Boxers ਤੇ Para Athletes ਦੇ ਵਤਨ ਪਰਤਣ ’ਤੇ warm welcome
ਖਿਡਾਰੀਆਂ ਦਾ ਅਗਲਾ ਨਿਸ਼ਾਨਾ ਹੁਣ ਏਸ਼ਿਆਈ ਖੇਡਾਂ
ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ ਤੋਂ ਪਰਤੇ ਮੁੱਕੇਬਾਜ਼ਾਂ ਅਤੇ ਇੱਥੇ ਅੱਜ ਤੜਕੇ ਕੌਮੀ ਰਾਜਧਾਨੀ ਵਿੱਚ ਸ਼ਾਨਦਾਰ ਸਵਾਗਤ ਦੌਰਾਨ ਰਾਸ਼ਟਰਮੰਡਲ ਖੇਡਾਂ ਦੇ ਤਗ਼ਮਾ ਜੇਤੂਆਂ ਨੂੰ ਆਪਣੀ ਸਫਲਤਾ ਦਾ ਜਸ਼ਨ ਮਨਾਉਣ ਲਈ ਮੁਸ਼ਕਲ ਨਾਲ ਹੀ ਸਮਾਂ ਮਿਲਿਆ, ਕਿਉਂਕਿ ਉਨ੍ਹਾਂ ਦਾ ਧਿਆਨ ਅਗਲੇ ਮਹੀਨੇ ਹੋਣ ਵਾਲੀਆਂ ਏਸ਼ਿਆਈ ਖੇਡਾਂ ਵੱਲ ਕੇਂਦਰਿਤ ਹੋ ਗਿਆ ਹੈ।
ਐਥਲੀਟ ਹਵਾਈ ਅੱਡੇ ਤੋਂ ਬਾਹਰ ਆਏ ਅਤੇ ਉਨ੍ਹਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ, ਪਰ ਉਨ੍ਹਾਂ ਨੇ ਅੱਗੇ ਦੇ ਸਫਰ ਬਾਰੇ ਇੱਕੋ ਸੁਰ ਵਿੱਚ ਗੱਲ ਕੀਤੀ ਅਤੇ ਕਿਹਾ ਕਿ ਗਲਾਸਗੋ ਦੀ ਸਫਲਤਾ ਦਾ ਆਨੰਦ ਮਾਣਨ ਲਈ ਬਹੁਤ ਘੱਟ ਸਮਾਂ ਹੈ ਕਿਉਂਕਿ ਆਈਚੀ-ਨਾਗੋਆ ਵਿੱਚ ਏਸ਼ਿਆਈ ਖੇਡਾਂ ਤੇਜ਼ੀ ਨਾਲ ਨੇੜੇ ਆ ਰਹੀਆਂ ਹਨ। ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ਦੇ ਆਗਮਨ ਗੇਟ ਤੋਂ ਬਾਹਰ ਆਉਣ ਤੋਂ ਕੁਝ ਮਿੰਟਾਂ ਬਾਅਦ ਮੁੱਕੇਬਾਜ਼ ਪ੍ਰਿਆ ਘਣਗਸ ਨੇ ਵਿਸ਼ੇਸ਼ ਗੱਲਬਾਤ ਦੌਰਾਨ ਕਿਹਾ, ‘‘ਐਨੇ ਵੱਡੇ ਮੰਚ ’ਤੇ ਰਾਸ਼ਟਰ ਗਾਨ ਸੁਣਨਾ ਅਜਿਹਾ ਅਹਿਸਾਸ ਹੈ ਜਿਸ ਨੂੰ ਮੈਂ ਹਮੇਸ਼ਾ ਯਾਦ ਰੱਖਾਂਗੀ ਪਰ ਮੇਰਾ ਧਿਆਨ ਪਹਿਲਾਂ ਹੀ ਏਸ਼ਿਆਈ ਖੇਡਾਂ ਵੱਲ ਮੁੜ ਗਿਆ ਹੈ, ਜਿੱਥੇ ਮੈਂ ਇੱਕ ਹੋਰ ਸੋਨ ਤਗ਼ਮਾ ਜਿੱਤਣਾ ਚਾਹੁੰਦੀ ਹਾਂ।’’
ਜਦੋਂ ਭਾਰਤੀ ਮੁੱਕੇਬਾਜ਼ਾਂ ਨੇ 10 ਤਗ਼ਮਿਆਂ ਦੀ ਪ੍ਰਾਪਤੀ ਨਾਲ ਯਾਦਗਾਰ ਰਾਸ਼ਟਰਮੰਡਲ ਖੇਡਾਂ ਦੀ ਮੁਹਿੰਮ ਨੂੰ ਪੂਰਾ ਕੀਤਾ, ਤਾਂ ਪ੍ਰਿਆ ਇਕੱਲੀ ਨਹੀਂ ਸੀ ਜਿਸ ਨੇ ਆਪਣਾ ਧਿਆਨ ਏਸ਼ਿਆਈ ਖੇਡਾਂ ਵੱਲ ਕੇਂਦਰਿਤ ਕੀਤਾ ਹੋਵੇ। ਮਹਿਲਾ ਟੀਮ ਨੇ ਛੇ ਤਗ਼ਮਿਆਂ ਨਾਲ ਅਗਵਾਈ ਕੀਤੀ, ਜਦੋਂ ਕਿ ਪੁਰਸ਼ਾਂ ਨੇ ਚਾਰ ਤਗ਼ਮੇ ਜਿੱਤੇ, ਜਿਸ ਨਾਲ ਭਾਰਤੀ ਮੁੱਕੇਬਾਜ਼ੀ ਨੇ ਕੌਮਾਂਤਰੀ ਪੱਧਰ ’ਤੇ ਆਪਣੇ ਵਧਦੇ ਕੱਦ ਨੂੰ ਇੱਕ ਵਾਰ ਫਿਰ ਜੱਗ ਜ਼ਾਹਿਰ ਕੀਤਾ। ਪੈਰਾ-ਐਥਲੈਟਿਕਸ ਟੀਮ ਨੇ ਵੀ ਰਿਕਾਰਡ ਸੱਤ ਤਗ਼ਮਿਆਂ ਨਾਲ ਇਤਿਹਾਸ ਸਿਰਜਿਆ ਜਿਸ ਨਾਲ ਭਾਰਤ ਸਮੁੱਚੀ ਤਗ਼ਮਾ ਸੂਚੀ ਵਿੱਚ ਚੌਥੇ ਸਥਾਨ ’ਤੇ ਪੁੱਜ ਗਿਆ।
ਜਿਵੇਂ ਹੀ ਐਥਲੀਟ ਸਵੇਰੇ 4 ਵਜੇ ਦੇ ਕਰੀਬ ਟਰਮੀਨਲ ਤੋਂ ਬਾਹਰ ਆਏ, ਢੋਲ ਦੀਆਂ ਥਾਪਾਂ ਅਤੇ ਦੇਸ਼ ਭਗਤੀ ਦੇ ਗੀਤਾਂ ਨਾਲ ਮਾਹੌਲ ਗੂੰਜ ਉੱਠਿਆ। ਪਰਿਵਾਰਕ ਮੈਂਬਰਾਂ ਨੇ ਫੁੱਲਾਂ ਦੇ ਹਾਰਾਂ ਨਾਲ ਤਗ਼ਮਾ ਜੇਤੂਆਂ ਦਾ ਸਵਾਗਤ ਕੀਤਾ ਜਦੋਂ ਕਿ ਸਮਰਥਕ ਤਸਵੀਰਾਂ ਖਿਚਵਾਉਣ ਲਈ ਲਾਈਨ ਵਿੱਚ ਖੜ੍ਹੇ ਸਨ।
