Karan johar ਨੇ ਰਿਸ਼ੀ ਕਪੂਰ ਦੀ ਮੌਤ ਤੋਂ ਬਾਅਦ ਨੀਤੂ ਕਪੂਰ ਨੂੰ ਇੰਝ ਸੰਭਾਲਿਆ...
ਨੀਤੂ ਸਿੰਘ ਨੇ ਦੱਸਿਆ ਕਿ ਕਿਵੇਂ ‘ਵਰਕ ਥੈਰੇਪੀ’ ਅਤੇ ਫਿਲਮ ‘ਦਾਦੀ ਕੀ ਸ਼ਾਦੀ’ ਨੇ ਉਨ੍ਹਾਂ ਨੂੰ ਗ਼ਮ ਵਿੱਚੋਂ ਕੱਢਿਆ ਬਾਹਰ
ਰਿਸ਼ੀ ਕਪੂਰ ਦੇ ਦੇਹਾਂਤ ਤੋਂ ਬਾਅਦ ਨੀਤੂ ਕਪੂਰ ਨੇ ਆਪਣੇ ਜੀਵਨ ਦੇ ਸਭ ਤੋਂ ਔਖੇ ਦੌਰ ਦਾ ਸਾਹਮਣਾ ਕੀਤਾ। ਨੀਤੂ ਨੇ ਖੁਲਾਸਾ ਕੀਤਾ ਕਿ ਰਿਸ਼ੀ ਜੀ ਉਨ੍ਹਾਂ ’ਤੇ ਇੰਨੇ ਨਿਰਭਰ ਸਨ ਕਿ ਉਹ ਇੱਕ ਮਿੰਟ ਵੀ ਉਨ੍ਹਾਂ ਤੋਂ ਬਿਨਾਂ ਨਹੀਂ ਰਹਿ ਸਕਦੇ ਸਨ, ਜਿਸ ਕਾਰਨ ਨੀਤੂ ਨੇ ਫਿਲਮਾਂ ਤੋਂ ਦੂਰੀ ਬਣਾ ਲਈ ਸੀ। ਉਨ੍ਹਾਂ ਦੀ ਮੌਤ ਤੋਂ ਬਾਅਦ, ਨੀਤੂ ਡੂੰਘੇ ਸਦਮੇ ਵਿੱਚ ਚਲੀ ਗਈ ਸੀ, ਜਿੱਥੇ ਉਹ ਕਈ ਰਾਤਾਂ ਸੌਂ ਨਹੀਂ ਸਕਦੀ ਸੀ ਅਤੇ ਉਨ੍ਹਾਂ ਨੂੰ ਸ਼ਰਾਬ ਦਾ ਸਹਾਰਾ ਲੈਣਾ ਪਿਆ।
ਇਸ ਮੁਸ਼ਕਲ ਘੜੀ ਵਿੱਚ ਫਿਲਮ ਮੇਕਰ ਕਰਨ ਜੌਹਰ ਇੱਕ ਮਦਦਗਾਰ ਦੋਸਤ ਵਜੋਂ ਸਾਹਮਣੇ ਆਏ। ਕਰਨ ਨੇ ਹੀ ਨੀਤੂ ਨੂੰ ਦੁਬਾਰਾ ਕੰਮ ਸ਼ੁਰੂ ਕਰਨ ਦੀ ਸਲਾਹ ਦਿੱਤੀ, ਤਾਂ ਜੋ ਉਹ ਆਪਣੇ ਮਨ ਨੂੰ ਰੁਝੇਵਿਆਂ ਵਿੱਚ ਲਗਾ ਸਕਣ ਅਤੇ ਇਸ ਇਕੱਲਤਾ ਵਿੱਚੋਂ ਬਾਹਰ ਨਿਕਲ ਸਕਣ।
ਨੀਤੂ ਕਪੂਰ ਨੇ ਆਪਣੀ ਨਵੀਂ ਫਿਲਮ ‘ਦਾਦੀ ਕੀ ਸ਼ਾਦੀ’ ਰਾਹੀਂ ਪਰਦੇ ’ਤੇ ਵਾਪਸੀ ਕੀਤੀ ਹੈ ਅਤੇ ਉਹ ਇਸ ਨੂੰ ਆਪਣੀ ‘ਵਰਕ ਥੈਰੇਪੀ’ ਮੰਨਦੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਫਿਲਮ ਦੇ ਸੈੱਟ ’ਤੇ ਉਨ੍ਹਾਂ ਨੂੰ 50 ਸਾਲ ਪਹਿਲਾਂ ਫਿਲਮ ‘ਕਭੀ ਕਭੀ’ ਦੀ ਸ਼ੂਟਿੰਗ ਵਾਂਗ ਪਰਿਵਾਰਕ ਮਾਹੌਲ ਮਿਲਿਆ, ਜਿਸ ਨੇ ਉਨ੍ਹਾਂ ਨੂੰ ਮਾਨਸਿਕ ਤੌਰ ’ਤੇ ਬਹੁਤ ਸਕੂਨ ਦਿੱਤਾ।
ਦਿਲਚਸਪ ਗੱਲ ਇਹ ਹੈ ਕਿ ਇਸ ਫਿਲਮ ਰਾਹੀਂ ਉਨ੍ਹਾਂ ਦੀ ਬੇਟੀ ਰਿਧੀਮਾ ਵੀ ਆਪਣਾ ਫਿਲਮੀ ਸਫ਼ਰ ਸ਼ੁਰੂ ਕਰ ਰਹੀ ਹੈ, ਜਿਸ ਵਿੱਚ ਉਹ ਨੀਤੂ ਦੀ ਬੇਟੀ ਦਾ ਹੀ ਕਿਰਦਾਰ ਨਿਭਾ ਰਹੀ ਹੈ। ਆਪਣੀ ਸਦਾਬਹਾਰ ਖ਼ੂਬਸੂਰਤੀ ਦਾ ਰਾਜ਼ ਦੱਸਦਿਆਂ ਨੀਤੂ ਨੇ ਕਿਹਾ ਕਿ ਚੰਗੀ ਖੁਰਾਕ, ਚੰਗੀ ਨੀਂਦ ਅਤੇ ਸਕਾਰਾਤਮਕ ਸੋਚ ਹੀ ਉਨ੍ਹਾਂ ਨੂੰ ਅੱਜ ਵੀ ਜਵਾਨ ਰੱਖਦੀ ਹੈ।
