ਆਈਪੀਐੱਲ 26 ਮਾਰਚ ਤੋਂ 31 ਮਈ ਵਿਚਾਲੇ ਖੇਡਿਆ ਜਾਵੇਗਾ
ਆਈਪੀਐਲ 2026 ਲਈ ਅਬੂ ਧਾਬੀ ਵਿਚ ਮਿੰਨੀ ਨਿਲਾਮੀ ਅੱਜ
ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦਾ ਅਗਲਾ ਸੀਜ਼ਨ 26 ਮਾਰਚ ਤੋਂ 31 ਮਈ (ਟੂਰਨਾਮੈਂਟ ਲਈ ਨਿਰਧਾਰਤ ਸਮਾਂ) ਵਿਚਕਾਰ ਹੋਵੇਗਾ, ਪਰ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਰਾਇਲ ਚੈਲੇਂਜਰਜ਼ ਬੰਗਲੌਰ (ਆਰਸੀਬੀ) ਆਪਣੇ ਘਰੇਲੂ ਮੈਦਾਨ, ਬੰਗਲੁਰੂ ਵਿੱਚ ਟੂਰਨਾਮੈਂਟ ਦੇ ਪਹਿਲੇ ਮੈਚ ਦੀ ਮੇਜ਼ਬਾਨੀ ਕਰ ਸਕੇਗਾ। ਨਿਯਮਾਂ ਅਨੁਸਾਰ, ਐੱਮ ਚਿੰਨਾਸਵਾਮੀ ਸਟੇਡੀਅਮ ਨੂੰ ਟੂਰਨਾਮੈਂਟ ਦੇ ਪਹਿਲੇ ਮੈਚ ਦੀ ਮੇਜ਼ਬਾਨੀ ਕਰਨ ਦਾ ਮੌਕਾ ਦਿੱਤਾ ਜਾਣਾ ਚਾਹੀਦਾ ਹੈ ਕਿਉਂਕਿ ਘਰੇਲੂ ਟੀਮ ਆਰਸੀਬੀ ਨੇ ਆਈਪੀਐਲ 2025 ਦਾ ਖਿਤਾਬ ਜਿੱਤਿਆ ਸੀ। ਹਾਲਾਂਕਿ ਕਰਨਾਟਕ ਰਾਜ ਸਰਕਾਰ ਵੱਲੋਂ ਇਸ ਸਬੰਧੀ ਲੋੜੀਂਦੀ ਪ੍ਰਵਾਨਗੀ ਦਿੱਤੀ ਗਈ ਹੈ, ਪਰ ਇਸ ਸਾਲ ਜੂਨ ਵਿੱਚ ਆਰਸੀਬੀ ਦੇ ਜਿੱਤ ਦੇ ਜਸ਼ਨ ਦੌਰਾਨ ਭਗਦੜ ਵਿੱਚ 11 ਪ੍ਰਸ਼ੰਸਕਾਂ ਦੀ ਮੌਤ ਤੋਂ ਬਾਅਦ ਇਸ ਨੂੰ ਲੋੜੀਂਦੇ ਸੁਰੱਖਿਆ ਮਾਪਦੰਡਾਂ ਨੂੰ ਵੀ ਪੂਰਾ ਕਰਨਾ ਹੋਵੇਗਾ। ਆਈਪੀਐਲ 2026 ਲਈ ਮਿੰਨੀ ਨਿਲਾਮੀ ਅੱਜ ਅਬੂ ਧਾਬੀ ਵਿੱਚ ਹੋਵੇਗੀ, ਜਿਸ ਵਿੱਚ ਤਿੰਨ ਵਾਰ ਦੀ ਚੈਂਪੀਅਨ ਕੋਲਕਾਤਾ ਨਾਈਟ ਰਾਈਡਰਜ਼ ਦੀ ਟੀਮ ਸਭ ਤੋਂ ਵੱਧ ਰਾਸ਼ੀ ਨਾਲ ਨਿਲਾਮੀ ਵਿੱਚ ਦਾਖਲ ਹੋਵੇਗੀ।
