Sidhu Moosewala ਦਾ ਨਵਾਂ ਗੀਤ ‘Ghostface Killah’ ਰਿਲੀਜ਼; ਛੇ ਘੰਟਿਆਂ ਵਿੱਚ 18 ਲੱਖ ਤੋਂ ਵੱਧ ਵਿਊਜ਼

Sidhu Moosewala Ghostface: ਮਰਹੂਮ ਪੰਜਾਬੀ ਗਾਇਕ ਸ਼ੁਭਦੀਪ ਸਿੰਘ ਸਿੱਧੂ ਉਰਫ਼ ਸਿੱਧੂ ਮੂਸੇਵਾਲਾ ਦਾ ਨਵਾਂ ਗੀਤ ‘ਗੋਸਟਫੇਸ ਕਿਲਾ’ (Ghostface Killah) ਅੱਜ ਅਧਿਕਾਰਤ ਤੌਰ ’ਤੇ ਰਿਲੀਜ਼ ਹੋ ਗਿਆ ਹੈ। ਇਹ ਗੀਤ ਸੋਮਵਾਰ ਸ਼ਾਮ 5:50 ਵਜੇ ਦੇ ਦਰਮਿਆਨ ਸਿੱਧੂ ਮੂਸੇਵਾਲਾ ਦੇ ਅਧਿਕਾਰਤ ਯੂਟਿਊਬ ਚੈਨਲ ’ਤੇ ਅਪਲੋਡ ਕੀਤਾ ਗਿਆ।

ਇਸ ਗੀਤ ਦੀ ਅਧਿਕਾਰਤ ਵੀਡੀਓ ਨੂੰ ਰਿਲੀਜ਼ ਹੋਣ ਤੋਂ 6 ਘੰਟਿਆਂ ਵਿੱਚ 18 ਲੱਖ ਤੋਂ ਵੱਧ ਵਿਊਜ਼ ਮਿਲੇ, 3.77 ਲੱਖ ਜਣਿਆਂ ਨੇ ਲਾਈਕ ਕੀਤਾ ਹੈ ਤੇ 89,321 ਤੋਂ ਵੱਧ ਕੁਮੈਂਟ ਆਏ।

ਇਸ ਗੀਤ ਨੂੰ ਯੂਟਿਊਬ ’ਤੇ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਗੀਤ ਦੇ ਵੀਡੀਓ ਰਿਲੀਜ਼ ਹੋਣ ਤੋਂ ਪੰਜ ਘੰਟਿਆਂ ਵਿੱਚ 16.51 ਲੱਖ ਤੋਂ ਵੱਧ ਵਿਊਜ਼ ਮਿਲੇ।  ਇਸ ਤੋਂ ਇਲਾਵਾ ਵੀਡੀਓ ਨੂੰ 3.64 ਲੱਖ ਤੋਂ ਵੱਧ ਲਾਈਕ ਕੀਤਾ ।

ਸਿੱਧੂ ਮੂਸੇਵਾਲਾ ਦੇ ਅਧਿਕਾਰਤ ਯੂਟਿਊਬ ਚੈਨਲ ’ਤੇ ਜਾਰੀ ਕੀਤੀ ਗਈ ਇਸ ਵੀਡੀਓ ਦੇ ਪਹਿਲੇ ਪੰਜ ਘੰਟਿਆਂ ਵਿਚ 87 ਹਜ਼ਾਰ ਤੋਂ ਵੱਧ ਕੁਮੈਂਟ ਵੀ ਆ ਚੁੱਕੇ ਸਨ।

