Commonwealth Games: ਪ੍ਰੀਤੀ ਤੇ ਅੰਕੁਸ਼ ਸੋਨ ਤਗ਼ਮਿਆਂ ਤੋਂ ਇੱਕ ਕਦਮ ਦੂਰ

ਫਾਈਨਲ ’ਚ ਪ੍ਰੀਤੀ ਸਾਹਮਣੇ ਸਕਾਰਲੈਟ ਡੈਲਗਾਡੋ ਦੀ ਚੁਣੌਤੀ ਹੋਵੇਗੀ। ਕੈਨੇਡਾ ਦੀ ਇਸ ਮੁੱਕੇਬਾਜ਼ ਨੇ ਸੈਮੀ ਫਾਈਨਲ ਵਿੱਚ ਇੰਗਲੈਂਡ ਦੀ ਲੌਰੇਨ ਮੈਕੀ ਨੂੰ 4-1 ਨਾਲ ਹਰਾਇਆ। ਜਿੱਤ ਤੋਂ ਬਾਅਦ ਪ੍ਰੀਤੀ ਨੇ ਕਿਹਾ, ‘‘ਮੈਂ ਬਹੁਤ ਖ਼ੁਸ਼ ਹਾਂ ਕਿ ਜਿਸ ਤਰ੍ਹਾਂ ਤਿਆਰੀ ਕੀਤੀ ਸੀ, ਉਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕਰਨ ’ਚ ਕਾਮਯਾਬ ਰਹੀ। ਹੁਣ ਮੇਰਾ ਧਿਆਨ ਸੋਨ ਤਗ਼ਮਾ ਜਿੱਤਣ ਵੱਲ ਹੈ ਅਤੇ ਮੈਂ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਾਂਗੀ।’’ ਦੂਜੇ ਪਾਸੇ ਅੰਕੁਸ਼ ਨੇ ਵੀ ਸੈਮੀ ਫਾਈਨਲ ’ਚ ਕੈਨੇਡਾ ਦੇ ਜੋਸ਼ੁਆ ਓਫੋਰੀ ਨੂੰ 5-0 ਨਾਲ ਹਰਾ ਕੇ ਫਾਈਨਲ ’ਚ ਥਾਂ ਬਣਾਈ। ਦੋ ਗੇੜ ਦੇ ਮੁਕਾਬਲੇ ’ਚ ਵਿਰੋਧੀ ਖਿਡਾਰੀ ਕੋਲ ਪੰਘਾਲ ਦੇ ਹਮਲਿਆਂ ਦਾ ਕੋਈ ਜਵਾਬ ਨਹੀਂ ਸੀ।

ਇਸੇ ਦੌਰਾਨ ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਨੇ ਵੇਟਲਿਫਟਿੰਗ ’ਚ ਲਵਪ੍ਰੀਤ ਸਿੰਘ ਨੂੰ ਚਾਂਦੀ ਦਾ ਤਗ਼ਮਾ ਜਿੱਤਣ ਅਤੇ ਡਿਸਕਸ ਥਰੋਅ ’ਚ ਸੀਮਾ ਕਾਲੀਰਮਨ ਨੂੰ ਕਾਂਸੀ ਤਗ਼ਮਾ ਜਿੱਤਣ ’ਤੇ ਵਧਾਈ ਦਿੱਤੀ ਹੈ।

ਸੀਮਾ ਕਾਲੀਰਮਨ ਦੀ ਸ਼ਾਨਦਾਰ ਵਾਪਸੀ

ਭਾਰਤ ਦੀ ਸੀਮਾ ਕਾਲੀਰਮਨ ਨੂੰ ਗਰਭ ਧਾਰਨ ਮਗਰੋਂ ਗਠੀਆ ਹੋ ਗਿਆ ਸੀ ਪਰ ਉਸ ਨੇ ਇਸ ਉੱਤੇ ਕਾਬੂ ਪਾਇਆ ਅਤੇ ਪਿਛਲੇ ਸਾਲ ਵਾਪਸੀ ਮਗਰੋਂ ਰਾਸ਼ਟਰਮੰਡਲ ਖੇਡਾਂ ਵਿੱਚ ਬੀਤੇ ਮਹਿਲਾ ਡਿਸਕਸ ਥਰੋਅ ਮੁਕਾਬਲੇ ਵਿੱਚ ਕਾਂਸੀ ਤਗ਼ਮਾ ਜਿੱਤਿਆ ਪਰ ਉਹ ਆਪਣੇ ਨਿੱਜੀ ਸਰਵੋਤਮ ਪ੍ਰਦਰਸ਼ਨ (59.73 ਮੀਟਰ) ਤੋਂ ਮਾਮੂਲੀ ਜਿਹੇ ਫ਼ਰਕ ਨਾਲ ਖੁੰਝ ਗਈ। ਉਸ ਦੀ ਸਾਥੀ ਖਿਡਾਰਨ ਨਿਧੀ ਰਾਣੀ ਇਸੇ ਮੁਕਾਬਲੇ ਵਿੱਚ ਚੌਥੇ ਸਥਾਨ ’ਤੇ ਰਹੀ। ਸੀਮਾ ਨੇ 58.65 ਮੀਟਰ ਦੇ ਆਪਣੇ ਸਰਵੋਤਮ ਯਤਨ ਨਾਲ ਤੀਜਾ ਸਥਾਨ ਹਾਸਲ ਕੀਤਾ।