ਦੂਜਾ ਟੈਸਟ: ਦੱਖਣੀ ਅਫ਼ਰੀਕਾ ਨੇ ਪਹਿਲੇ ਦਿਨ 247/6 ਦਾ ਸਕੋਰ ਬਣਾਇਆ, ਕੁਲਦੀਪ ਨੇ 3 ਵਿਕਟਾਂ ਲਈਆਂ

ਦਿਨ ਦੇ ਆਖਰੀ ਸੈਸ਼ਨ ਵਿਚ ਰਵਿੰਦਰ ਜਡੇਜਾ ਨੇ ਦੱਖਣੀ ਅਫ਼ਰੀਕਾ ਦੇ ਕਪਤਾਨ ਤੇਂਬਾ ਬਾਵੁਮਾ ਨੂੰ ਮਿਡ ਆਫ ਉੱਤੇ ਯਸ਼ਸਵੀ ਜੈਸਵਾਲ ਦੇ ਹੱਥੋਂ ਕੈਚ ਆਊਟ ਕਰਵਾਇਆ। ਕੁਲਦੀਪ ਨੇ ਟੀ ਸਟਬਸ (49) ਤੇ ਵਿਆਨ ਮਲਡਰ (13) ਨੂੰ ਆਊਟ ਕਰਕੇ ਅਫ਼ਰੀਕੀ ਟੀਮ ਨੂੰ ਝਟਕਾ ਦਿੱਤਾ। ਦਿਨ ਦੀ ਖੇਡ ਖ਼ਤਮ ਹੋਣ ਮੌਕੇ ਐੱਸ.ਮੁਤੂਸਵਾਮੀ 25 ਦੌੜਾਂ ਨਾਲ ਨਾਲ ਨਾਬਾਦ ਸੀ। ਮੁਹੰਮਦ ਸਿਰਾਜ ਨੇ ਟੋਨੀ ਡੀ ਜ਼ੋਰਜ਼ੀ(28) ਦੀ ਵਿਕਟ ਲਈ।

ਇਸ ਤੋਂ ਪਹਿਲਾਂ ਦੱਖਣੀ ਅਫ਼ਰੀਕਾ ਨੇ ਲੰਚ ਦੇ ਸਮੇਂ ਤੱਕ ਦੋ ਵਿਕਟਾਂ ਦੇ ਨੁਕਸਾਨ ਨਾਲ 156 ਦੌੜਾਂ ਬਣਾਈਆਂ। ਮਹਿਮਾਨ ਟੀਮ ਦੀਆਂ ਦੋ ਵਿਕਟਾਂ ਏਡਨ ਮਾਰਕਰਾਮ (38) ਤੇ ਰਿਆਨ ਰਿਕਲਟਨ (35) ਦੇ ਰੂਪ ਵਿਚ ਡਿੱਗੀਆਂ। ਪਹਿਲੀ ਵਿਕਟ ਜਸਪ੍ਰੀਤ ਬੁਮਰਾਹ ਤੇ ਦੂਜੀ ਕੁਲਦੀਪ ਯਾਦਵ ਦੇ ਹਿੱਸੇ ਆਈ। ਮਾਰਕਰਾਮ ਨੂੰ ਸੱਤਵੇਂ ਓਵਰ ਵਿਚ ਬੁਮਰਾਹ ਦੀ ਦੂਜੀ ਗੇਂਦ ’ਤੇ ਇਕ ਜੀਵਨਦਾਨ ਵੀ ਮਿਲਿਆ ਜਦੋਂ ਕੇਐੱਲ ਰਾਹੁਲ ਨੇ ਦੂਜੀ ਸਲਿੱਪ ’ਤੇ ਨਿਯਮਤ ਕੈਚ ਛੱਡ ਦਿੱਤਾ।

ਲੰਚ ਬ੍ਰੇਕ ਤੋਂ ਪਹਿਲਾਂ ਲਈ 20 ਮਿੰਟਾਂ ਦੀ ਟੀ ਬ੍ਰੇਕ ਦੌਰਾਨ ਦੱਖਣੀ ਅਫਰੀਕਾ ਦਾ ਸਕੋਰ 82/1 ਸੀ। ਦੱਖਣੀ ਅਫ਼ਰੀਕਾ ਦੀ ਟੀਮ ਦੋ ਟੈਸਟ ਮੈਚਾਂ ਦੀ ਲੜੀ ਵਿਚ 1-0 ਨਾਲ ਅੱਗੇ ਹੈ। ਦੱਖਣੀ ਅਫਰੀਕਾ ਨੇ ਕੋਲਕਾਤਾ ਦੇ ਈਡਨ ਗਾਰਡਨਜ਼ ਵਿਚ ਖੇਡੇ ਪਹਿਲੇ ਟੈਸਟ ਵਿਚ ਮੇਜ਼ਬਾਨ ਭਾਰਤ ਨੂੰ ਰੋਮਾਂਚਕ ਮੁਕਾਬਲੇ ਵਿਚ 30 ਦੌੜਾਂ ਨਾਲ ਹਰਾਇਆ ਸੀ। ਸੰਖੇਪ ਸਕੋਰ: ਦੱਖਣੀ ਅਫ਼ਰੀਕਾ 247/6, 81.5 ਓਵਰ; ਜਸਪ੍ਰੀਤ ਬੁਮਰਾਹ 1/38, ਕੁਲਦੀਪ ਯਾਦਵ 3/48, ਰਵਿੰਦਰ ਜਡੇਜਾ 1/30, ਮੁਹੰਮਦ ਸਿਰਾਜ 1/59)