National Federation Cup: ਗੁਰਿੰਦਰਵੀਰ ਨੇ ਸੌ ਮੀਟਰ ਦਾ ਕੌਮੀ ਰਿਕਾਰਡ ਮੁੜ ਖੋਹਿਆ

ਗੁਰਿੰਦਰਵੀਰ ਨੇ ਇਸ ਸੀਜ਼ਨ ਵਿੱਚ ਏਸ਼ੀਆ ਦਾ ਦੂਜਾ ਸਭ ਤੋਂ ਤੇਜ਼ ਸਮਾਂ ਕੱਢਿਆ, ਜਦੋਂ ਕਿ ਵਿਸ਼ਾਲ ਨੇ ਇਸ ਤੋਂ ਵੀ ਬਿਹਤਰ ਪ੍ਰਦਰਸ਼ਨ ਕੀਤਾ। ਉਸ ਵੱਲੋਂ ਲਿਆ ਗਿਆ 44.98 ਸਕਿੰਟ ਦਾ ਸਮਾਂ ਇਸ ਸਾਲ ਹੁਣ ਤੱਕ ਪੂਰੇ ਏਸ਼ੀਆ ਮਹਾਦੀਪ ਵਿੱਚ ਸਰਵੋਤਮ ਹੈ। ਭਾਰਤੀ ਐਥਲੈਟਿਕਸ ਦੇ ਇਤਿਹਾਸ ਵਿੱਚ, ਸਭ ਤੋਂ ਤੇਜ਼ ਭਾਰਤੀ ਐਥਲੀਟ ਬਣਨ ਲਈ ਗੁਰਿੰਦਰਵੀਰ ਅਤੇ ਇਸ ਮੁਕਾਬਲੇ ਵਿੱਚ ਪਿਛਲੇ ਕੌਮੀ ਰਿਕਾਰਡ ਧਾਰਕ ਅਨੀਮੇਸ਼ ਕੁਜੂਰ ਵਿਚਕਾਰ ਹੋਈ 100 ਮੀਟਰ ਦੀ ਟੱਕਰ ਨੂੰ ਭਵਿੱਖ ’ਚ ਯਾਦ ਰੱਖਿਆ ਜਾਵੇਗਾ। ਇਹੀ ਗੱਲ ਵਿਸ਼ਾਲ ਦੇ ਸ਼ਾਨਦਾਰ ਪ੍ਰਦਰਸ਼ਨ ’ਤੇ ਵੀ ਲਾਗੂ ਹੁੰਦੀ ਹੈ, ਜਿਸ ਦਾ 44.98 ਸਕਿੰਟ ਦਾ ਸਮਾਂ ਇਸ ਸੀਜ਼ਨ ਵਿੱਚ ਹੁਣ ਤੱਕ ਏਸ਼ੀਆ ’ਚ ਸਭ ਤੋਂ ਵਧੀਆ ਹੈ। ਇਸ ਇਤਿਹਾਸਕ ਦਿਨ ’ਤੇ ਮਹਿਜ਼ 30 ਮਿੰਟਾਂ ਦੇ ਅੰਦਰ-ਅੰਦਰ ਦੋ ਕੌਮੀ ਰਿਕਾਰਡ ਟੁੱਟਦੇ ਦੇਖੇ ਗਏ।

ਤਾਮਿਲ ਨਾਡੂ ਦੀ ਨੁਮਾਇੰਦਗੀ ਕਰ ਰਹੇ 22 ਸਾਲਾ ਵਿਸ਼ਾਲ ਨੇ ਅੱਜ 44.98 ਸਕਿੰਟ ਦੀ ਸ਼ਾਨਦਾਰ ਦੌੜ ਲਾ ਕੇ ਆਪਣੇ ਰੁਤਬੇ ਨੂੰ ਹੋਰ ਮਜ਼ਬੂਤ ਕੀਤਾ ਅਤੇ 45 ਸਕਿੰਟ ਤੋਂ ਘੱਟ ਦਾ ਸਮਾਂ ਕੱਢਣ ਵਾਲਾ ਪਹਿਲਾ ਭਾਰਤੀ ਬਣ ਗਿਆ। ਤਾਮਿਲ ਨਾਡੂ ਦੇ ਇੱਕ ਹੋਰ ਐਥਲੀਟ ਰਾਜੇਸ਼ ਰਮੇਸ਼ ਨੇ 45.31 ਸਕਿੰਟ ਦਾ ਸਮਾਂ ਕੱਢ ਕੇ ਦੂਜਾ ਸਥਾਨ ਹਾਸਲ ਕੀਤਾ, ਜਦੋਂ ਕਿ ਉੱਤਰ ਪ੍ਰਦੇਸ਼ ਦਾ ਜੈ ਕੁਮਾਰ 45.47 ਸਕਿੰਟ ਨਾਲ ਤੀਜੇ ਸਥਾਨ ’ਤੇ ਰਿਹਾ।