ਡਰੈਪਰ ਨੇ ਜੋਕੋਵਿਚ ਨੂੰ ਤਿੰਨ ਸੈੱਟਾਂ ਵਿੱਚ ਹਰਾਇਆ

ਮੌਜੂਦਾ ਚੈਂਪੀਅਨ ਜੈਕ ਡਰੈਪਰ ਨੇ ਬੀ ਐੱਨ ਪੀ ਪਾਰੀਬਾਸ ਓਪਨ ਟੈਨਿਸ ਟੂਰਨਾਮੈਂਟ ਦੇ ਚੌਥੇ ਗੇੜ ਵਿੱਚ ਪੰਜ ਵਾਰ ਦੇ ਚੈਂਪੀਅਨ ਨੋਵਾਕ ਜੋਕੋਵਿਚ ਨੂੰ 4-6, 6-4, 7-6 (5) ਨਾਲ ਹਰਾ ਕੇ ਵੱਡਾ ਉਲਟਫੇਰ ਕੀਤਾ ਹੈ। 24 ਸਾਲਾ ਡਰੈਪਰ ਜੋ ਬਾਂਹ ਦੀ...

AP

ਇੰਡੀਅਨ ਵੈਲਜ਼ (ਅਮਰੀਕਾ), 05:15 AM Mar 13, 2026 IST

ਮੈਚ ਦੌਰਾਨ ਨੋਵਾਕ ਜੋਕੋਵਿਚ ਖ਼ਿਲਾਫ਼ ਸ਼ਾਟ ਮਾਰਦਾ ਹੋਇਆ ਜੈਕ ਡਰੈਪਰ।

ਮੌਜੂਦਾ ਚੈਂਪੀਅਨ ਜੈਕ ਡਰੈਪਰ ਨੇ ਬੀ ਐੱਨ ਪੀ ਪਾਰੀਬਾਸ ਓਪਨ ਟੈਨਿਸ ਟੂਰਨਾਮੈਂਟ ਦੇ ਚੌਥੇ ਗੇੜ ਵਿੱਚ ਪੰਜ ਵਾਰ ਦੇ ਚੈਂਪੀਅਨ ਨੋਵਾਕ ਜੋਕੋਵਿਚ ਨੂੰ 4-6, 6-4, 7-6 (5) ਨਾਲ ਹਰਾ ਕੇ ਵੱਡਾ ਉਲਟਫੇਰ ਕੀਤਾ ਹੈ। 24 ਸਾਲਾ ਡਰੈਪਰ ਜੋ ਬਾਂਹ ਦੀ ਸੱਟ ਕਾਰਨ ਅੱਠ ਮਹੀਨੇ ਖੇਡ ਮੈਦਾਨ ਤੋਂ ਦੂਰ ਰਹਿਣ ਮਗਰੋਂ ਵਾਪਸੀ ਕਰ ਰਿਹਾ ਹੈ, ਹੁਣ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਿਆ ਹੈ। ਕੁਆਰਟਰ ਫਾਈਨਲ ਵਿੱਚ ਡਰੈਪਰ ਦਾ ਸਾਹਮਣਾ ਡੇਨਿਲ ਮੈਦਵੇਦੇਵ ਨਾਲ ਹੋਵੇਗਾ, ਜਿਸ ਨੇ ਐਲੇਕਸ ਮਿਸ਼ੇਲਸਨ ਨੂੰ 6-2, 6-4 ਨਾਲ ਹਰਾ ਕੇ ਅਗਲੇ ਗੇੜ ਵਿੱਚ ਜਗ੍ਹਾ ਬਣਾਈ ਹੈ।

ਭਾਰਤ ਦੇ ਯੂਕੀ ਭਾਂਬਰੀ ਨੇ ਆਪਣੇ ਕਰੀਅਰ ਵਿੱਚ ਪਹਿਲੀ ਵਾਰ ਏ ਟੀ ਪੀ ਮਾਸਟਰਜ਼ 1000 ਦੇ ਸੈਮੀ ਫਾਈਨਲ ਵਿੱਚ ਦਾਖ਼ਲਾ ਪਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਉਸ ਨੇ ਆਪਣੇ ਸਵੀਡਿਸ਼ ਜੋੜੀਦਾਰ ਆਂਦਰੇ ਗੋਰਾਂਸਨ ਨਾਲ ਮਿਲ ਕੇ ਅਲੈਗਜ਼ੈਂਡਰ ਅਰਲਰ ਅਤੇ ਐਂਡਰੀਆ ਵਾਵਾਸੋਰੀ ਦੀ ਜੋੜੀ ਨੂੰ ਹਰਾਇਆ।