ਇਜ਼ਰਾਈਲ ਤੇ ਹਿਜ਼ਬੁੱਲਾ ਵਿਚਾਲੇ ਜੰਗ ਜਾਰੀ

ਵਾਸ਼ਿੰਗਟਨ ਵਿਚ ਲੈਬਨਾਨ ਅਤੇ ਇਜ਼ਰਾਇਲੀ ਵਫ਼ਦ ਵਿਚਾਲੇ ਗੱਲਬਾਤ ਦਰਮਿਆਨ ਮੰਗਲਵਾਰ ਨੂੰ ਦੱਖਣੀ ਲੈਬਨਾਨ ਵਿੱਚ ਲਿਤਾਨੀ ਦਰਿਆ ਦੇ ਕੰਢੇ ’ਤੇ ਇਜ਼ਰਾਇਲੀ ਫ਼ੌਜ ਅਤੇ ਹਿਜ਼ਬੁੱਲਾ ਵਿਚਾਲੇ ਝੜਪ ਹੋਈ। ਇਜ਼ਰਾਈਲ ਅਤੇ ਹਿਜ਼ਬੁੱਲਾ ਵਿਚਾਲੇ ਗੋਲੀਬੰਦੀ ਦਿਨ-ਬ-ਦਿਨ ਕਮਜ਼ੋਰ ਹੁੰਦੀ ਜਾ ਰਹੀ ਹੈ। ਇਸ ਨਾਲ ਇਰਾਨ ਜੰਗ ਵਿੱਚ ਸ਼ਾਂਤੀ ਦੀਆਂ ਕੋਸ਼ਿਸ਼ਾਂ ਵੀ ਮੁਸ਼ਕਲ ਹੁੰਦੀਆਂ ਜਾ ਰਹੀਆਂ ਸਨ ਕਿਉਂਕਿ ਤਹਿਰਾਨ ਅਜਿਹਾ ਸਮਝੌਤਾ ਚਾਹੁੰਦਾ ਹੈ, ਜਿਸ ਵਿੱਚ ਲੈਬਨਾਨ ਵਿੱਚ ਲੜਾਈ ਖ਼ਤਮ ਕਰਨਾ ਵੀ ਸ਼ਾਮਲ ਹੈ।

ਲਿਤਾਨੀ ਦਰਿਆ ਅਸਲ ਵਿੱਚ ਇਕ ਸਰਹੱਦ ਰਹੀ ਹੈ ਜਿਸ ਦੇ ਦੱਖਣ ਵਿੱਚ ਵੱਡੇ ਇਲਾਕੇ ’ਤੇ ਇਜ਼ਰਾਇਲੀ ਫ਼ੌਜ ਦਾ ਕਬਜ਼ਾ ਹੈੇ। ਇਜ਼ਰਾਇਲੀ ਪ੍ਰਧਾਨ ਮੰਤਰੀ ਨੇਤਨਯਾਹੂ ਅਤੇ ਰੱਖਿਆ ਮੰਤਰੀ ਇਜ਼ਰਾਈਲ ਕਾਟਜ਼ ਨੇ ਫ਼ੌਜੀ ਅਧਿਕਾਰੀਆਂ ਨੂੰ ਮਿਲਣ ਮਗਰੋਂ ਕਿਹਾ ਕਿ ਇਜ਼ਰਾਈਲ ਵੱਲੋਂ ਲੇੈਬਨਾਨ ਵਿਚ ਹਮਲੇ ਤੇਜ਼ ਕੀਤੇ ਜਾਣਗੇ। ਇਜ਼ਰਾਇਲੀ ਫ਼ੌਜ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਦੱਖਣੀ ਲੇੈਬਨਾਨ ਅਤੇ ਪੂਰਬੀ ਬੇਕਾ ਵਾਦੀ ਇਲਾਕੇ ਵਿੱਚ ਹਿਜ਼ਬੁੱਲਾ ਦੇ 100 ਤੋਂ ਵੱਧ ਇਲਾਕਿਆਂ ’ਤੇ ਹਮਲਾ ਕੀਤਾ। ਲੇੈਬਨਾਨ ਦੀ ਸਰਕਾਰੀ ਖ਼ਬਰ ਏਜੰਸੀ ਨੇ ਦੱਸਿਆ ਕਿ ਇਹ ਹਮਲਾ ਪੂਰਬੀ ਪਿੰਡ ਮਸ਼ਗ਼ਰਾ ਵਿੱਚ ਹੋਇਆ ਜਿਥੇ ਇਕੋਂ ਪਰਿਵਾਰ ਦੇ ਕਈ ਮੈਂਬਰਾਂ ਸਣੇ 12 ਵਿਅਕਤੀ ਮਾਰੇ ਗਏੇ।

ਗਾਜ਼ਾ ’ਚ ਹਮਾਸ ਦਾ ਮਿਲਟਰੀ ਆਗੂ ਹਲਾਕ

ਦੀਰ ਅਲ ਬਲਾਹ: ਇਜ਼ਰਾਈਲ ਵੱਲੋਂ ਮੰਗਲਵਾਰ ਦੇਰ ਰਾਤ ਗਾਜ਼ਾ ਵਿਚ ਕੀਤੇ ਦੋ ਹਵਾਈ ਹਮਲਿਆਂ ਵਿੱਚ ਹਮਾਸ ਦੇ ਮਿਲਟਰੀ ਆਗੂ ਸਮੇਤ ਤਿੰਨ ਵਿਅਕਤੀ ਮਾਰੇ ਗਏ ਅਤੇ 12 ਹੋਰ ਜ਼ਖ਼ਮੀ ਹੋ ਗਏ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੇਂਜਾਮਿਨ ਨੇਤਨਯਾਹੂ ਅਤੇ ਰੱਖਿਆ ਮੰਤਰੀ ਇਜ਼ਰਾਈਲ ਕਾਟਜ਼ ਨੇ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਇਹ ਹਮਲੇ ਹਮਾਸ ਦੀ ਮਿਲਟਰੀ ਯੂਨਿਟ ਦੇ ਨਵੇੇਂ ਮੁਖੀ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਸਨ। ਇਸ ਹਮਲੇ ਵਿੱਚ ਮਾਰੇ ਗਏ ਮਿਲਟਰੀ ਆਗੂ ਦੀ ਪਛਾਣ ਮੁਹੰਮਦ ਓਦੇਹ ਵਜੋਂ ਹੋਈ ਹੈ, ਜੋ 7 ਅਕਤੂਬਰ 2023 ਦੇ ਹਮਲਿਆਂ ਦਾ ਮੁੱਖ ਸਾਜ਼ਿਸ਼ਘਾੜਾ ਸੀ।