Ashes Series ਇੰਗਲੈਂਡ 172 ਦੌੜਾਂ ’ਤੇ ਆਲ ਆਊਟ, ਮਿਸ਼ੇਲ ਸਟਾਰਕ ਨੇ 58 ਦੌੜਾਂ ਬਦਲੇੇ 7 ਵਿਕਟਾਂ ਲਈਆਂ

ਮਿਸ਼ੇਲ ਸਟਾਰਕ ਵੱਲੋਂ 58 ਦੌੜਾਂ ਬਦਲੇ ਲਈਆਂ ਸੱਤ ਵਿਕਟਾਂ ਦੀ ਬਦੌਲਤ ਆਸਟਰੇਲੀਆ ਨੇ ਅੱਜ ਇਥੇ ਐਸ਼ੇਜ਼ ਲੜੀ ਦੇ ਪਹਿਲੇ ਟੈਸਟ ਮੈਚ ਦੇ ਪਹਿਲੇ ਦਿਨ ਇੰਗਲੈਂਡ ਦੀ ਪਹਿਲੀ ਪਾਰੀ 172 ਦੌੜਾਂ ’ਤੇ ਸਮੇਟ ਦਿੱਤੀ।

ਇੰਗਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ ਸੀ। ਸਟਾਰਕ ਨੇ ਆਪਣੇ ਪਹਿਲੇ ਪੰਜ ਓਵਰਾਂ ਦੇ ਸਪੈੱਲ ਵਿਚ ਤਿੰਨ ਵਿਕਟਾਂ ਲਈਆਂ, ਜਿਸ ਵਿਚ ਐਸ਼ੇਜ਼ ਦੀ 100ਵੀਂ ਟੈਸਟ ਵਿਕਟ ਵੀ ਸ਼ਾਮਲ ਸੀ।

ਲੰਚ ਮੌਕੇ ਇੰਗਲੈਂਡ ਦਾ ਸਕੋਰ 105/4 ਸੀ। ਜ਼ੈਕ ਕਰੌਲੀ ਤੇ ਜੋਅ ਰੂਟ ਖਾਤਾ ਖੋਲ੍ਹਣ ਵਿਚ ਵੀ ਨਾਕਾਮ ਰਹੇ। ਓਲੀ ਪੋਪ (46) ਤੇ ਹੈਰੀ ਬਰੂਕ (52) ਨੇ 55 ਦੌੜਾਂ ਦੀ ਭਾਈਵਾਲੀ ਕੀਤੀ।

ਹੋਰਨਾਂ ਬੱਲੇਬਾਜ਼ਾਂ ਵਿਚ ਬੈਨ ਡਕੇਟ ਨੇ 21 ਤੇ ਜੇਮੀ ਸਮਿੱਥ ਨੇ 33 ਦੌੜਾਂ ਬਣਾਈਆਂ। ਸਟਾਰਕ ਨੇ 7, ਬਰੈਂਡਨ ਡੌਗੇਟ ਨੇ ਦੋ ਤੇ ਇਕ ਵਿਕਟ ਕੈਮਰੂਨ ਗਰੀਨ ਦੇ ਹਿੱਸੇ ਆਈ। ਆਸਟਰੇਲੀਆ ਨੇ ਘਰੇਲੂ ਸਰਜ਼ਮੀਨ ’ਤੇ ਖੇਡੇ ਆਖਰੀ 15 ਐਸ਼ੇਜ਼ ਟੈਸਟ ਮੈਚਾਂ ਵਿਚੋਂ 13 ਵਿਚ ਜਿੱਤ ਦਰਜ ਕੀਤੀ ਹੈ ਤੇ 2 ਡਰਾਅ ਰਹੇ ਹਨ।