Duleep Trophy: ਤਿਲਕ ਵਰਮਾ ਨੇ South Zone ਨੂੰ Final ’ਚ ਪਹੁੰਚਾਇਆ

ਦੂਜੇ ਸੈਸ਼ਨ ਦੇ ਅੰਤ ਤੱਕ ਸਾਊਥ ਜ਼ੋਨ ਨੇ 3 ਵਿਕਟਾਂ ’ਤੇ 182 ਦੌੜਾਂ ਬਣਾ ਲਈਆਂ ਸਨ ਅਤੇ ਹੁਣ ਉਹ 6 ਸਤੰਬਰ ਤੋਂ ਚੇਨੱਈ ਵਿੱਚ ਹੋਣ ਵਾਲੇ ਖ਼ਿਤਾਬੀ ਮੁਕਾਬਲੇ ਵਿੱਚ ਈਸਟ ਜ਼ੋਨ ਨਾਲ ਭਿੜਨਗੇ। ਤਿਲਕ ਜਿਸ ਨੇ ਪਹਿਲੀ ਪਾਰੀ ਵਿੱਚ ਨਾਬਾਦ 116 ਦੌੜਾਂ ਬਣਾ ਕੇ ਸਾਊਥ ਜ਼ੋਨ ਨੂੰ 117 ਦੌੜਾਂ ਦੀ ਮੈਚ-ਜੇਤੂ ਲੀਡ ਦਿਵਾਈ ਸੀ, ਉਸ ਸਮੇਂ ਕਰੀਜ਼ ’ਤੇ ਆਇਆ ਜਦੋਂ ਉਸ ਦੀ ਟੀਮ 102 ਦੌੜਾਂ ’ਤੇ ਤਿੰਨ ਵਿਕਟਾਂ ਗੁਆ ਕੇ ਮੁਸ਼ਕਲ ਵਿੱਚ ਸੀ ਪਰ ਇਸ ਖੱਬੂ ਬੱਲੇਬਾਜ਼, ਜੋ ਅਫ਼ਗਾਨਿਸਤਾਨ ਵਿਰੁੱਧ ਆਉਣ ਵਾਲੀ ਟੀ-20 ਲੜੀ ਲਈ ਭਾਰਤ ਦਾ ਉਪ-ਕਪਤਾਨ ਵੀ ਹੈ, ਨੇ ਇੱਕ ਵਾਰ ਫਿਰ ਤੇਜ਼ ਗੇਂਦਬਾਜ਼ ਗੁਰਨੂਰ ਬਰਾੜ ਅਤੇ ਚਲਾਕ ਖੱਬੂ ਸਪਿੰਨਰ ਆਬਿਦ ਮੁਸ਼ਤਾਕ ਦੀ ਅਗਵਾਈ ਵਾਲੇ ਨੌਰਥ ਜ਼ੋਨ ਦੇ ਗੇਂਦਬਾਜ਼ਾਂ ਦਾ ਸਾਹਮਣਾ ਕਰਨ ਲਈ ਸ਼ਾਨਦਾਰ ਸੂਝ-ਬੂਝ ਅਤੇ ਤਕਨੀਕ ਦਾ ਪ੍ਰਦਰਸ਼ਨ ਕੀਤਾ। ਬਰਾੜ ਨੇ ਛਾਤੀ ਨੂੰ ਨਿਸ਼ਾਨਾ ਬਣਾਉਂਦੀਆਂ ਤੇਜ਼ ਗੇਂਦਾਂ ਨਾਲ ਉਸ ਦੇ ਹੌਂਸਲੇ ਦੀ ਪ੍ਰੀਖਿਆ ਲਈ, ਜਦੋਂ ਕਿ ਮੁਸ਼ਤਾਕ ਨੇ ਪਿੱਚ ’ਤੇ ਮੌਜੂਦ ਉਛਾਲ ਦਾ ਫਾਇਦਾ ਉਠਾ ਕੇ ਤਿਲਕ ਦੇ ਫੁਟਵਰਕ ਨੂੰ ਚੁਣੌਤੀ ਦਿੱਤੀ।