AI ਇਨਸਾਨ ਦਾ ਬਦਲ ਨਹੀਂ ਹੋ ਸਕਦੀ: Steven Spielberg

ਸਪੀਲਬਰਗ ਨੇ ਕਿਹਾ, ‘‘ਮੈਨੂੰ ਉੱਥੇ ਏ ਆਈ ਬਿਲਕੁਲ ਪਸੰਦ ਨਹੀਂ ਹੈ ਜਿੱਥੇ ਇਹ ਕੋਈ ਰੁਖ਼ ਅਖ਼ਤਿਆਰ ਕਰਦੀ ਹੈ ਜਾਂ ਜਿੱਥੇ ਲੇਖਕ ਦੀ ਮੇਜ਼ ’ਤੇ ਕੋਈ ਕੁਰਸੀ ਖ਼ਾਲੀ ਰਹਿ ਜਾਂਦੀ ਹੈ।’’ ਉਨ੍ਹਾਂ ਹੋਰ ਕਿਹਾ, ‘‘ਮੈਂ ਇਨਸਾਨਾਂ ਦੀ ਥਾਂ ਏ ਆਈ ਨੂੰ ਦੇਣ ਲਈ ਤਿਆਰ ਨਹੀਂ ਹਾਂ, ਕਿਉਂਕਿ ਮੈਂ ਇਸ ਦੇ ਸੋਚਣ-ਸਮਝਣ ਦੀ ਸਮਰੱਥਾ ’ਤੇ ਵਿਸ਼ਵਾਸ ਨਹੀਂ ਕਰਦਾ। ਮੇਰਾ ਮੰਨਣਾ ਹੈ ਕਿ ਮਨੁੱਖੀ ਸੋਚ ਦਾ ਕੋਈ ਬਦਲ ਨਹੀਂ ਹੋ ਸਕਦਾ। ਮੈਨੂੰ ਨਹੀਂ ਲੱਗਦਾ ਕਿ ਕੋਈ ਅਜਿਹਾ ਐਲਗੋਰਿਦਮ ਬਣਾਇਆ ਜਾ ਸਕਦਾ ਹੈ... ਇੱਕ ਕੰਪਿਊਟਰ ਜੋ ਇਹ ਸੋਚਦਾ ਹੈ ਕਿ ਉਹ ਸਾਡੇ ਨਾਲੋਂ ਵੱਧ ਮਹਿਸੂਸ ਕਰ ਸਕਦਾ ਹੈ। ਇਹ ਮੇਰੀ ਪਰਵਰਿਸ਼ ਅਤੇ ਭਵਿੱਖ ਵਿੱਚ ਫਿਲਮਾਂ ਬਣਾਉਣ ਤੇ ਨਿਰਦੇਸ਼ਿਤ ਕਰਨ ਦੇ ਮੇਰੇ ਢੰਗ ਦੇ ਬਿਲਕੁਲ ਉਲਟ ਹੈ।’’ ਨਿਰਦੇਸ਼ਕ ਨੇ ਕਿਹਾ ਕਿ ਉਹ ਅਜਿਹਾ ਭਵਿੱਖ ਦੇਖ ਸਕਦੇ ਹਨ ਜਿੱਥੇ ਏ ਆਈ ਸਾਡੀ ‘ਬਹੁਤ ਸਾਰੀ ਭੱਜ-ਦੌੜ ਬਚਾ ਸਕਦੀ ਹੈ’, ਪਰ ਉਹ ਇਸ ਨੂੰ ਉਪਕਰਨ ਤੋਂ ਵੱਧ ਕੁਝ ਵੀ ਮੰਨਣ ਲਈ ਤਿਆਰ ਨਹੀਂ ਹਨ।

ਲਿਓਨਾਰਡੋ ਡੀਕੈਪਰੀਓ, ਸਕਾਰਲੇਟ ਜੌਹਨਸਨ, ਕੇਟ ਬਲੈਂਚਟ ਅਤੇ ਕਈ ਹੋਰ ਕਲਾਕਾਰਾਂ ਨੇ ਕਹਾਣੀਆਂ ਸੁਣਾਉਣ ਲਈ ਏ ਆਈ ਦੀ ਵਰਤੋਂ ਦੀ ਸਖ਼ਤ ਆਲੋਚਨਾ ਕੀਤੀ ਹੈ।