England Tour 'ਤੇ Vaibhav Suryavanshi ਲਈ ਖ਼ਾਸ ਇੰਤਜ਼ਾਮ: ICC Rules ਮੁਤਾਬਕ ਮਿਲੇਗਾ ਵੱਖਰਾ Changing Room

ਭਾਰਤੀ ਕ੍ਰਿਕਟ ਟੀਮ ਦੇ 15 ਸਾਲਾ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਨੂੰ ਇੰਗਲੈਂਡ ਦੌਰੇ ਦੌਰਾਨ ਕੱਪੜੇ ਬਦਲਣ ਲਈ ਵੱਖਰਾ ਕਮਰਾ ਮਿਲੇਗਾ। ਆਈ ਸੀ ਸੀ ਅਤੇ ਇੰਗਲੈਂਡ ਕ੍ਰਿਕਟ ਬੋਰਡ ਦੇ ਸੁਰੱਖਿਆ ਨੇਮਾਂ ਅਨੁਸਾਰ 16 ਤੋਂ ਘੱਟ ਉਮਰ ਦੇ ਖਿਡਾਰੀ ਬਾਲਗਾਂ ਵਾਲੇ ਚੇਂਜਿੰਗ ਰੂਮ ਨਹੀਂ ਵਰਤ ਸਕਦੇ।

ਪਹਿਲੀ ਵਾਰ ਕਿਸੇ ਭਾਰਤੀ ਖਿਡਾਰੀ ਲਈ ਅਜਿਹਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ, ਮੈਚ ਦੌਰਾਨ ਵੈਭਵ ਭਾਰਤੀ ਟੀਮ ਦੇ ਮੁੱਖ ਡਰੈਸਿੰਗ ਰੂਮ ਵਿੱਚ ਰਹਿ ਸਕਦਾ ਹੈ ਅਤੇ ਰਣਨੀਤਕ ਮੀਟਿੰਗਾਂ ਦਾ ਹਿੱਸਾ ਵੀ ਬਣੇਗਾ। ਇਹ ਪਾਬੰਦੀ ਸਿਰਫ਼ ਮੈਚ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਕੱਪੜੇ ਬਦਲਣ ਤੱਕ ਸੀਮਤ ਹੈ।

ਰਾਜਸਥਾਨ ਰੌਇਲਜ਼ ਵੱਲੋਂ ਆਈ ਪੀ ਐੱਲ ਖੇਡ ਚੁੱਕੇ ਵੈਭਵ ਨੂੰ ਭਾਰਤ ਵਿੱਚ ਅਜਿਹੇ ਨਿਯਮਾਂ ਦਾ ਸਾਹਮਣਾ ਨਹੀਂ ਕਰਨਾ ਪਿਆ ਸੀ। ਸ਼ੁੱਕਰਵਾਰ ਤੋਂ ਆਇਰਲੈਂਡ ਵਿਰੁੱਧ ਸ਼ੁਰੂ ਹੋ ਰਹੀ ਲੜੀ ਵਿੱਚ ਜੇ ਉਸ ਨੂੰ ਮੈਦਾਨ ’ਤੇ ਉਤਾਰਿਆ ਜਾਂਦਾ ਹੈ ਤਾਂ ਸਚਿਨ ਤੇਂਦੁਲਕਰ ਦਾ ਰਿਕਾਰਡ ਤੋੜ ਕੇ ਭਾਰਤ ਦਾ ਸਭ ਤੋਂ ਛੋਟੀ ਉਮਰ ਦਾ ਕੌਮਾਂਤਰੀ ਕ੍ਰਿਕਟਰ ਬਣ ਜਾਵੇਗਾ।