Glasgow Commonwealth Games 2026: ਗਲਾਸਗੋ ਕਾਮਨਵੈਲਥ ਗੇਮਜ਼: ਬਿੰਦਿਆਰਾਣੀ ਦੇਵੀ ਨੇ ਕਾਂਸੀ ਦਾ ਤਮਗ਼ਾ ਜਿੱਤਿਆ
Bindyarani Bronze Medal: ਮਹਿਲਾਵਾਂ ਦੇ 58 ਕਿਲੋਗ੍ਰਾਮ ਵਰਗ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ
Glasgow Games Medal: ਗਲਾਸਗੋ ਕਾਮਨਵੈਲਥ ਗੇਮਜ਼ 2026 ਵਿੱਚ ਭਾਰਤੀ ਵੇਟਲਿਫਟਰ ਬਿੰਦਿਆਰਾਣੀ ਦੇਵੀ ਨੇ ਮਹਿਲਾਵਾਂ ਦੇ 58 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਦੇਸ਼ ਲਈ ਕਾਂਸੀ ਦਾ ਤਮਗ਼ਾ ਜਿੱਤਿਆ ਹੈ। ਮਨੀਪੁਰ ਨਾਲ ਸਬੰਧਤ 27 ਸਾਲਾ ਬਿੰਦਿਆਰਾਣੀ ਨੇ ਇਸ ਮੁਕਾਬਲੇ ਵਿੱਚ ਕੁੱਲ 199 ਕਿਲੋਗ੍ਰਾਮ (87 ਕਿਲੋਗ੍ਰਾਮ ਸਨੈਚ + 112 ਕਿਲੋਗ੍ਰਾਮ ਕਲੀਨ ਐਂਡ ਜਰਕ) ਭਾਰ ਚੁੱਕ ਕੇ ਪੋਡੀਅਮ 'ਤੇ ਆਪਣਾ ਸਥਾਨ ਪੱਕਾ ਕੀਤਾ।
ਸਨੈਚ ਰਾਊਂਡ ਵਿੱਚ ਬਿੰਦਿਆਰਾਣੀ ਨੇ 87 ਕਿਲੋਗ੍ਰਾਮ ਭਾਰ ਸਫ਼ਲਤਾਪੂਰਵਕ ਚੁੱਕਿਆ। ਇਸ ਤੋਂ ਬਾਅਦ ਕਲੀਨ ਐਂਡ ਜਰਕ ਵਿੱਚ ਉਸ ਨੇ ਸ਼ੁਰੂਆਤੀ ਮੁਸ਼ਕਲਾਂ ਦੇ ਬਾਵਜੂਦ 112 ਕਿਲੋਗ੍ਰਾਮ ਦਾ ਭਾਰ ਚੁੱਕ ਕੇ ਆਪਣੇ ਲਈ ਤਮਗ਼ਾ ਯਕੀਨੀ ਬਣਾਇਆ।
ਹਾਲਾਂਕਿ ਉਹ 116 ਕਿਲੋਗ੍ਰਾਮ ਚੁੱਕਣ ਦੀ ਆਪਣੀ ਆਖਰੀ ਕੋਸ਼ਿਸ਼ ਵਿੱਚ ਸਫ਼ਲ ਨਹੀਂ ਹੋ ਸਕੀ ਪਰ ਉਸ ਦਾ ਕੁੱਲ ਸਕੋਰ ਕਾਂਸੀ ਦਾ ਤਮਗ਼ਾ ਜਿੱਤਣ ਲਈ ਕਾਫ਼ੀ ਰਿਹਾ।
ਇਸ ਮੁਕਾਬਲੇ ਵਿੱਚ ਨਾਈਜੀਰੀਆ ਦੀ ਖਿਡਾਰਨ ਰਾਫਿਆਟੂ ਫੋਲਾਸ਼ਾਦੇ (Rafiatu Folashade) ਨੇ ਕੁੱਲ 225 ਕਿਲੋਗ੍ਰਾਮ ਭਾਰ ਚੁੱਕ ਕੇ ਸੋਨੇ ਦਾ ਤਮਗ਼ਾ ਜਿੱਤਿਆ ਅਤੇ ਕਾਮਨਵੈਲਥ ਖੇਡਾਂ ਦਾ ਨਵਾਂ ਰਿਕਾਰਡ ਵੀ ਬਣਾਇਆ। ਇਸ ਤੋਂ ਇਲਾਵਾ ਕੈਨੇਡਾ ਦੀ ਐਨ ਸੋਫੀ (Ann Sophie) ਨੇ 215 ਕਿਲੋਗ੍ਰਾਮ ਭਾਰ ਨਾਲ ਚਾਂਦੀ ਦਾ ਤਮਗ਼ਾ ਆਪਣੇ ਨਾਮ ਕੀਤਾ। ਬਿੰਦਿਆਰਾਣੀ ਦੇ ਇਸ ਤਮਗ਼ੇ ਨਾਲ ਗਲਾਸਗੋ ਖੇਡਾਂ ਵਿੱਚ ਭਾਰਤ ਦੀ ਵੇਟਲਿਫਟਿੰਗ ਟੀਮ ਦਾ ਪ੍ਰਦਰਸ਼ਨ ਹੋਰ ਵਧੀਆ ਹੋ ਗਿਆ ਹੈ।
