ਮੈਂ ਵਿਆਹ ਮਗਰੋਂ ਨਹੀਂ ਲਈ ਛੁੱਟੀ: ਗੌਹਰ ਖਾਨ

ਮੈਂ ਵਿਆਹ ਮਗਰੋਂ ਨਹੀਂ ਲਈ ਛੁੱਟੀ: ਗੌਹਰ ਖਾਨ

ਮੁੰਬਈ: ਬੌਲੀਵੁੱਡ ਅਭਿਨੇਤਰੀ ਤੇ ਮਾਡਲ ਗੌਹਰ ਖਾਨ ਨੇ ਕਿਹਾ ਕਿ ਉਹ ਵਿਆਹ ਮਗਰੋਂ ਕਾਫ਼ੀ ਰੁੱਝੀ ਹੋਈ ਹੈ ਤੇ ਉਸ ਕੋਲ ਇਕ ਦਿਨ ਦੀ ਛੁੱਟੀ ਲਈ ਵੀ ਸਮਾਂ ਨਹੀਂ ਹੈ। ਉਸ ਨੇ ਦੱਸਿਆ ਕਿ ਅਪਰੈਲ ਤੱਕ ਉਸ ਕੋਲ ਵਾਧੂ ਛੁੱਟੀਆਂ ਨਹੀਂ ਹਨ। ਜ਼ਿਕਰਯੋਗ ਹੈ ਕਿ ਅਭਿਨੇਤਰੀ ਗੌਹਰ ਖਾਨ ਨੇ ਬੀਤੇ ਵਰ੍ਹੇ 25 ਦਸੰਬਰ ਨੂੰ ਕੋਰੀਓਗ੍ਰਾਫ਼ਰ ਜ਼ੈਦ ਦਰਬਾਰ ਨਾਲ ਵਿਆਹ ਕਰਵਾਇਆ ਸੀ।

ਉਸ ਨੇ ਕਿਹਾ, ‘‘ਮੇਰੇ ਵਿਆਹ ਨੂੰ ਹਾਲੇ 15 ਦਿਨ ਵੀ ਨਹੀਂ ਹੋਏ ਤੇ ਵਲੀਮਾ (ਰਿਸੈਪਸ਼ਨ) ਮਗਰੋਂ ਮੈਂ ਰੋਜ਼ਾਨਾ ਸ਼ੂਟਿੰਗ ’ਤੇ ਹਾਂ, ਕਿਉਂਕਿ ਮੈਂ ਇਕ ਫਿਲਮ ਅਤੇ ਦੋ ਹੋਰ ਸ਼ੋਅ ਕਰ ਰਹੀ ਹਾਂ। ਇਸ ਲਈ ਮੈਂ ਵਿਆਹ ਤੋਂ ਬਾਅਦ ਹੁਣ ਤਕ ਇਕ ਵੀ ਛੁੱਟੀ ਨਹੀਂ ਲਈ’’। ਉਸ ਨੇ ਕਿਹਾ ਕਿ ਉਹ ਦੋਵੇਂ ਜਣੇ ਇਕੱਠੇ ਬਹੁਤ ਜ਼ਿਆਦਾ ਕੰਮ ਕਰ ਰਹੇ ਹਨ। ਅਭਿਨੇਤਰੀ ਨੇ ਕਿਹਾ ਕਿ ਉਸ ਨੂੰ ਨਹੀਂ ਪਤਾ ਕਿ ਉਹ ਛੁੱਟੀ ’ਤੇ ਕਦੋਂ ਜਾਵੇਗੀ, ਕਿਉਂਕਿ ਉਹ ਅਪਰੈਲ ਤੱਕ ਆਪਣੇ ਪ੍ਰਾਜੈਕਟਾਂ ਲਈ ਸ਼ੂਟਿੰਗ ਕਰ ਰਹੀ ਹੈ। ਅਦਾਕਾਰਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਦਾਕਾਰੀ ਤੇ ਮਿਊਜ਼ਿਕ ਵੀਡੀਓਜ਼ ਲਈ ਕਈ ਮੌਕੇ ਮਿਲ ਰਹੇ ਹਨ।
-ਆਈਏਐੱਨਐਸ

ਸਭ ਤੋਂ ਵੱਧ ਪੜ੍ਹੀਆਂ ਖ਼ਬਰਾਂ

ਸ਼ਹਿਰ

View All