ਅੰਡਰ 18 Hockey ਏਸ਼ੀਆ ਕੱਪ ਅੱਜ ਤੋਂ

ਕਈ ਹਫ਼ਤੇ ਕੈਂਪ ’ਚ ਤਿਆਰੀ ਕਰਨ ਅਤੇ ਭੋਪਾਲ ’ਚ ਆਰਟਰੇਲੀਆ ਖ਼ਿਲਾਫ਼ ਅਭਿਆਸ ਮੈਚ ਖੇਡਣ ਤੋਂ ਬਾਅਦ ਦੋਵੇਂ ਟੀਮਾਂ ਨੂੰ ਸ਼ਾਨਦਾਰ ਪ੍ਰਦਰਸ਼ਨ ਦਾ ਯਕੀਨ ਹੈ। ਫਾਰਵਰਡ ਕੇਤਨ ਕੁਸ਼ਵਾਹਾ ਦੀ ਕਪਤਾਨੀ ਹੇਠ ਅੰਡਰ-18 ਲੜਕਿਆਂ ਦੀ ਟੀਮ ਨੇ ਭੋਪਾਲ ਸਥਿਤ ਭਾਰਤੀ ਖੇਡ ਅਥਾਰਿਟੀ ਕੇਂਦਰ ’ਚ ਸਰਦਾਰ ਅਤੇ ਰਜਨੀਸ਼ ਦੀ ਨਿਗਰਾਨੀ ਹੇਠ ਅਭਿਆਸ ਕੈਂਪ ’ਚ ਹਿੱਸਾ ਲਿਆ ਸੀ। ਆਸਟਰੇਲੀਆ ਦੀ ਅੰਡਰ-18 ਟੀਮ ਖ਼ਿਲਾਫ਼ ਚਾਰ ਮੈਚਾਂ ਦੀ ਲੜੀ ’ਚ ਭਾਰਤ ਨੇ ਇੱਕ ਮੈਚ ਜਿੱਤਿਆ, ਇੱਕ ਹਾਰਿਆ ਅਤੇ ਦੋ ਮੈਚ ਡਰਾਅ ਖੇਡੇ। ਭਾਰਤ ਨੂੰ ਪੂਲ ‘ਏ’ ’ਚ ਮੇਜ਼ਬਾਨ ਜਪਾਨ, ਕੋਰੀਆ, ਚੀਨੀ ਤੈਪਈ ਅਤੇ ਕਜ਼ਾਖ਼ਿਸਤਾਨ ਨਾਲ ਰੱਖਿਆ ਗਿਆ ਹੈ। ਭਾਰਤ ਦਾ ਪਹਿਲਾ ਮੈਚ 29 ਮਈ ਨੂੰ ਕਜ਼ਾਖ਼ਿਸਤਾਨ ਨਾਲ ਹੋਵੇਗਾ।

ਭਾਰਤ ਦੀ ਅੰਡਰ-18 ਲੜਕੀਆਂ ਦੀ ਟੀਮ ਨੇ ਆਸਟਰੇਲੀਆ ਖ਼ਿਲਾਫ਼ ਚਾਰ ਮੈਚਾਂ ਦੀ ਲੜੀ ਦੇ ਆਖ਼ਰੀ ਮੈਚ ਵਿੱਚ ਜਿੱਤ ਦਰਜ ਕੀਤੀ ਸੀ। ਪੂਲ ‘ਏ’ ਵਿੱਚ ਭਾਰਤ ਨੇ 30 ਮਈ ਨੂੰ ਮਲੇਸ਼ੀਆ ਨਾਲ, 31 ਮਈ ਨੂੰ ਕੋਰੀਆ ਅਤੇ ਦੋ ਜੂਨ ਨੂੰ ਸਿੰਗਾਪੁਰ ਨਾਲ ਮੈਚ ਖੇਡਣਾ ਹੈ।