Gurindervir Singh 100 ਮੀਟਰ ਦੇ ਸੈਮੀ ਫਾਈਨਲ ’ਚ ਪਹੁੰਚਣ ਤੋਂ ਖੁੰਝਿਆ

10 ਸਕਿੰਟ ਦਾ ਅੰਕੜਾ ਪਾਰ ਕਰਨ ਵਾਲਾ ਪਹਿਲਾ ਭਾਰਤੀ ਬਣਨ ਦੇ ਇਰਾਦੇ ਨਾਲ ਗਲਾਸਗੋ ਪੁੱਜੇ 25 ਸਾਲਾ ਇਸ ਖਿਡਾਰੀ ਦਾ ਪ੍ਰਦਰਸ਼ਨ ਉਸ ਦੇ ਸਰਬੋਤਮ ਪ੍ਰਦਰਸ਼ਨ ਨਾਲੋਂ ਕਾਫੀ ਹੇਠਾਂ ਰਿਹਾ। ਪੰਜਵੇਂ ਲੇਨ ਤੋਂ ਹੀਟ 4 ਵਿੱਚ ਦੌੜਦਿਆਂ, ਪੰਜਾਬ ਦੇ ਇਸ ਦੌੜਾਕ ਨੇ ਚੰਗੀ ਸ਼ੁਰੂਆਤ ਕੀਤੀ ਅਤੇ ਜਮਾਇਕਾ ਦੇ ਰੋਹਨ ਵਾਟਸਨ ਦੇ ਨੇੜੇ ਰਿਹਾ, ਪਰ ਆਖ਼ਰੀ 30-35 ਮੀਟਰ ਵਿੱਚ ਪਛੜ ਗਿਆ। ਵਾਟਸਨ ਨੇ 10.13 ਸਕਿੰਟ ਵਿੱਚ ਹੀਟ ਜਿੱਤ ਲਈ, ਗੁਰਿੰਦਰਵੀਰ ਦੂਜੇ ਸਥਾਨ ’ਤੇ ਰਿਹਾ। ਵਾਟਸਨ ਕੁੱਲ ਮਿਲਾ ਕੇ ਨੌਵੇਂ ਸਥਾਨ ’ਤੇ ਰਿਹਾ ਅਤੇ ਮੰਗਲਵਾਰ ਨੂੰ ਹੋਣ ਵਾਲੇ ਸੈਮੀ ਫਾਈਨਲ ਵਿੱਚ ਪਹੁੰਚ ਗਿਆ।

ਸ਼ੁਰੂਆਤੀ ਗੇੜ ਵਿੱਚੋਂ 17 ਐਥਲੀਟ ਅੱਗੇ ਵਧੇ, ਸੱਤ ਐਥਲੀਟਾਂ ਨੂੰ ਪਹਿਲਾਂ ਹੀ ਬਾਈ ਮਿਲ ਚੁੱਕੇ ਸਨ। ਗੁਰਿੰਦਰਵੀਰ ਅਨੁਕੂਲ ਹਾਲਾਤ ਨੂੰ ਤੇਜ਼ ਸਮੇਂ ਵਿੱਚ ਨਹੀਂ ਬਦਲ ਸਕਿਆ। ਉਸ ਦਾ 10.39 ਸਕਿੰਟ ਦਾ ਸਮਾਂ ਉਸ ਦੇ 10.09 ਸਕਿੰਟ ਦੇ ਸਰਬੋਤਮ ਸਮੇਂ ਤੋਂ ਬਹੁਤ ਦੂਰ ਸੀ ਜੋ ਉਸ ਨੇ ਮਈ ਵਿੱਚ ਰਾਂਚੀ ਵਿੱਚ ਫੈਡਰੇਸ਼ਨ ਕੱਪ ਵਿੱਚ ਕੌਮੀ ਰਿਕਾਰਡ ਬਣਾਉਂਦਿਆਂ ਹਾਸਲ ਕੀਤਾ ਸੀ, ਜਦੋਂ ਉਹ 10.10 ਸਕਿੰਟ ਤੋਂ ਘੱਟ ਸਮੇਂ ਵਿੱਚ ਦੌੜਨ ਵਾਲਾ ਪਹਿਲਾ ਭਾਰਤੀ ਬਣਿਆ ਸੀ।

ਘਾਨਾ ਦੀ ਜੋੜੀ ਬੈਂਜਾਮਿਨ ਅਜ਼ਮਾਤੀ ਅਤੇ ਅਬਦੁਲ-ਰਸ਼ੀਦ ਸਮੀਨੂ ਨੇ ਕ੍ਰਮਵਾਰ 10.00 ਸਕਿੰਟ ਅਤੇ 10.01 ਸਕਿੰਟ ਦੇ ਨਾਲ ਚੋਟੀ ਦੇ ਦੋ ਕੁਆਲੀਫਾਈਂਗ ਸਥਾਨ ਹਾਸਲ ਕੀਤੇ।