Dinesh Sudarshan Soi ਦੀ ‘The Water Kingdom’ ਨੇ ਰਚਿਆ ਇਤਿਹਾਸ! YouTube Movies ਦੀ Sci-Fi ਲਿਸਟ ਵਿੱਚ ਮਿਲੀ ਥਾਂ
Apple TV ਅਤੇ YouTube Movies ’ਤੇ ਸਟ੍ਰੀਮ ਹੋਣ ਵਾਲੀ ਭਾਰਤੀ ਕਲਾਕਾਰਾਂ ਦੀ ਪਹਿਲੀ ਅੰਗਰੇਜ਼ੀ Sci-Fi ਫਿਲਮ ਬਣੀ
ਦਿਨੇਸ਼ ਸੁਦਰਸ਼ਨ ਸੋਈ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਫਿਲਮ ‘The Water Kingdom’ ਨੇ ਕੌਮਾਂਤਰੀ ਪੱਧਰ ’ਤੇ ਭਾਰਤ ਦਾ ਮਾਣ ਵਧਾਇਆ ਹੈ। ਇਹ ਫਿਲਮ YouTube Movies (Google Play) ਉੱਤੇ ਉਪਲਬਧ ਦੁਨੀਆ ਭਰ ਦੀਆਂ ਚੋਣਵੀਆਂ 16 Sci-Fi ਅੰਗਰੇਜ਼ੀ ਫਿਲਮਾਂ ਵਿੱਚ ਸਥਾਨ ਬਣਾਉਣ ਵਾਲੀ ਪਹਿਲੀ ਭਾਰਤੀ ਸਟਾਰਕਾਸਟ ਵਾਲੀ ਅੰਗਰੇਜ਼ੀ ਫਿਲਮ ਬਣ ਗਈ ਹੈ।
ਵਾਤਾਵਰਣ ਦੀ ਤਬਾਹੀ ਅਤੇ ਪਾਣੀ ਦੇ ਪ੍ਰਦੂਸ਼ਣ ਵਰਗੇ ਗੰਭੀਰ ਮੁੱਦਿਆਂ ’ਤੇ ਆਧਾਰਿਤ ਇਹ ਫਿਲਮ ਹੁਣ Apple TV ਅਤੇ YouTube Movies ’ਤੇ ਸਟ੍ਰੀਮਿੰਗ ਲਈ ਉਪਲਬਧ ਹੈ। ਫਿਲਮ ਵਿੱਚ ਰਾਹੁਲ ਦੇਵ ਨੇ ਵਾਟਰ ਸਾਇੰਸ ਵਿਭਾਗ ਦੇ ਮੁਖੀ ਦੀ ਮੁੱਖ ਭੂਮਿਕਾ ਨਿਭਾਈ ਹੈ, ਜਦੋਂਕਿ ਗਣਨਯ ਚੱਢਾ, ਡੌਲੀ ਸਿੰਘ ਅਤੇ ਪ੍ਰਗਿਆ ਮਿਸ਼ਰਾ ਨੇ ਮਹੱਤਵਪੂਰਨ ਕਿਰਦਾਰ ਨਿਭਾਏ ਹਨ।
ਨਿਰਦੇਸ਼ਕ ਦਿਨੇਸ਼ ਸੁਦਰਸ਼ਨ ਸੋਈ ਅਨੁਸਾਰ, ਇਹ ਫਿਲਮ ਸਿਰਫ਼ ਮਨੋਰੰਜਨ ਨਹੀਂ ਬਲਕਿ ਮਨੁੱਖਤਾ ਲਈ ਇੱਕ ਚੇਤਾਵਨੀ ਹੈ ਕਿ ਜੇਕਰ ਅਸੀਂ ਕੁਦਰਤ ਅਤੇ ਸਮੁੰਦਰਾਂ ਦਾ ਸ਼ੋਸ਼ਣ ਕਰਨਾ ਨਾ ਛੱਡਿਆ, ਤਾਂ ਇਸਦੇ ਨਤੀਜੇ ਭਿਆਨਕ ਹੋ ਸਕਦੇ ਹਨ। ਫਿਲਮ ਵਿੱਚ ਮਾਏਸ਼ਾ ਸੋਈ ਦੇ ਮਾਸੂਮ ਸਵਾਲਾਂ ਰਾਹੀਂ ਵਾਤਾਵਰਣ ਸੰਭਾਲ ਦਾ ਡੂੰਘਾ ਸੰਦੇਸ਼ ਦਿੱਤਾ ਗਿਆ ਹੈ।
ਸਿੰਧੁਦੁਰਗ ਦੇ ਖੂਬਸੂਰਤ ਸਮੁੰਦਰੀ ਤਟਾਂ ’ਤੇ ਫਿਲਮਾਈ ਗਈ ਇਸ ਫਿਲਮ ਨੂੰ ਡੌਲੀ ਸਟੂਡੀਓਜ਼ ਅਤੇ ਚਲਚਿੱਤਰ ਫਿਲਮਜ਼ ਦੇ ਬੈਨਰ ਹੇਠ ਤਿਆਰ ਕੀਤਾ ਗਿਆ ਹੈ। ਇਹ ਫਿਲਮ ਦਰਸ਼ਕਾਂ ਨੂੰ ਸੋਚਣ ਲਈ ਮਜਬੂਰ ਕਰਦੀ ਹੈ ਕਿ ਕੁਦਰਤ ਦਾ ਸਤਿਕਾਰ ਕਰਨਾ ਹੁਣ ਸਾਡੇ ਕੋਲ ਕੋਈ ਵਿਕਲਪ ਨਹੀਂ, ਸਗੋਂ ਧਰਤੀ ਨੂੰ ਬਚਾਉਣ ਦਾ ਇੱਕੋ-ਇੱਕ ਰਸਤਾ ਹੈ।
