IPL: ਦੋ ਪਲੇਅਆਫ ਮੈਚਾਂ ਦੀ ਮੇਜ਼ਬਾਨੀ ਕਰੇਗਾ New Chandigarhਦਾ ਸਟੇਡੀਅਮ

ਪੀ ਸੀ ਏ ਦੇ ਆਨਰੇਰੀ ਸਕੱਤਰ ਸੰਸਦ ਮੈਂਬਰ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਦੱਸਿਆ ਕਿ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਨੂੰ ਇੰਡੀਅਨ ਪ੍ਰੀਮੀਅਰ ਲੀਗ-2026 ਸੀਜ਼ਨ ਦੇ ਦੋ ਅਹਿਮ ਪਲੇਅਆਫ ਮੈਚ ਦਿੱਤੇ ਗਏ ਹਨ। ਇਨ੍ਹਾਂ ਵਿੱਚ ਇੱਕ ਪ੍ਰਮੁੱਖ ਐਲਿਮੀਨੇਟਰ ਅਤੇ ਦੂਜਾ ਕੁਆਲੀਫਾਇਰ ਮੈਚ ਹੋਵੇਗਾ, ਜਿਹੜੇ ਕਿ ਕ੍ਰਮਵਾਰ 27 ਅਤੇ 29 ਮਈ ਨੂੰ ਨਿਊ ਚੰਡੀਗੜ੍ਹ ਦੇ ਸਟੇਡੀਅਮ ਵਿੱਚ ਖੇਡੇ ਜਾਣਗੇ। ਮੀਤ ਹੇਅਰ ਨੇ ਦੱਸਿਆ ਕਿ 27 ਮਈ ਨੂੰ ਹੋਣ ਵਾਲਾ ਮੈਚ ਤੀਜੇ ਅਤੇ ਚੌਥੇ ਸਥਾਨ ’ਤੇ ਰਹਿਣ ਵਾਲੀਆਂ ਟੀਮਾਂ ਵਿਚਕਾਰ ਹੋਵੇਗਾ, ਜਦੋਂ ਕਿ 29 ਮਈ ਨੂੰ ਹੋਣ ਵਾਲਾ ਮੈਚ ਐਲਿਮੀਨੇਟਰ ਦੀ ਜੇਤੂ ਟੀਮ ਅਤੇ ਕੁਆਲੀਫਾਇਰ ਇੱਕ ਮੈਚ ਹਾਰਨ ਵਾਲੀ ਟੀਮ ਵਿਚਕਾਰ ਹੋਵੇਗਾ। ਮੀਤ ਹੇਅਰ ਨੇ ਦੱਸਿਆ ਕਿ ਪੀ ਸੀ ਏ ਨੇ ਆਈ ਪੀ ਐੱਲ ਦੇ ਚਾਲੂ ਸੀਜ਼ਨ ਦੇ ਚਾਰ ਲੀਗ ਮੈਚ ਸਫਲਤਾਪੂਰਵਕ ਕਰਵਾਏ ਹਨ।

ਮੀਤ ਹੇਅਰ ਨੇ ਭਰੋਸਾ ਪ੍ਰਗਟਾਇਆ ਕਿ ਪੰਜਾਬ ਕਿੰਗਜ਼ ਟੀਮ ਜਿਸ ਨੇ ਹੁਣ ਤੱਕ ਆਈ ਪੀ ਐੱਲ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ, ਖ਼ਿਤਾਬ ਲਈ ਮਜ਼ਬੂਤ ਦਾਅਵੇਦਾਰ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਲੀਗ ਮੈਚਾਂ ਦੀ ਸਫਲਤਾ ਤੋਂ ਉਤਸ਼ਾਹਿਤ ਪੀ ਸੀ ਏ ਹੁਣ 27 ਮਈ ਨੂੰ ਐਲਿਮੀਨੇਟਰ ਅਤੇ 29 ਮਈ ਨੂੰ ਕੁਆਲੀਫਾਇਰ-2 ਦੀ ਮੇਜ਼ਬਾਨੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।