਅਤੇ ਹੱਸਦੇ ਬਹੁਤ ਖੁਸ਼ ਦਿਖਾਈ ਦੇ ਰਹੇ ਹਨ। ਜਿੰਮੀ ਫੈਲਨ ਨੇ ਦਿਲਜੀਤ ਨੂੰ ਆਪਣੇ ਹੱਥਾਂ ਨਾਲ ਲਿਖਿਆ ਇੱਕ 'ਥੈਂਕ ਯੂ ਨੋਟ' ਵੀ ਭੇਜਿਆ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਦਿਲਜੀਤ ਦੀ ਵਾਪਸੀ ਲਈ ਧੰਨਵਾਦ ਕੀਤਾ।

 

View this post on Instagram

 

A post shared by Jimmy Fallon (@jimmyfallon)

ਯਾਦ ਰਹੇ ਕਿ 2024 ਵਿੱਚ ਆਪਣੀ ਪਹਿਲੀ ਪੇਸ਼ਕਾਰੀ ਦੌਰਾਨ ਦਿਲਜੀਤ ਨੇ 'G.O.A.T.' ਅਤੇ 'Born to Shine' ਗੀਤਾਂ 'ਤੇ ਪਰਫਾਰਮੈਂਸ ਦਿੱਤੀ ਸੀ। ਉਸ ਸਮੇਂ ਉਨ੍ਹਾਂ ਦੀ ਚਿੱਟੀ ਧੋਤੀ-ਕੁਰਤੇ ਅਤੇ ਪੱਗ ਵਾਲੀ ਲੁੱਕ ਨੇ ਦੁਨੀਆ ਭਰ ਦਾ ਦਿਲ ਜਿੱਤ ਲਿਆ ਸੀ।

ਦਿਲਜੀਤ ਹਾਲ ਹੀ ਵਿੱਚ ਫ਼ਿਲਮ 'ਬਾਰਡਰ 2' ਵਿੱਚ ਨਜ਼ਰ ਆਏ ਸਨ। ਹੁਣ ਉਹ ਜਲਦੀ ਹੀ ਇਮਤਿਆਜ਼ ਅਲੀ ਦੀ ਫ਼ਿਲਮ 'ਮੈਂ ਵਾਪਸ ਆਊਂਗਾ' ਵਿੱਚ ਦਿਖਾਈ ਦੇਣਗੇ, ਜੋ 1947 ਦੀ ਵੰਡ ਦੇ ਪਿਛੋਕੜ 'ਤੇ ਆਧਾਰਿਤ ਹੈ। ਇਹ ਫ਼ਿਲਮ 12 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।

ਇਹ 'ਅਮਰ ਸਿੰਘ ਚਮਕੀਲਾ' ਤੋਂ ਬਾਅਦ ਇਮਤਿਆਜ਼ ਅਲੀ ਅਤੇ ਦਿਲਜੀਤ ਦੀ ਦੂਜੀ ਫ਼ਿਲਮ ਹੋਵੇਗੀ। ਦਿਲਜੀਤ ਦੀ ਇਸ ਕੌਮਾਂਤਰੀ ਸਫ਼ਲਤਾ ਕਾਰਨ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਵਿੱਚ ਭਾਰੀ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ।