ਕ੍ਰਿਕਟ: Eastern Zone ਨੇ 13 Years ਬਾਅਦ Duleep Trophy ਜਿੱਤੀ
ਮੈਚ ਡਰਾਅ ਹੋਣ ਦੇ ਬਾਵਜੂਦ ਦੂਜੀ ਪਾਰੀ ਸਦਕਾ ਲੀਡ 760 ਦੌਡ਼ਾਂ ਤੱਕ ਵਧਾੲੀ
ਪੂਰਬੀ ਖੇਤਰ ਨੇ ਫਾਈਨਲ ਦੇ ਪੰਜਵੇਂ ਅਤੇ ਆਖ਼ਰੀ ਦਿਨ ਅੱਜ ਪਹਿਲੀ ਪਾਰੀ ਦੀ ਵਿਸ਼ਾਲ ਲੀਡ ਦੇ ਆਧਾਰ ’ਤੇ ਦੱਖਣੀ ਖੇਤਰ ਨੂੰ ਹਰਾ ਕੇ, ਪਿਛਲੇ 12 ਸੈਸ਼ਨਾਂ ਦੇ ਆਪਣੇ ਪੂਰੇ ਦਬਦਬੇ ਨੂੰ 13 ਸਾਲਾਂ ਬਾਅਦ ਦਲੀਪ ਕ੍ਰਿਕਟ ਟਰਾਫੀ ਦੀ ਜਿੱਤ ਵਿੱਚ ਬਦਲ ਦਿੱਤਾ। ਮੈਚ ਦੇ ਡਰਾਅ ਹੋਣ ਦੇ ਬਾਵਜੂਦ ਪੂਰਬੀ ਖੇਤਰ ਨੇ ਆਪਣੀ ਦੂਜੀ ਪਾਰੀ ਵਿੱਚ 7 ਵਿਕਟਾਂ ’ਤੇ 388 ਦੌੜਾਂ ਰਾਹੀਂ ਕੁੱਲ ਲੀਡ ਨੂੰ 760 ਦੌੜਾਂ ਤੱਕ ਵਧਾ ਦਿੱਤਾ।
ਮੁਹੰਮਦ ਕੌਨਿਅਨ ਕੁਰੈਸ਼ੀ ਨੇ ਆਪਣੇ ਦੋ ਮੈਚਾਂ ਪੁਰਾਣੇ ਫਸਟ-ਕਲਾਸ ਕਰੀਅਰ ਦਾ ਪਹਿਲਾ ਸੈਂਕੜਾ ਲਾਉਂਦਿਆਂ ਨਾਬਾਦ 116 ਦੌੜਾਂ ਬਣਾਈਆਂ ਅਤੇ ਇਸ ਮੈਚ ਵਿੱਚ ਸੈਂਕੜਾ ਜੜਨ ਵਾਲੇ ਖਿਡਾਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ। ਕੁਰੈਸ਼ੀ ਨੇ ਸੱਤਵੀਂ ਵਿਕਟ ਲਈ ਅਨੁਕੂਲ ਰਾਏ (64) ਨਾਲ 150 ਦੌੜਾਂ ਦੀ ਭਾਈਵਾਲੀ ਕੀਤੀ ਅਤੇ ਖੱਬੂ ਤੇਜ਼ ਗੇਂਦਬਾਜ਼ ਸੀ ਵੀ ਮਿਲਿੰਦ ਦੀ ਗੇਂਦ ’ਤੇ ਦੋ ਦੌੜਾਂ ਲੈ ਕੇ 179 ਗੇਂਦਾਂ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ।
ਬਾਅਦ ਦੁਪਹਿਰ 2.10 ਵਜੇ ਦੋਵਾਂ ਟੀਮਾਂ ਵੱਲੋਂ ਹੱਥ ਮਿਲਾ ਕੇ ਮੈਚ ਡਰਾਅ ਹੋਣ ਦਾ ਐਲਾਨ ਕਰਨ ਤੋਂ ਬਹੁਤ ਪਹਿਲਾਂ ਪੂਰਬੀ ਟੀਮ ਨੇ ਆਪਣੀ ਪਹਿਲੀ ਪਾਰੀ ਵਿੱਚ ਵਿਸ਼ਾਲ 708 ਦੌੜਾਂ ਬਣਾ ਕੇ ਟਰਾਫੀ ’ਤੇ ਕਬਜ਼ਾ ਕਰ ਲਿਆ ਸੀ, ਜਿਸ ਨਾਲ ਉਨ੍ਹਾਂ ਨੇ 372 ਦੌੜਾਂ ਦੀ ਲੀਡ ਹਾਸਲ ਕੀਤੀ ਸੀ। ਪੂਰਬੀ ਖੇਤਰ ਦੀ ਦੂਜੀ ਪਾਰੀ ਮੈਚ ਵਿੱਚ ਉਨ੍ਹਾਂ ਦੇ ਤਾਕਤ ਦੇ ਪ੍ਰਦਰਸ਼ਨ ਦਾ ਸਿਰਫ਼ ਇੱਕ ਅੱਗੇ ਦਾ ਹਿੱਸਾ ਸੀ। ਇਸ਼ਾਨ ਕਿਸ਼ਨ ਦੀ ਕਪਤਾਨੀ ਵਾਲੀ ਟੀਮ ਨੇ ਦਿਨ ਦੀ ਸ਼ੁਰੂਆਤ 5 ਵਿਕਟਾਂ ’ਤੇ 212 ਦੌੜਾਂ ਤੋਂ ਕੀਤੀ ਅਤੇ ਜਿਵੇਂ ਪਹਿਲੀ ਪਾਰੀ ਵਿੱਚ ਹੋਇਆ ਸੀ, ਦੱਖਣੀ ਟੀਮ ਦੇ ਦਿਸ਼ਾ-ਹੀਣ ਗੇਂਦਬਾਜ਼ ਉਨ੍ਹਾਂ ਬਹੁਤਾ ਪ੍ਰੇਸ਼ਾਨ ਨਾ ਕਰ ਸਕੇ।