ਜਾਣਕਾਰੀ ਅਨੁਸਾਰ ਗੀਤ ਰਿਲੀਜ਼ ਹੁੰਦਿਆਂ ਹੀ ਯੂਟਿਊਬ ’ਤੇ ਛਾ ਗਿਆ। ਰਿਲੀਜ਼ ਹੋਣ ਦੇ ਮਹਿਜ਼ ਇਕ ਘੰਟੇ ਦੇ ਅੰਦਰ ਹੀ ਇਸ ਗੀਤ ਨੂੰ 3 ਲੱਖ 31 ਹਜ਼ਾਰ ਤੋਂ ਵੱਧ (331K+) ਵਿਊਜ਼ ਮਿਲ ਚੁੱਕੇ ਸਨ ਅਤੇ 1.28 ਲੱਖ ਤੋਂ ਵੱਧ ਲੋਕਾਂ ਨੇ ਇਸ ਨੂੰ ਲਾਈਕ ਕੀਤਾ।

ਇਸ ਗੀਤ ਦੇ ਬੋਲ ਖ਼ੁਦ ਸਿੱਧੂ ਮੂਸੇਵਾਲਾ ਵੱਲੋਂ ਲਿਖੇ ਅਤੇ ਕੰਪੋਜ਼ ਕੀਤੇ ਗਏ ਹਨ, ਜਦਕਿ ਇਸ ਦਾ ਸੰਗੀਤ ਮਿਊਜ਼ਿਕ ਪ੍ਰੋਡਿਊਸਰ ‘ਮਰਸੀ’ (Mxrci) ਨੇ ਤਿਆਰ ਕੀਤਾ ਹੈ। ਗੀਤ ਦੇ ਵੀਡੀਓ ਵਿਜ਼ੂਅਲਜ਼ ਨਵਕਰਨ ਬਰਾੜ ਵੱਲੋਂ ਤਿਆਰ ਕੀਤੇ ਗਏ ਹਨ।

ਜ਼ਿਕਰਯੋਗ ਹੈ ਕਿ ਸਿੱਧੂ ਮੂਸੇਵਾਲਾ ਦੇ ਦੇਹਾਂਤ ਤੋਂ ਬਾਅਦ ਵੀ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਉਨ੍ਹਾਂ ਦੇ ਗੀਤਾਂ ਨੂੰ ਲੈ ਕੇ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਦਾ ਹੈ। ਇਸ ਨਵੇਂ ਗੀਤ ਨੂੰ ਵੀ ਦਰਸ਼ਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ਅਤੇ ਯੂਟਿਊਬ ਉੱਤੇ ਇਸ ਦੇ ਵਿਊਜ਼ ਲਗਾਤਾਰ ਤੇਜ਼ੀ ਨਾਲ ਵਧ ਰਹੇ ਹਨ।

ਜਾਣਕਾਰੀ ਅਨੁਸਾਰ ‘Ghostface Killah’ ਨਾਮ ਸਿੱਧੂ ਮੂਸੇਵਾਲਾ ਦੇ ਸੰਗੀਤ ਨਾਲ ਪਹਿਲਾਂ ਵੀ ਜੁੜ ਚੁੱਕਾ ਹੈ। ਸਾਲ 2024 ਵਿੱਚ ਸਟੀਫਲੌਨ ਡੌਨ ਨਾਲ ਰਿਲੀਜ਼ ਹੋਏ ਗੀਤ ‘ਡਿਲੇਮਾ’ ਵਿੱਚ ਸਿੱਧੂ ਮੂਸੇਵਾਲਾ ਨੇ ਆਪਣੀਆਂ ਲਾਈਨਾਂ ਦੌਰਾਨ ਅਮਰੀਕੀ ਰੈਪਰ ਗੋਸਟਫੇਸ ਕਿਲਾ ਅਤੇ ਉਸ ਦੇ ਹਿਪ-ਹੌਪ ਗਰੁੱਪ ਵੂ-ਟੈਂਗ ਕਲੈਨ ਦਾ ਜ਼ਿਕਰ ਕੀਤਾ ਸੀ। ਇਸ ਗੀਤ ਵਿੱਚ ਸਿੱਧੂ ਦੀ ਇਹ ਲਾਈਨ ਵੀ ਸੀ, ਜਿਸ ਵਿੱਚ ਉਸ ਨੇ ਖ਼ੁਦ ਦੀ ਤੁਲਨਾ ਵੂ-ਟੈਂਗ ਕਲੈਨ ਦੇ ਮੈਂਬਰ ਨਾਲ ਕੀਤੀ ਸੀ। ਇਸ ਤਰ੍ਹਾਂ ‘ਗੋਸਟਫੇਸ ਕਿੱਲਾ’ ਨਾਮ ਸਿੱਧੂ ਦੀ ਪੁਰਾਣੀ ਰਚਨਾ ਵਿੱਚ ਵੀ ਸਾਹਮਣੇ ਆ ਚੁੱਕਾ ਹੈ ਅਤੇ ਹੁਣ ਉਸੇ ਨਾਮ ਨਾਲ ਨਵਾਂ ਗੀਤ ਰਿਲੀਜ਼ ਹੋਣ ਕਾਰਨ ਪ੍ਰਸ਼ੰਸਕਾਂ ਦੀ ਦਿਲਚਸਪੀ ਹੋਰ ਵਧੀ ਹੈ।

