India Sri Lanka Test: ਤੀਜੇ ਦਿਨ ਦੀ ਖੇਡ ਖ਼ਤਮ ਹੋਣ ਤੱਕ ਸ੍ਰੀਲੰਕਾ ਦੀਆਂ 8 ਵਿਕਟਾਂ ਦੇ ਨੁਕਸਾਨ ’ਤੇ 265 ਦੌੜਾਂ
ਸ੍ਰੀਲੰਕਾ ਦੀ ਟੀਮ ਹਾਲੇ ਵੀ ਭਾਰਤ ਦੇ ਪਹਿਲੀ ਪਾਰੀ ਦੇ ਸਕੋਰ ਨਾਲੋਂ 238 ਦੌੜਾਂ ਪਿੱਛੇ
India Sri Lanka Test: ਕੋਲੰਬੋ ਵਿੱਚ ਖੇਡੇ ਜਾ ਰਹੇ ਦੂਜੇ ਅਤੇ ਆਖਰੀ ਟੈਸਟ ਮੈਚ ਦੇ ਤੀਜੇ ਦਿਨ ਮੀਂਹ ਪੈਣ ਕਾਰਨ ਖੇਡ ਰੁਕ ਗਈ ਤੇ ਸ੍ਰੀਲੰਕਾ ਨੇ 8 ਵਿਕਟਾਂ ਦੇ ਨੁਕਸਾਨ 'ਤੇ 265 ਦੌੜਾਂ ਬਣਾ ਲਈਆਂ ਹਨ। ਮੀਂਹ ਨਾ ਰੁਕਣ ਕਾਰਨ ਤੀਜੇ ਦਿਨ ਦੀ ਖੇਡ ਜਲਦੀ ਸਮਾਪਤ ਕਰਨੀ ਪਈ।
ਇਸ ਤੋਂ ਪਹਿਲਾਂ ਭਾਰਤ ਨੇ ਆਪਣੀ ਪਹਿਲੀ ਪਾਰੀ 9 ਵਿਕਟਾਂ 'ਤੇ 503 ਦੌੜਾਂ ਬਣਾ ਕੇ ਐਲਾਨ ਦਿੱਤੀ ਸੀ। ਇਸ ਤਰ੍ਹਾਂ ਸ੍ਰੀਲੰਕਾ ਦੀ ਟੀਮ ਅਜੇ ਵੀ ਭਾਰਤ ਦੇ ਸਕੋਰ ਨਾਲੋਂ 238 ਦੌੜਾਂ ਪਿੱਛੇ ਹੈ ਅਤੇ ਮੈਚ ਦੇ ਤੀਜੇ ਦਿਨ ਜਦੋਂ ਖੇਡ ਰੁਕੀ ਤਾਂ ਸੋਨਲ ਦਿਨੁਸ਼ਾ 85 ਦੌੜਾਂ ਅਤੇ ਲਾਹਿਰੂ ਕੁਮਾਰਾ 8 ਦੌੜਾਂ ਬਣਾ ਕੇ ਕਰੀਜ਼ 'ਤੇ ਮੌਜੂਦ ਸਨ। ਭਾਰਤ ਵੱਲੋਂ ਗੇਂਦਬਾਜ਼ੀ ਕਰਦਿਆਂ ਪ੍ਰਸਿਧ ਕ੍ਰਿਸ਼ਨਾ ਅਤੇ ਮਾਨਵ ਸੁਥਾਰ ਨੇ ਸ਼ੁਰੂਆਤ ਵਿੱਚ ਹੀ ਸ੍ਰੀਲੰਕਾਈ ਬੱਲੇਬਾਜ਼ਾਂ 'ਤੇ ਦਬਾਅ ਬਣਾ ਦਿੱਤਾ ਜਿਸ ਤੋਂ ਬਾਅਦ ਘਰੇਲੂ ਟੀਮ ਸੰਭਲ ਨਹੀਂ ਸਕੀ। ਇਸ ਤੋਂ ਪਹਿਲਾਂ ਦਿਨੁਸ਼ਾ ਨੇ ਟੀਮ ਦੀ ਪਾਰੀ ਨੂੰ ਅੱਗੇ ਵਧਾਉਣ ਲਈ ਬਹੁਤ ਸੰਘਰਸ਼ ਕੀਤਾ।
ਸ੍ਰੀਲੰਕਾ ਵੱਲੋਂ ਸੋਨਲ ਦਿਨੁਸ਼ਾ ਤੋਂ ਇਲਾਵਾ ਪਸੀਦੂ ਸੂਰੀਆਬੰਦਾਰਾ ਨੇ ਵੀ 80 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਅਤੇ ਟੀਮ ਲਈ ਵੱਡਾ ਯੋਗਦਾਨ ਪਾਇਆ। ਭਾਰਤ ਨੇ ਆਪਣੀ ਪਹਿਲੀ ਪਾਰੀ ਵਿੱਚ 9 ਵਿਕਟਾਂ 'ਤੇ 503 ਦੌੜਾਂ ਬਣਾ ਕੇ ਪਾਰੀ ਐਲਾਨ ਕੀਤੀ ਸੀ, ਜਦਕਿ ਸ੍ਰੀਲੰਕਾ ਨੇ ਆਪਣੀ ਪਹਿਲੀ ਪਾਰੀ ਵਿੱਚ 83.4 ਓਵਰਾਂ ਵਿੱਚ 8 ਵਿਕਟਾਂ ਦੇ ਨੁਕਸਾਨ 'ਤੇ 265 ਦੌੜਾਂ ਬਣਾ ਲਈਆਂ ਹਨ। ਸ੍ਰੀਲੰਕਾ ਲਈ ਸੋਨਲ ਦਿਨੁਸ਼ਾ ਨੇ ਨਾਬਾਦ 85 ਦੌੜਾਂ ਅਤੇ ਪਸੀਦੂ ਸੂਰੀਆਬੰਦਾਰਾ ਨੇ 80 ਦੌੜਾਂ ਬਣਾਈਆਂ। ਭਾਰਤ ਵੱਲੋਂ ਗੇਂਦਬਾਜ਼ੀ ਵਿੱਚ ਪ੍ਰਸਿਧ ਕ੍ਰਿਸ਼ਨਾ ਨੇ 3 ਅਤੇ ਮਾਨਵ ਸੁਥਾਰ ਨੇ ਵੀ 3 ਵਿਕਟਾਂ ਹਾਸਲ ਕੀਤੀਆਂ।
