ਨਿਊਜ਼ੀਲੈਂਡ ਨੇ ਟੀ20 ਲੜੀ 3-1 ਨਾਲ ਜਿੱਤੀ

ਜੈਕਬ ਡਫੀ ਵਲੋਂ 35 ਦੌੜਾਂ ਦੇ ਕੇ ਲਈਆਂ ਚਾਰ ਵਿਕਟਾਂ ਦੀ ਬਦੌਲਤ ਨਿਊਜ਼ੀਲੈਂਡ ਨੇ ਪੰਜਵੇਂ ਟੀ20 ਕੌਮਾਂਤਰੀ ਕ੍ਰਿਕਟ ਮੈਚ ਵਿੱਚ ਅੱਜ ਇੱਥੇ ਵੈਸਟਇੰਡੀਜ਼ ਨੂੰ ਅੱਠ ਵਿਕਟਾਂ ਨਾਲ ਹਰਾ ਕੇ ਲੜੀ 3-1 ਨਾਲ ਜਿੱਤ ਲਈ। ਡਫੀ ਨੇ ਤੀਜੇ ਓਵਰ ਵਿੱਚ ਤਿੰਨ...

AP

ਡੁਨੇਡਿਨ (ਨਿਊਜ਼ੀਲੈਂਡ), 04:41 AM Nov 14, 2025 IST

ਜੈਕਬ ਡਫੀ ਵਲੋਂ 35 ਦੌੜਾਂ ਦੇ ਕੇ ਲਈਆਂ ਚਾਰ ਵਿਕਟਾਂ ਦੀ ਬਦੌਲਤ ਨਿਊਜ਼ੀਲੈਂਡ ਨੇ ਪੰਜਵੇਂ ਟੀ20 ਕੌਮਾਂਤਰੀ ਕ੍ਰਿਕਟ ਮੈਚ ਵਿੱਚ ਅੱਜ ਇੱਥੇ ਵੈਸਟਇੰਡੀਜ਼ ਨੂੰ ਅੱਠ ਵਿਕਟਾਂ ਨਾਲ ਹਰਾ ਕੇ ਲੜੀ 3-1 ਨਾਲ ਜਿੱਤ ਲਈ।

ਡਫੀ ਨੇ ਤੀਜੇ ਓਵਰ ਵਿੱਚ ਤਿੰਨ ਵਿਕਟਾਂ ਲਈਆਂ ਜਿਸ ਨਾਲ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਉੱਤਰੀ ਵੈਸਟਇੰਡੀਜ਼ ਦੀ ਟੀਮ ਦਾ ਸਕੋਰ ਚਾਰ ਵਿਕਟਾਂ ’ਤੇ 21 ਦੌੜਾਂ ਹੋ ਗਿਆ। ਡੱਫੀ ਨੇ ਇਸ ਤੋਂ ਬਾਅਦ ਖ਼ਤਰਨਾਕ ਦਿਸ ਰਹੇ ਰੋਮਾਰੀਓ ਸ਼ੈੱਫਰਡ ਨੂੰ ਵੀ ਪਵੇਲੀਅਨ ਭੇਜ ਦਿੱਤਾ ਜਿਸ ਨੇ 22 ਗੇਂਦਾਂ ’ਚ 36 ਦੌੜਾਂ ਬਣਾਈਆਂ। ਇਸ ਤਰ੍ਹਾਂ, ਵੈਸਟਇੰਡੀਜ਼ ਦੀ ਟੀਮ 18.4 ਓਵਰਾਂ ’ਚ 140 ਦੌੜਾਂ ’ਤੇ ਆਊਟ ਹੋ ਗਈ। ਉਸ ਵੱਲੋਂ ਰੋਸਟਨ ਚੇਜ਼ ਨੇ ਸਭ ਤੋਂ ਵੱਧ 38 ਦੌੜਾਂ ਬਣਾਈਆਂ। ਨਿਊਜ਼ੀਲੈਂਡ ਨੇ 15.4 ਓਵਰਾਂ ’ਚ ਦੋ ਵਿਕਟਾਂ ’ਤੇ 141 ਦੌੜਾਂ ਬਣਾ ਕੇ ਆਸਾਨ ਜਿੱਤ ਦਰਜ ਕੀਤੀ।