ਇਸ ਤੋਂ ਇਲਾਵਾ, ਸਿੱਧੂ ਮੂਸੇਵਾਲਾ ਦੇ ਦੇਹਾਂਤ ਤੋਂ ਬਾਅਦ ਵੀ ਉਨ੍ਹਾਂ ਦੀ ਆਵਾਜ਼ ਵਾਲੇ ਗੀਤ ਲਗਾਤਾਰ ਰਿਲੀਜ਼ ਹੁੰਦੇ ਰਹੇ ਹਨ। ਇਸ ਤੋਂ ਪਹਿਲਾਂ ਵੀ ‘ਡ੍ਰਿੱਪੀ’ ਸਮੇਤ ਕਈ ਪੋਸਟਹਿਊਮਸ ਗੀਤਾਂ ਨੇ ਸੰਗੀਤ ਪਲੇਟਫਾਰਮਾਂ ’ਤੇ ਵੱਡੀ ਗਿਣਤੀ ਵਿੱਚ ਸਰੋਤੇ ਬਣਾਏ ਹਨ। ‘ਡ੍ਰਿੱਪੀ’ ਵਿੱਚ ਸਿੱਧੂ ਮੂਸੇਵਾਲਾ ਨਾਲ ਐੱਮਐਕਸਆਰਸੀਆਈ ਅਤੇ ਏਆਰ ਪੈਸਲੇ ਦੀ ਸਾਂਝ ਸੀ।

Ghostface Killah ਅਮਰੀਕੀ ਹਿਪ-ਹੌਪ ਗਰੁੱਪ Wu-Tang Clan ਦਾ ਮੈਂਬਰ ਹੈ ਅਤੇ ਉਸ ਦੀ 1996 ਦੀ ਪਹਿਲੀ ਸੋਲੋ ਐਲਬਮ Ironman ਨੂੰ ਹਿਪ-ਹੌਪ ਦੀ ਮਹੱਤਵਪੂਰਨ ਰਿਲੀਜ਼ਾਂ ਵਿੱਚ ਗਿਣਿਆ ਜਾਂਦਾ ਹੈ। 2026 ਵਿੱਚ ਇਸ ਐਲਬਮ ਦੀ 30ਵੀਂ ਵਰ੍ਹੇਗੰਢ ਮੌਕੇ ਮੁੜ ਵਿਨਾਇਲ ਰਿਲੀਜ਼ ਵੀ ਹੋਈ ਹੈ।

Sidhu Moosewala Murder Case: ਗੈਂਗਸਟਰ ਅਨਮੋਲ ਬਿਸ਼ਨੋਈ ਦੀ ਪਟੀਸ਼ਨ ’ਤੇ 9 ਅਕਤੂਬਰ ਨੂੰ ਹੋਵੇਗੀ ਬਹਿਸ