Mohammad Ashfaq ਨੇ 400 ਮੀਟਰ ਦੌੜ ’ਚ ਕੌਮੀ ਰਿਕਾਰਡ ਤੋੜਿਆ

19 ਸਾਲਾ ਅਸ਼ਫਾਕ ਨੇ ਪਹਿਲੇ ਦੌਰ ਦੀ ਹੀਟ ਪੰਜ ਵਿੱਚ 45.81 ਸਕਿੰਟ ਦਾ ਸਮਾਂ ਲਿਆ। ਉਹ ਆਪਣੀ ਹੀਟ ਵਿੱਚ ਅਮਰੀਕਾ ਦੇ ਜੇਡਨ ਡੀ ਲੋਨ (45.63 ਸਕਿੰਟ) ਤੋਂ ਬਾਅਦ ਦੂਜੇ ਸਥਾਨ ’ਤੇ ਰਿਹਾ। ਉਸ ਨੇ ਕੁੱਲ ਮਿਲਾ ਕੇ ਚੌਥੇ ਸਥਾਨ ’ਤੇ ਰਹਿ ਕੇ ਸੈਮੀਫਾਈਨਲ ਵਿੱਚ ਥਾਂ ਬਣਾਈ। ਅਸ਼ਫਾਕ ਨੇ ਇਸੇ ਸਾਲ ਅਪਰੈਲ ਵਿੱਚ ਬਣਾਇਆ ਆਪਣਾ ਪਿਛਲਾ ਕੌਮੀ ਰਿਕਾਰਡ (46.05 ਸਕਿੰਟ) ਬਿਹਤਰ ਕੀਤਾ। ਭਾਰਤ ਦਾ ਇੱਕ ਹੋਰ ਖਿਡਾਰੀ ਪਿਊਸ਼ ਰਾਜ ਹੀਟ ਛੇ ਵਿੱਚ 47.78 ਸਕਿੰਟ ਦੇ ਸਮੇਂ ਨਾਲ ਪੰਜਵੇਂ ਅਤੇ ਕੁੱਲ ਮਿਲਾ ਕੇ 35ਵੇਂ ਸਥਾਨ ’ਤੇ ਰਹਿਣ ਤੋਂ ਬਾਅਦ ਅੱਗੇ ਨਹੀਂ ਵਧ ਸਕਿਆ।

ਮਹਿਲਾਵਾਂ ਦੇ ਡਿਸਕਸ ਥਰੋਅ ਦੇ ਫਾਈਨਲ ਵਿੱਚ 18 ਸਾਲਾ ਕੰਬੋਜ ਨੇ ਆਪਣੇ ਪਹਿਲੇ ਯਤਨ ਵਿੱਚ 53.24 ਮੀਟਰ ਦਾ ਥਰੋਅ ਕੀਤਾ ਜਿਸ ਨਾਲ ਉਹ ਛੇਵੇਂ ਸਥਾਨ ’ਤੇ ਰਹੀ। ਚੀਨ ਦੀ ਸੂ ਯਿਕਸਿਨ ਨੇ 61.06 ਮੀਟਰ ਨਾਲ ਸੋਨ ਤਗ਼ਮਾ ਜਿੱਤਿਆ। ਪੁਰਸ਼ਾਂ ਦੇ ਉੱਚੀ ਛਾਲ ਮੁਕਾਬਲੇ ਵਿੱਚ ਬਸੰਤ ਨੇ ਕੁਆਲੀਫਾਈਂਗ ਰਾਊਂਡ ਗਰੁੱਪ ‘ਏ’ ਵਿੱਚ 2.14 ਮੀਟਰ ਦੀ ਸਰਵੋਤਮ ਛਾਲ ਨਾਲ ਪੰਜਵਾਂ ਅਤੇ ਕੁੱਲ ਮਿਲਾ ਕੇ 11ਵਾਂ ਸਥਾਨ ਹਾਸਿਲ ਕਰਨ ਤੋਂ ਬਾਅਦ ਫਾਈਨਲ ਲਈ ਕੁਆਲੀਫਾਈ ਕੀਤਾ।