Gulveer Singh ਨੇ ਲੰਮੀ ਦੌੜ ’ਚ Silver Medal ਜਿੱਤਿਆ
ਰਾਸ਼ਟਰਮੰਡਲ ਖੇਡਾਂ ਦੇ ਇਸ ਮੁਕਾਬਲੇ ਵਿੱਚ ਪੋਡੀਅਮ ’ਤੇ ਪਹੁੰਚਣ ਵਾਲਾ ਪਹਿਲਾ ਭਾਰਤੀ ਬਣਿਆ
ਲੰਮੀ ਦੂਰੀ ਦਾ ਸਟਾਰ ਦੌੜਾਕ ਗੁਲਵੀਰ ਸਿੰਘ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਪੁਰਸ਼ਾਂ ਦੀ 10,000 ਮੀਟਰ ਦੌੜ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਇਤਿਹਾਸ ਸਿਰਜ ਦਿੱਤਾ। ਏਸ਼ੀਅਨ ਖੇਡਾਂ ਦਾ ਕਾਂਸੀ ਤਗ਼ਮਾ ਜੇਤੂ ਗੁਲਵੀਰ ਸਿੰਘ ਰਾਸ਼ਟਰਮੰਡਲ ਖੇਡਾਂ ਦੇ ਇਸ ਮੁਕਾਬਲੇ ਵਿੱਚ ਪੋਡੀਅਮ ’ਤੇ ਪਹੁੰਚਣ ਵਾਲਾ ਪਹਿਲਾ ਭਾਰਤੀ ਬਣ ਗਿਆ ਹੈ।
ਲਗਾਤਾਰ ਪੈ ਰਹੇ ਮੀਂਹ ਅਤੇ ਪਾਣੀ ਨਾਲ ਭਰੇ ਟਰੈਕ ਦਾ ਮੁਕਾਬਲਾ ਕਰਦਿਆਂ, ਗੁਲਵੀਰ ਨੇ ਕਮਾਲ ਦੀ ਹਿੰਮਤ ਅਤੇ ਰਣਨੀਤਕ ਸੂਝ-ਬੂਝ ਦਾ ਪ੍ਰਦਰਸ਼ਨ ਕੀਤਾ। ਉਹ ਪੂਰੇ ਸਮੇਂ ਤੱਕ ਮੋਹਰੀ ਦੌੜਾਕਾਂ ਦੇ ਨਾਲ ਰਿਹਾ ਅਤੇ ਆਖ਼ਰੀ ਗੇੜਾਂ ਵਿੱਚ ਜ਼ੋਰਦਾਰ ਰਫ਼ਤਾਰ ਫੜ ਕੇ ਆਪਣੇ ਆਪ ਨੂੰ ਤਗ਼ਮੇ ਦੀ ਦੌੜ ਵਿੱਚ ਲੈ ਆਇਆ।
ਭਾਰਤੀ ਲੰਮੀ ਦੂਰੀ ਦੇ ਇਸ ਦੌੜਾਕ ਨੇ 27.49.78 ਦਾ ਸਮਾਂ ਕੱਢ ਕੇ ਆਸਟਰੇਲੀਆ ਦੇ ਕੀ ਰੌਬਿਨਸਨ ਤੋਂ ਸਿਰਫ਼ 0.85 ਸਕਿੰਟ ਪਿੱਛੇ ਰਹਿੰਦਿਆਂ ਦੂਜਾ ਸਥਾਨ ਹਾਸਲ ਕੀਤਾ, ਜਿਸ ਨੇ 27.48.93 ਵਿੱਚ ਸੋਨ ਤਗ਼ਮਾ ਜਿੱਤਿਆ। ਗੁਲਵੀਰ ਨੇ ਆਪਣੀ ਸ਼ਾਨਦਾਰ ਦੌੜ ਸਦਕਾ ਕਈ ਨਾਮੀ ਖਿਡਾਰੀਆਂ ਨੂੰ ਪਿੱਛੇ ਛੱਡ ਦਿੱਤਾ। ਕੌਮੀ ਰਿਕਾਰਡ ਹਾਸਲ ਕਰਨ ਵਾਲੇ ਵਿਸ਼ਾਲ ਟੀ ਕੇ ਨੇ ਪੁਰਸ਼ਾਂ ਦੀ 400 ਮੀਟਰ ਦੌੜ ਵਿੱਚ ਸੰਤੁਲਿਤ ਕੁਆਲੀਫਾਈੰਗ ਦੌੜ ਦੇ ਜ਼ਰੀਏ ਸੈਮੀ ਫਾਈਨਲ ਵਿੱਚ ਪਹੁੰਚ ਕੇ ਭਾਰਤ ਦੀਆਂ ਤਗ਼ਮੇ ਦੀਆਂ ਆਸਾਂ ਨੂੰ ਕਾਇਮ ਰੱਖਿਆ।
