ਮੁੰਬਈ: ਅਦਾਕਾਰਾ ਨੋਰਾ ਫਤੇਹੀ ਇਸ ਸਮੇਂ ਅਜ਼ਰਬਾਇਜਾਨ ਵਿੱਚ ਆਪਣੀ ਆਉਣ ਵਾਲੀ ਫ਼ਿਲਮ ‘ਕਰੈਕ-ਜੀਤੇਗਾ ਤੋ ਜੀਏਗਾ’ ਦੀ ਸ਼ੂਟਿੰਗ ਅਦਾਕਾਰ ਵਿਦਯੁਤ ਜਾਮਵਾਲ ਨਾਲ ਕਰ ਰਹੀ ਹੈ। ਨੋਰਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਸ਼ੂਟਿੰਗ ਦੀਆਂ ਕੁਝ ਝਲਕੀਆਂ ਸਾਂਝੀਆਂ ਕੀਤੀਆਂ ਹਨ। ਇੱਕ ਵੀਡੀਓ ਵਿੱਚ ਨੋਰਾ ਇਹ ਕਹਿੰਦੀ ਸੁਣਾਈ ਦੇ ਰਹੀ ਹੈ, ‘ਬਾਕੂ ਵਿੱਚ ਸ਼ੂਟਿੰਗ ਦਾ ਪਹਿਲਾ ਦਿਨ। ਇਹ ਰਾਤ ਦੀ ਸ਼ੂਟਿੰਗ ਹੈ ਅਤੇ ਬਾਕੂ ਬਹੁਤ ਪਿਆਰਾ ਲੱਗ ਰਿਹਾ ਹੈ। ਇਹ ਇੱਕ ਸੁੰਦਰ ਸ਼ਾਂਤ ਥਾਂ ਹੈ। ਅਸੀਂ ਬਿਨਾਂ ਕਿਸੇ ਸਮੱਸਿਆ ਦੇ ਇਸ ਨੂੰ ਵੱਧ ਤੋਂ ਵੱਧ ਵਲੌਗ ਕਰਨ ਜਾ ਰਹੇ ਹਾਂ।’ ਦੂਜੇ ਕਲਿੱਪ ਵਿੱਚ, ਅਭਿਨੇਤਰੀ ਇੱਕ ਕੈਫੇ ਵਿੱਚ ਬੈਠੀ ਇੱਕ ਸਹਿਕਰਮੀ ਨਾਲ ‘ਬਲੈਕ ਟੀ’ ਪੀਂਦੀ ਦਿਖਾਈ ਦੇ ਰਹੀ ਹੈ। ਅਦਾਕਾਰਾ ਨੇ ਆਖਿਆ,‘‘ਅਸੀਂ ਚਾਹ ਪੀ ਰਹੇ ਹਾਂ ਅਤੇ ਹੁਣੇ-ਹੁਣੇ ਸੈੱਟ ਤੋਂ ਭੱਜ ਕੇ ਆਏ ਹਾਂ। ਉਮੀਦ ਹੈ ਕਿ ਕੋਈ ਸਾਡੀ ਉਡੀਕ ਨਹੀਂ ਕਰ ਰਿਹਾ ਹੋਵੇਗਾ। ਇੱਕ ਹੋਰ ਕਲਿੱਪ ਵਿੱਚ ਉਸ ਨੇ ਆਪਣੇ ਸ਼ੂਟਿੰਗ ਦੇ ਪ੍ਰੋਗਰਾਮ ਬਾਰੇ ਗੱਲਬਾਤ ਕਰਦਿਆਂ ਕਿਹਾ, ‘ਮੈਂ ਇਸ ਨੂੰ ਦਸਤਾਵੇਜ਼ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀ ਹਾਂ। ਫ਼ਿਲਮ ‘ਕਰਕ-ਜੀਤੇਗਾ ਤੋ ਜੀਏਗਾ’ ਦਾ ਨਿਰਦੇਸ਼ਨ ਆਦਿਤਿਆ ਦੱਤ ਵੱਲੋਂ ਕੀਤਾ ਜਾ ਰਿਹਾ ਹੈ। ਇਸ ਦੀ ਕਹਾਣੀ ਦੋ ਭਰਾਵਾਂ ’ਤੇ ਅਧਾਰਿਤ ਹੈ, ਜੋ ਜਿੱਤਣ ਲਈ ਖਤਰਨਾਕ ਸਟੰਟ ਕਰਦੇ ਹਨ। ਇਸ ਦੀ ਕਹਾਣੀ ਸਾਰਿਮ ਮੋਮਿਨ ਅਤੇ ਰੇਹਾਨ ਖਾਨ ਨੇ ਲਿਖੀ ਹੈ। ਇਸ ਵਿੱਚ ਅਰਜੁਨ ਰਾਮਪਾਲ ਵੀ ਹਨ। -ਆਈਏਐੱਨਐੱਸ
