ਸਿੰਧੂ ਤੇ ਲਕਸ਼ੈ Singapore Open ਦੇ ਕੁਆਰਟਰ ਫਾਈਨਲ ’ਚ ਪੁੱਜੇ

ਵਿਸ਼ਵ ਚੈਂਪੀਅਨਸ਼ਿਪ-2021 ਦਾ ਕਾਂਸੀ ਤਗ਼ਮਾ ਜੇਤੂ ਲਕਸ਼ੈ ਸੇਨ ਵੀ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਿਆ ਹੈ। ਉਸ ਦਾ ਵਿਰੋਧੀ ਅਤੇ ਦੂਜਾ ਦਰਜਾ ਪ੍ਰਾਪਤ ਕੁਨਲਾਵੁਤ ਵਿਦਿਤਸਾਰਨ ਪਿੱਠ ਦੀ ਸਮੱਸਿਆ ਕਾਰਨ ਸਿਰਫ਼ ਦੋ ਅੰਕਾਂ ਤੋਂ ਬਾਅਦ ਮੈਚ ਤੋਂ ਹਟ ਗਿਆ। ਅਲਮੋੜਾ ਦੇ ਇਸ ਸ਼ਟਲਰ ਦਾ ਅਗਲਾ ਮੁਕਾਬਲਾ ਹੁਣ ਜਪਾਨ ਦੇ ਕੋਕੀ ਵਾਤਾਨਾਬੇ ਨਾਲ ਹੋਵੇਗਾ। ਦੂਜੇ ਪਾਸੇ ਐੱਚ ਐੱਸ ਪ੍ਰਣਯ ਨੂੰ ਸਿੰਗਾਪੁਰ ਦੇ ਖਿਡਾਰੀ ਲੋਹ ਕੀਨ ਯੂ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਇਸੇ ਤਰ੍ਹਾਂ ਚੌਥਾ ਦਰਜਾ ਪ੍ਰਾਪਤ ਭਾਰਤੀ ਪੁਰਸ਼ ਡਬਲਜ਼ ਜੋੜੀ ਸਾਤਵਿਕਸਾਈਰਾਜ ਰੰਕੀਰੈੱਡੀ ਅਤੇ ਚਿਰਾਗ ਸ਼ੈੱਟੀ ਨੇ ਚੀਨੀ ਤੈਪਈ ਦੀ ਜੋੜੀ ਲੀ ਜ਼ੇ-ਹੁਈ ਅਤੇ ਯਾਂਗ ਪੋ-ਸੁਆਨ ਨੂੰ ਹਰਾਇਆ। ਹੁਣ ਕੁਆਰਟਰ ਫਾਈਨਲ ’ਚ ਉਨ੍ਹਾਂ ਦਾ ਸਾਹਮਣਾ ਮਲੇਸ਼ੀਆ ਦੇ ਖਾਈ ਸ਼ਿੰਗ ਕਾਂਗ ਅਤੇ ਆਰੋਨ ਤਾਈ ਨਾਲ ਹੋਵੇਗਾ। ਭਾਰਤੀ ਮਿਕਸਡ ਡਬਲਜ਼ ਜੋੜੀ ਧਰੁਵ ਕਪਿਲਾ ਅਤੇ ਤਨੀਸ਼ਾ ਕ੍ਰਾਸਟੋ ਨੇ ਵੀ ਜਪਾਨੀ ਜੋੜੀ ਯੂਤਾ ਵਾਤਾਨਾਬੇ ਅਤੇ ਮਾਇਆ ਤਾਗੁਚੀ ਨੂੰ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਜਗ੍ਹਾ ਬਣਾਈ ਹੈ।