ਹਾਕੀ: ਜਰਮਨੀ ਨੇ ਦੱਖਣੀ ਅਫ਼ਰੀਕਾ ਨੂੰ 4-0 ਨਾਲ ਹਰਾਇਆ

ਇੱਥੇ ਸ਼ੁਰੂ ਹੋਏ ਐੱਫ਼ ਆਈ ਐੱਚ ਪੁਰਸ਼ਾਂ ਦੇ ਜੂਨੀਅਰ ਹਾਕੀ ਵਿਸ਼ਵ ਕੱਪ ਵਿੱਚ ਜਰਮਨੀ ਨੇ ਦੱਖਣੀ ਅਫ਼ਰੀਕਾ ਨੂੰ 4-0 ਨਾਲ ਹਰਾਇਆ ਹੈ। ਟੂਰਨਾਮੈਂਟ ਵਿੱਚ ਸੱਤ ਵਾਰ ਦੀ ਜੇਤੂ ਜਰਮਨੀ ਲਈ ਜਸਟਸ ਵਾਰਵੇਗ ਨੇ 19ਵੇਂ ਤੇ 56ਵੇਂ ਮਿੰਟ ’ਤੇ ਦੋ ਗੋਲ...

PTI

ਮਦੁਰਾਈ, 04:44 AM Nov 29, 2025 IST

ਮੈਚ ਦੌਰਾਨ ਜਰਮਨੀ ਤੇ ਦੱਖਣੀ ਅਫ਼ਰੀਕੀ ਦੇ ਖਿਡਾਰੀ ਇੱਕ-ਦੂਜੇ ਤੋਂ ਗੇਂਦ ਖੋਹਣ ਦੀ ਕੋਸ਼ਿਸ਼ ਕਰਦੇ ਹੋਏ। -ਫ਼ੋਟੋ: ਪੀਟੀਆਈ

ਇੱਥੇ ਸ਼ੁਰੂ ਹੋਏ ਐੱਫ਼ ਆਈ ਐੱਚ ਪੁਰਸ਼ਾਂ ਦੇ ਜੂਨੀਅਰ ਹਾਕੀ ਵਿਸ਼ਵ ਕੱਪ ਵਿੱਚ ਜਰਮਨੀ ਨੇ ਦੱਖਣੀ ਅਫ਼ਰੀਕਾ ਨੂੰ 4-0 ਨਾਲ ਹਰਾਇਆ ਹੈ। ਟੂਰਨਾਮੈਂਟ ਵਿੱਚ ਸੱਤ ਵਾਰ ਦੀ ਜੇਤੂ ਜਰਮਨੀ ਲਈ ਜਸਟਸ ਵਾਰਵੇਗ ਨੇ 19ਵੇਂ ਤੇ 56ਵੇਂ ਮਿੰਟ ’ਤੇ ਦੋ ਗੋਲ ਕੀਤੇ। ਬੇਨ ਹੈਸਬੈਕ ਨੇ 43ਵੇਂ ਮਿੰਟ ’ਤੇ ਅਤੇ ਪੌਲ ਗਲੈਂਡਰ ਨੇ 44ਵੇਂ ਮਿੰਟ ’ਤੇ ਦੋ ਪੈਨਲਟੀ ਕਾਰਨਰਾਂ ਰਾਹੀਂ ਗੋਲ ਕੀਤੇ। ਇਸ ਤੋਂ ਇਲਾਵਾ ਪੂਲ ‘ਏ’ ਦੇ ਪਹਿਲੇ ਮੈਚ ਵਿੱਚ ਆਇਰਲੈਂਡ ਨੇ ਕੈਨੇਡਾ ਨੂੰ 4-3 ਨਾਲ ਹਰਾਇਆ। ਪੂਲ ‘ਡੀ’ ਦੇ ਮੈਚ ਵਿੱਚ ਸਪੇਨ ਨੇ ਮਿਸਰ ਨੂੰ 8-0 ਨਾਲ ਕਰਾਰੀ ਹਾਰ ਦਿੱਤੀ। ਇੱਕ ਹੋਰ ਮੈਚ ਵਿੱਚ ਬੈਲਜੀਅਮ ਨੇ ਨਮੀਬੀਆ ਨੂੰ 12-1 ਨਾਲ ਬੁਰੀ ਤਰ੍ਹਾਂ ਹਰਾਇਆ। ਟੂਰਨਾਮੈਂਟ 28 ਨਵੰਬਰ ਤੋਂ 10 ਦਸੰਬਰ ਤੱਕ ਚੱਲੇਗਾ। ਚੇਨਈ ਤੇ ਮਦੁਰਾਈ ਵੱਲੋਂ ਇਸ ਟੂਰਨਾਮੈਂਟ ਦੀ ਮੇਜ਼ਬਾਨੀ ਕੀਤੀ ਜਾ ਰਹੀ ਹੈ।